авионско прскање – Kurir.mk

Авионско третирање против комарци утре во Кавадарци

Тале Кристо — Tue, 27 Jun 2023 18:45:05 +0000

Авионско третирање против комарци ќе се спроведе утре на територијата на општината Кавадарци, информираат од кавадаречката локална самоуправа. Од Општина Кавадарци известуваат дека првото третирање против комарци за оваа година, ќе се реализира во периодот од пет до седум часот, од страна на фирмата дау „БОНИЕР“ ДООЕЛ од Куманово. - Се известуваат сите граѓани како и пчелари, дека во периодот на третирање и 3 - 4 часа потоа, да ги затворат кошниците - сандаците со пчели, заради можноста од влијание на средството со кое се врши третирањето, врз безбедноста на пчелните семејства. Во случај на врнежи, прскањето ќе биде одложено за друг ден, информираат од Општината. Со третирањето ќе биде опфатено течението на реката Луда Мара, од селото Марена, преку целото градско подрачје, село Ваташа, до брана Моклиште.

Aвионскa дезинсекција утре во Велес и околината

Ивона Петрова — Tue, 31 May 2022 10:44:19 +0000

Согласно Законот за заштита на населението од заразни болести, за спроведување на превентивна дезинсекција на подрачјето на Општина Велес, како општа мерка за заштита на населението од заразни болести, од Општина Велес информираат дека првото авионско тертирање против комарци ќе го изврши утре во периодот од 05 до 08 часот. Доколку временските услови не дозволуваат авионското прскање ќе се изврши наредниот ден. -Границата, на третирањето е Езеро Младост, село Отовица, месност Јарбош, по течението на Вардар од север од село Башино село низ Велес, се до вливот на реката Бабуна и село Горно Караслари. На запад границата започнува од населбата Превалец, преку населбата Керамидна кон фабриката „Киро Ќучук“ и село Горно Оризари. Со третирањето ќе биде опфатено целото градско и приградско подрачје, како и целото течение на реката Вардар на овој потег. И оваа година ќе се третира рекреативниот центар Езеро Младост со непосредната околина,информираат од Општина Велес. Третманот ќе се врши со средство „KULFAK 50 ЕС“, биоциден производ на производител „KULSAN ILАС“, од Турција, одобрено од Министерството за здравство. Од Општината предупредуваат пчеларите во време на третирањето и 3 до 4 часа потоа треба да ги затворат кошниците со пчели, заради можноста од влијание на средството со кое се врши третирање врз безбедноста на пчелните семејства.

СКОПЈАНИ НЕМААТ СРЕЌА- Шилегов го одложи прскањето против комарци закажано за утре

Дарко Андоновски — Mon, 24 Aug 2020 20:02:38 +0000

Прскањето протов комарци што Град Скопје го најави за утре се одложува за среда поради временски услови. -Вонредната авионска дезинсекција на подрачјето на градот Скопје, против возрасни форми на комарци, ќе се реализира на 26.08.2020 година (среда) и на 27.08.2020 година (четврток), во раните утрински часови- наведуваат од Град Скопје. Од Градот ги известуваат пчеларите навреме да ги преземат потребните мерки за заштита на пчелите. Од аероклубот за Канал 5 велат дека утре се очекуваат врнежи, па затоа прскањето се одложува за среда во 5 часот наутро. Оттаму посочуваат дека средството е поефикасно пред дожд отколку после дожд.

Во понеделник прскање против комарци во Скопје

Ивона Петрова — Fri, 01 May 2020 08:13:22 +0000

Градот Скопје ги известува граѓаните дека првата фаза од авионската дезинсекција на подрачјето на градот Скопје, против ларви од комарци, ќе се изврши на 04.05.2020 година (понеделник), во раните утрински часови. Доколку временските услови не го дозволуваат вршењето на дезинсекцијата, истата ќе се изврши во истиот термин првиот нареден ден, кога временските услови ќе бидат поволни. Се известуваат пчеларите навремено да ги преземат потребните мерки за заштита на пчелите.

Град Скопје со измена за најавата за прскање против комарци

Ивона Петрова — Thu, 09 Aug 2018 14:45:02 +0000

Градот Скопје известува дека утре почнува третата фаза од авионската и терестричната дезинсекција на подрачјето на градот Скопје, против возрасни форми на комарци. Авионската дезинсекција на подрачјето на градот Скопје, против возрасни форми на комарци, ќе се одвива од 10.08.2018 (петок) и ќе трае 4 дена, односно до 13.08.2018 (понеделник), во раните утрински часови.Терестричната дезинсекција, на подрачјето на Град Скопје, против возрасни форми на комарци, ќе се одвива во деновите од 13.08.2018 до 17.08.2018 (од понеделник до петок), во период од 23 до 04 часот, наредниот ден, соопштуваат од Град Скопје. Доколку временските услови не го дозволуваат вршењето на дезинсекцијата, авионската дезинсекција ќе се изврши првиот нареден ден, кога ќе бидат поволни временските услови, во истиот термин, а согласно на тоа ќе се извршува и терестричната дезинсекција. Се известуваат пчеларите навремено да ги преземат потребните мерки за заштита на пчелите.

Викендов авионско прскање против комараци

Ивона Петрова — Wed, 08 Aug 2018 16:13:57 +0000

Авионска дезинсекција против возрасни форми комарци ќе се изврши на 11 и на 12 август (сабота и недела) во раните утрински часови, а терестична дезинсекција против возрасни форми комарци ќе се изврши од 12 до 16 август (од недела до четврток) во периодот од 23 до 4 часот наредниот ден. Ова го соопшти РЦУК - Скопје по известување од Град Скопје - Сектор за комунални работи - за прскање против комарци на подрачјето на Град Скопје. Ако временските услови не го дозволуваат вршењето на дезинсекција, како што се посочува, авионската дезинсекција ќе се изврши првиот нареден ден, кога временските услови ќе бидат поволни во истиот термин, а согласно тоа ќе се извршува и терестичната дезинсекција.

Прскање против ларви од комарци во Скопје

Ивона Петрова — Thu, 12 Jul 2018 13:01:30 +0000

Авионската дезинсекција на подрачјето на Скопје против ларви од комарци ќе се изврши в сабота, во раните утрински часови. Терестричната дезинсекција ќе се изврши в понеделник, во текот на денот. - Доколку временските услови не го дозволуваат вршењето на дезинсекцијата, таа ќе се изврши првиот нареден ден, кога ќе бидат поволни временските услови, во истиот термин, соопшти Град Скопје. Градските власти ги известуваат пчеларите на времее да ги преземат потребните мерки за заштита на пчелите.

Во четврток прскање против комарци во Крива Паланка

Ивона Петрова — Tue, 03 Jul 2018 06:19:48 +0000

Во Крива Паланка в четврток наутро од пет до осум часот ќе се изврши прво авионско прскање против комарци Од локалната самоуправа апелираа до пчеларите во време на прскањето и три до четири часа по завршувањето да ги затворат пчелните кошници и да ги заштитат пчелните семејства од влијанието на средството против комарци. Во општина Ранковце веќе е извршено првото сезонско авионско прскање за заштита од комарци. Активноста, како што посочија од локалната самоуправа на Ранковце, е спроведена на 29 мај годинава.

Авионско прскање против комарци во Виница на 1.200 хектари

Дарко Андоновски — Thu, 10 May 2018 09:59:37 +0000

Авионското прскање против комарци годинава во општина Виница ќе се реализира на вкупна површина од 1.200 хектари, што е за 20 отсто повеќе од лани. Се планира акцијата за дезинсекција да се спроведе во три дела, при што првиот третман ќе биде кон крајот на овој месец, вториот во јуни, а третиот во август. - Освен во населените места, со авионското прскање ќе биде опфатено и земјоделско земјиште, првенствено ниви засеани со ориз. Предвидено е за целата кампања од општинскиот буџет да се потрошат околу 600 илјади денари, што е на исто ниво како и минатата година. По завршувањето на тендерската постапка, деновиве ќе го избереме операторот со кого ќе склучиме договор и веднаш ќе ја реализираме дезинсекцијата, истакна Ивица Димитров, градоначалник на општина Виница. За авионското прскање, како и во изминатите години, ќе се користи широкопојасен инсектицид за третирање комарци, чиј хемиски состав нема штетно влијание врз луѓето и топлокрвните животински водови. Препаратот е одобрен од Бирото за лекови на Република Македонија.