авокадо – Kurir.mk

Како да ја одржите свежината на авокадото и до 10 дена: Се што ви треба е сок од лимон

Ристе Здравков — Tue, 28 Mar 2023 07:53:32 +0000

Авокадото е навидум цврсто еден ден, а презрејува неколку дена подоцна. „Express.co.uk“ тестираше кој е најуспешен начин за одржување на свежината на авокадо. Сокот од лимон и затворениот пластичен сад се покажаа како најдобро решение. Првиот ден се сечело авокадото, а половината без семка била прелиена со сок од лимон и ставена во затворен сад, а потоа во фрижидер. Во деновите од вториот до шестиот, авокадото ја задржало свежината и убавата зелена боја. Седмиот ден внатре сè уште било зелено, но местото каде што била семката било малку поруменето. Десеттиот ден, поголемиот дел од внатрешноста била зелена, но таму каде што била семката, почнало да скапува, поруменило, бидејќи на тоа место не бил истурен сок од лимон.

Рецепт за хумус намаз со авокадо: Идеален доручек за сите љубители на здрава храна

Ристе Здравков — Wed, 26 Oct 2022 19:11:05 +0000

Доколку сте поддржувач на здравата исхрана, овој појадок дефинитивно ќе ви се допадне. Состојки: 300 гр варен наут 1 авокадо малку свеж магдонос или коријандер 2 лажици свеж сок од лимон 5 супени лажици вода половина лажичка сол две, три чешниња лук малку свежо мелен пипер Подготовка: Ставете ги сите состојки во блендер и мешајте додека се да стане кремасто. Украсете со листови пиперка или магдонос. Овој рецепт е толку брз за правење, а толку кремаст и вкусен, што можете да им го донесете на гостите како вкусен и здрав прилог или едноставно да го послужите како предјадење. Најдобро е да го јадете овој хумус со пита леб, крекери или плочки од хељда, заедно со свежа салата.

Како се јаде АВОКАДО? Седум вкусни начини да уживате во една од најздравите намирници

Ристе Здравков — Sat, 27 Nov 2021 13:30:32 +0000

Тоа е неизбежен дел од здравата исхрана на запад, а во последните години стана редовно во нашите супермаркети, па се вовлече и во нашите кујни! Надалеку е познато по бројните здравствени придобивки, многу вкусно, но како точно се јаде авокадото? Тропското овошје авокадо потекнува од Централна Америка и Мексико, а пристигнало во Северна Америка, поточно во Калифорнија, со астечкото име ahuacate, кое тамошното население не го изговарало лесно. Затоа, по неуспешен обид да се „прифати“ името „алигаторска круша“, со текот на времето, ова овошје го добило името – авокадо. Неговото интересно име и изглед секако го издвојува, но авокадото се здоби со популарност поради неговата хранлива вредност. Во 100 грама плод има 160 калории, како и: 2 грама протеин 8,53 грама јаглени хидрати 0,66 грама шеќер 6,7 грама влакна 14,66 грама масти и од тоа 2,126 грама заситени масти. Покрај тоа, плодот е богат со хранливи материи, а најмногу има фолна киселина, калиум, витамини Ц, К, Б5 и Б5. Поради сето тоа идеален е за луѓе кои имаат проблеми со срцето, а познато е и антиканцерогеното дејство на авокадото. Посебно е популарно во диетите бидејќи има висок процент на влакна, поради што побавно се вари и по конзумирањето на ова овошје чувството на ситост трае подолго, а покрај тоа има многу малку шеќер и низок гликемиски индекс. Како да јадете авокадо? Постојат безброј начини за користење на ова овошје во исхраната, како основен оброк, додаток на оброците, во пијалоци… Како салата Авокадото исечкајте го на парчиња и зачинете го по вкус – сол, бибер, оцет, лимон, масло, мелен пипер, оригано, босилек… Што и да одберете, нема да погрешите! Полнето авокадо Исечете го авокадото по должина, извадете ја семката и ставете туна на двете половини. Печете во загреана рерна на 220 степени дваесетина минути, па зачинете по желба. Како дел од омлет Додека се матат јајцата за омлет, се додава авокадото исечкано на коцки и се пржи како и секој омлет. Во колачи Кремастата текстура го прави авокадото совршена состојка во сладолед, торти и колачи, а често се користи во веганските рецепти како замена за путер. Како намаз Исечете го авокадото по должина, а потоа со лажица извадете го месниот дел, додадете сок од лимон и направете пире. Потоа додадете прстофат сол и бибер и добивате здрав намаз. Како замена за мајонез Авокадото е одлично за сос кој би го заменил мајонезот во салатите! Во чорба Во секое чорбесто јадење, авокадото може да делува како вкусна состојка што го прави оброкот уште поздрав, а благодарение на неговата кремаста структура, идеално е да го користите ова овошје за потаж. Најдобро оди со спанаќ и целер.

Важно е да го знаете ова: Овие намирници ја зголемуваат плодноста

Ивана Ефремовски — Thu, 04 Nov 2021 19:13:23 +0000

Првиот чекор кон здрав репродуктивен систем е одржување на рамнотежа на хoрмоните. Иако многу фактори влијаат на можноста да ја добиете улогата родител, здравиот начин на живот и правилната исхрана се едни од поважните. Авокадо Ова овошје содржи доста незаситени масти кои можат да ја зголемат плодноста. Имено, едно истражување покажало дека жените чија исхрана е богата со овие масти, а кои биле вклучени во програмата за вештачко оплодување, имале три пати поголем успех во обидите за забременат. Семки од сончоглед Препуштете му се на уживањето во овие грицкалки барем три пати неделно. Богати со цинк, семките од сончоглед помагаат во одржувањето на рамнотежа на репродуктивните хормони и влијаат позитивно врз квалитетот на јајце клетките. Цимет Овој ароматичен зачин има способност за намалување на инсулинот и зголемување на шансите за зачнување во плодните денови. Јајца Подгответе си поширани јајца или меко варени, но избегнувајте омлет. Жолчката која не е тврда содржи повеќе витамин Д и Б6 кои се заслужни за зголемување на лачењето на прогестеронот, хормон кој игра важна улога при зачнувањето. Хељда Семето од хељда е богато со материи кои кај жените го намалуваат инсулинот и тестостеронот, а со самото тоа ја зголемуваат можноста за зачнување во време на овулацијата.

Сите ја фрламе без да знаеме колку е здрава: Што содржи семката на авокадо?

Ивана Ефремовски — Mon, 22 Jun 2020 12:25:52 +0000

Сите ја јадеме внатрешноста на авокадото, а ова е одговорот на прашањето што има семката. Во неа има 70 посто аминокиселини, со нив се намалува холестерол, се спречуваат срцеви болести. Помага и за проблеми со штитна жлезда. Може да ја одвоите кафеавата кора и да ја јадете, но знајте дека вкусот не е пријатен, иако е здрава.

Јадете авокадо секој ден, има многу причини за тоа

Ивана Ефремовски — Sun, 21 Apr 2019 06:01:16 +0000

Авокадото е една од оние намирници кои или ги обожавате, или не можете да ги смислите. Го бие глас дека е полно масти, но тоа се здрави масти, а плодот е полн со витамини и минерали. Има многу причини зошто треба почесто да консумираме авокадо, а ние ги издвојуваме најважните:

Го намалува холестеролот

Авокадото е начин да го намалите холестеролот без лекови - содржи стероли, состојка која докажано го намалува холестеролот така што ја блокира неговата апсорпција во крвта. Авокадото исто така е богато со витамин Е, магнезиум, витамин Ц, фолна киселина и цинк и содржи повеќе калиум од бананата.

Го намалува ризикот од срцеви заболувања

Најефикасните начини да спречите одредена болест најчесто се наједноставни. Истото важи и за срцевите заболувања - истражувањата покажуваат дека кога ќе ги замените заситените со незаситени масти, значително го намалувате ризикот од срцев удар.

Го регулира шеќерот во крвта

Може да додадете авокадо во вашиот сендвич или да го искомбинирате со омиленото овошје во блендер. Кој начин и да го одберете, ќе ја одржите стабилноста на шеќерот во крвта. Дополнително, доволно ќе ве засити, така што ќе ви помогне доколку сакате да одржите здрава телесна тежина и да ги намалите оброците.

Ја одржува косата здрава

Одредени навики поврзани со начинот на кој ја одржувате косата може да ви донесат повеќе штета отколку корист. Но, тука настапува авокадото - испасирајте едно зрело авокадо со една мала лажичка масло од јојоба. Нанесете на свежо измиена коса од коренот до врвовите, а потоа покријте ја главата со капа за туширање. Оставете да делува 15 минути до половина час а потоа исплакнете.

Го подобрува дигестивното здравје

Растителните влакна што ги содржи авокадото одржува баланс помеѓу добрите и лошите бактерии во организмот, со што влијае директно на коренот на некои од дигестивните заболувања. Мастите од авокадото ги потхрануваат цревата и ве штитат од констипација.

Ја подобрува когнитивната функција

Масните киселини се основа на здрав нервен систем, репродуктивен систем и когнитивни процеси. Масните киселини исто така ги балансираат хормоните, што пак има директен ефект врз вашето расположение. Редовната консумација на авокадо може да го намали степенот на анксиозност и други ментални нарушувања бидејќи овозможува норнални нивоа на хормони и ги контролира механизмите кои се виновни за стресот.

Намаз од авокадо

Ристе Здравков — Wed, 19 Sep 2018 13:54:15 +0000

Овој крем од авокадо не само што е вкусен, туку е и богат со хранливи состојки. Можете да го додадете на кришка леб или двопек наутро или пак да го користите како додаток на паста или други видови јадења. Потребни состојки: 1 авокадо Малку сок од лимон (неколку капки) 30 гр. сусам 100 гр. урда Сол Црн пипер Начин на подготовка: Ставете го авокадото во блендер и убаво измиксирајте, а потоа додадете ги останатите состојки. Убаво измешајте и додадете сол и бибер.