Хејнс: Многу е малку веројатно дека Русија ќе го употреби своето нуклеарно оружје

Тале Кристо — Thu, 04 May 2023 19:32:53 +0000

Многу е малку веројатно дека Русија ќе го употреби своето нуклеарно оружје, изјави денеска директорката на американската Национална разузнавачка служба, Аврил Хејнс. „Тоа е многу малку веројатно, тоа е нашата моментална проценка“, рече Хејнс пред Комитетот за вооружени служби на Сенатот, без да појасни на што се заснова проценката. Нуклеарните тензии меѓу Русија и САД се зголемија од почетокот на руската инвазија на Украина, откако рускиот претседател Владимир Путин и неговите соработници повторуваат дека Москва е подготвена да го искористи својот нуклеарен арсенал ако е потребно за да го одбрани својот „територијален интегритет“. Путин во февруари објави дека Русија се повлекува од Новиот СТАРТ договор за контрола на нуклеарното вооружување, единствениот преостанат нуклеарен договор меѓу Москва и Вашингтон, кој го ограничуваше бројот на стратешки нуклеарни боеви глави. Американски официјални претставници со месеци соопштуваат дека не гледаат знаци дека Русија се подготвува да употреби нуклеарно оружје, но остануваат внимателни по тоа прашање.

Поранешни раководители на разузнавачки служби на САД најсериозни кандидати за директори на НСА и ЦИА

Ивона Петрова — Mon, 09 Nov 2020 06:22:15 +0000

Двајца поранешни високи раководители на разузнавачки служби на САД, Мајк Морел и Аврил Хејнс се најсериозни кандидати за позициите директор на Националната безбедносна агенција (НСА) и Централната разузнавачка агенција (ЦИА) под администрација на новоизбраниот претседател на САД, Џо Бајден, пренесуваат американските медиуми. Морел беше заменик на ЦИА за време на администрацијата на Барак Обама од 2010 до 2013 година, кога двапати беше и вршител на должноста директор на таа разузнавачка служба. Под администрацијата на Обама, Хејнс беше и заменик директорка на ЦИА, но и на позицијата заменик советник за национална безбедност на претседателот Барак Обама. Потенцијални кандидати се и Мајкл Летер, поранешен службеник за безбедност на владата на САД и директор на Националниот центар за антитероризам и Мајк Роџерс, поранешен републикански конгресмен кој претседаваше со Комитетот за разузнавање на Претставничкиот дом на Конгресот на САД.

Аврил Хејнс – Kurir.mk

Хејнс: Многу е малку веројатно дека Русија ќе го употреби своето нуклеарно оружје

Поранешни раководители на разузнавачки служби на САД најсериозни кандидати за директори на НСА и ЦИА