авионски несреќи – Kurir.mk

Пандемските ограничувања двојно го намалија бројот на жртви во авионски несреќи во 2021 година

Дарко Андоновски — Fri, 31 Dec 2021 12:32:02 +0000

Падот на глобалниот воздушен сообраќај поради пандемијата на коронавирус продолжи и оваа година, што резултираше со речиси двојно помал број на жртви во авионски несреќи, покажуваат податоците на истражувачкиот центар за несреќи ЈАЦДЕС. – Достапните податоци покажуваат 168 смртни случаи во 2021 година, речиси двојно помалку од бројот во 2020 година и 505 под 25-годишниот просек, изјави Јан-Арвед-Рихтер од Центарот за евалуација на податоци за авионски несреќи во Хамбург (JACDEC). Според анализата подготвена од ЈАЦДЕС, 30 комерцијални авиони биле уништени или трајно оштетени во авионски несреќи низ светот. Истражувачите изброиле вкупно 671 несреќа и инциденти во светот, главно со помали авиони со пропелер или кои се случиле на товарни, пробни и специјални летови. Само во САД се регистрирани четири големи несреќи, но без човечки жртви. ЈАЦДЕС ја наведува како најтешка несреќата на Боинг 737-500 над Индонезија, во која загинаа 62 лица на 9 јануари. Причината за несреќата се уште се истражува. Според Меѓународната асоцијација за воздушен транспорт (ИАТА), компаниите превезоа 2,3 милијарди патници оваа година, а се проценува дека ќе загубат до 51,8 милијарди долари приход поради падот на воздушниот сообраќај за време на пандемијата. ИАТА проценува дека следната година превозниците би требало да превезат 3,4 милијарди патници, што е речиси на нивото од 2014 година. Непосредно пред пандемијата, бројот на патници во воздушниот сообраќај достигна 4,5 милијарди.

2019: Преполовен бројот на жртви во авионски несреќи

Ивона Петрова — Thu, 02 Jan 2020 08:59:53 +0000

Бројот на жртви во големи авионски несреќи во светот во 2019 година паднал за повеќе од половина, се наведува во извештајот на консултантската фирма за авијација „То70“. Според податоци на компанијата, минатата година во авионски несреќи загинале 257 луѓе, а во 2018 загинале 534 лица во 13 несреќи. Бројот на жртви е зголемен кон крајот на декември откако во Казахстан се урна авион на компанијата „Бек ер“ со 93 патници. Несреќата се случи на 27 декември, а загинаа 12 лица. Најтешката несреќа во 2019 се случи на 10 март, кога се урна „Боинг 737 МАКС“ на етиописка авиокомпанија, а загинаа 157 луѓе

Боинг призна одговорност: Двете авионски несреќи предизвикани од софтверот МЦАС, вкупно загинати 336

Предраг Кукиќ — Fri, 05 Apr 2019 06:51:10 +0000

Компанијата Боинг призна дека грешката во нејзиниот софтвер МЦАС ги предизвика двете неодамнешни авионски несреќи на Боинг 737 Макс 8. -Нам, во Боинг, ни е многу жал за изгубените животи во неодамнешните несреќи на авионите 737 Макс 8. Тие трагедии засекогаш ќе остават длабока трага на нашите срца и во нашите мисли. Изразуваме сочуство на семејствата на загинатите патници и екипаж, изјави Денис Маленбург, претседател и главен извршен директор на компанијата Боинг. -Владата ќе ја извести јавноста за сите детали поврзани со овие две трагични несреќи во својот официјален извештај. Но, од прелиминарниот извештај на истрагата за падот на авионот на компанијата Етиопијан Ерплајнс, стана јасно дека обете несреќи се предизвикани од софтверот „Maneuvering Characteristics Augmentation System“ (МЦАС), додаде тој. Маленбург посочи дека пилотите им објасниле оти системот МЦАС е ризичен за патување. Наша одговорност е д аго елиминираме тој ризик. Тоа ви го должиме и знаеме како да го направиме, изјави директорот. Етиопските власти вчера соопштија дека пилотите на компанијата „Етиопијан ерлајнс“ правилно ги следеле процедурите, кога нивниот авион Боинг 737 МАКС 8 неколку пати понирал со носот надолу пред да се урне на 10 март, при што загинаа 157 луѓе. – Екипажот неколкупати ги извршил сите постапки, кои ги одредил производителот, но не можел да го контролира авионот, изјави министерката за транспорт Дагмавит Могес. Пилотите откако го воочиле проблемот со автоматскиот систем за воспоставување рамнотежа, ги следеле препорачаните итни процедури и го исклучиле. Се обиделе рачно да воспостават рамнотежа, но било физички невозможно поради тоа што авионот брзо летал.

ИАТА: Во 2018 година повеќе смртни случаи во авиосообраќајот

Дарко Андоновски — Fri, 22 Feb 2019 08:27:12 +0000

Во 2018 година 523 лица загинале во комерцијалниот авиосообраќај, а во 2017 година нивниот број изнесувал 19, со што 2017. е рекордна година на безбедни летови, соопшти синоќа Меѓународното здружение за воздушен превоз (ИАТА). Минатата година забележан е мал пораст на авионските несреќи, од 1,11 несреќи на еден милион летови во 2017 на 1,35 минатата година. – Минатогодишната стапка на несреќи е под 1,79 на еден милион летови што е забележана во последните пет години, се наведува во соопштението од ИАТА. Најголемите авионски несреќи во 2018 година се уривањето на авион на „Лајон ер“ во Јаванско Море, при што загинаа 189 лица, потоа падот на авион на компанијата „Кубана де ависион“ во Куба, при што загинаа над сто луѓе, како и уривањето на авион на компанијата „Саратов“, при што загинаа 71 човек во близина на Москва.