авионски летови – Kurir.mk

Светски авиокомпании ги откажуваат летовите за време на Божик

Тале Кристо — Fri, 24 Dec 2021 14:13:04 +0000

Најмалку три големи авиокомпании откажаа десетици летови, бидејќи голем број членови на екипажите се заразени со коронавирус. Германската авиокомпанија „Луфтханза“ денеска соопшти дека откажала десетина долги прекуокеански летови за време на божиќните празници поради „масовното зголемување“ на боледувањата меѓу пилотите. Откажани се летовите за Хјустон, Бостон и Вашингтон. Од авиокомпанијата наведуваат дека не можат да шпекулираат дали за тоа се одговорни инфекциите на Ковид-19 или карантинот, бидејќи компанијата не добила известувања за видот на болеста. Патниците, како што е соопштено, биле пренасочени на други летови. Во САД, комапниите „Делта ерлајнс“ и „Јунајтед ерлајнс“ тврдат дека морале да откажат десетици летови за Бадник поради недостаток на персонал по заразување со сојот омикрон. – Ненадејното зголемување на бројот на заразени случаи со омикрон оваа недела, имаше директно влијание врз нашиот екипаж. Како резултат на тоа, за жал, моравме да откажеме некои летови и да ги информираме патниците пред нивното пристигнување на аеродромот, се наведува во соопштението на „Јунајтед ерлајнс“. Авиокомпанијата соопшти дека откажува повеќе од 100 летови и работи на промена на резервациите на што е можно повеќе луѓе. Од „Делта“ порачуваат дека денеска откажале околу 90 летови поради можноста од лоши временски услови и влијанието на омикрон варијантата на Ковид-19, откако компанијата ги „исцрпела сите опции и ресурси“.

ВИДЕО: Карантинот укинат, Нов Зеланд и Австралија ги отворија границите – Солзи и емоции на аеродромите

Ивона Петрова — Mon, 19 Apr 2021 06:05:27 +0000

Стотици патници од Австралија денеска почнаа да пристигнуваат во Нов Зеланд откако властите ги отворија границите. Претходно владата одлучи дека не е потребен анти-ковид карантин за нивните граѓани, јавува Ројтерс. Иако најголем дел од австралијанските држави дозволија влез за граѓаните на Нов Зеланд без карантин, Нов Зеланд не одговори со истата мерка, туку остана во изолација. Телевизиски снимки, поотворањето на границите, прикажуваат емотивни средби на семејства по една година физичка разделеност поради пандемијата. -Ова е прв пат по повеќе од 400 дена луѓето да можат да патуваат без карантин и ние ќе додадеме дополнителни 16 летови дневно од Нов Зелан, изјавил извршниот директор на авиокомпанијата „Кантас“, Алан Џојс. Тој додава дека компанијата ќе го зголеми бројот на летови меѓу двете земји на 200 неделно, додека компанијата „Ер Нов Зеланд“ соопшти дека за четири пати го зголемила бројот на летови денеска, а исполнетоста на капацитетите на авионите била 97 проценти. Патниците од останатите земји кои пристигнуваат во Нов Зеланд и Австралија мора да поминат двонеделен карантин во хотел на свој трошок.

„Изи џет“ и „Бритиш ервејз“ продолжуваат со летови меѓу Велика Британија и Шпанија

Дарко Андоновски — Sun, 26 Jul 2020 09:55:11 +0000

„Изи џет“ и „Бритиш Ервејз“ им порачаа на своите клиенти дека во следните неколку дена немаат намера да ги откажат летовите, откако британската влада синоќа ги советуваше да ги прекинат непотребните патувања во Шпанија поради зголемиот број заболени од Ковид-19. ТУИ, најголемиот туроператор во Европа, претходно вчера соопшти дека ги откажува сите патувања за годишни одмори закажани за недела. „Очекуваме нашите летови нормално да функционираат“, му соопшти „Бритиш ервејз“ на еден клиент на Твитер. Претставник на сервисната служна на „Изи Џет“ на друг клиент му порача дека планираат цела недела да работат на нивниот однапред испланиран распоред.