АВРМ – Kurir.mk

Директорката Јовановска вели дека немало масовни одјави, а бројот на откази не се евидентираат во АВРМ

Ивана Ефремовски — Wed, 08 Apr 2020 20:13:20 +0000

Билјана Јовановска, директорката на АВРМ вечерва во „Топ Тема“, на Телма телевизија, прво вели дека немало масовни одјави, а потоа вели дека бројот на престаноци на работните односи не ги евидентирала АВРМ. Како може тогаш Јовановска да знае дали имало или немало толкав број на откази од страна на работодавачите? -Што се однесува до угостителството, јас би сакала да кажам дека не е вистина дека има таква масовна одјава како што беше спомената вчера на вработени во угостителството, категорично негирам дека е тоа така, вели Јовановска. Таа рече дека со овластување на работодавачот затоа што не може поинаку, може да се извадат листинзи за одредено лице, и ќе се докаже дека таков број на одјави од социјално осигурување од угостителската дејност имало. На следното поставено прашање за тоа дали може да се види бројката на луѓе коишто добиле откази, а колку се нововработени во овој период за да се спореди, директорката на АВРМ контрадикторна на претходното тврдење истакна дека Агенцијата за вработување не води број на престаноци а вработените, тоа го правел ДЗС. -Агенцијата прима м1,м2 обрасци за одјави од социјално задолжително осигурување и Агенцијата за вработување не води број на престаноци или број на вработени, тоа го прави Државниот завод за статистика, вели Јовановска.

Стаменковска Стојковски: Манчевски да не ја замајува јавноста и да ја повика на одговорност директорката на АВРМ за сите незаконски постапки

Тале Кристо — Thu, 13 Feb 2020 17:35:29 +0000

Наместо министерот Дамјан Манчевски да ја замајува јавноста дали јас ги разбирам или не бројките, нека ја повика на одговорност директорката на АВРМ за сите незаконски постапки кои ги води во институцијата, тортурата, мобингот врз вработените, вработувањата со лажни документи, антидатирањето на постапките... Нека ја охрабри и нека и помогне да се пребројат каде се сите 60000 илјади вработувања за кои се фалите. А ако не верува во наводите да појдеме заедно во контрола на нејзиното работење, да го констатираме истото и нека го повика и тој техничкиот претседател на Владата на Република Македонија да ја разреши директорката, стои во реакцијата на дополнителниот министер за информатичко опшество, Невенка Стаменковска Стојковски.

АВРМ ќе истражува кои вештини се барани на пазарот на труд

Ристе Здравков — Mon, 01 Oct 2018 11:16:40 +0000

Од денеска стартува анкетното истражување за потребата од вештини на пазарот на трудот за 2018/2019 година кое Агенцијата за вработување на Република Македонија го спроведува согласно Оперативниот план за активни програми и мерки завработување и услуги на пазарот на трудот за 2018 година. Целта на анкетата за потреба од вештини на пазарот на трудот е да се обезбедат информации за потребата на работодавачите од нови вработувања во наредните шест до 12 месеци и потребата од занимања и вештини со кои треба да располагаат кандидатите за планираните нови вработувања. Резултатите добиени од анкетното истражување претставуваат основа за креаирање на активни програми и мерки за вработување, кои имаат за цел да ги зголемат вештините на невработените лица и да ја зголемат нивната конкурентост на пазарот на трудот. Се очекува исто така резултатите да придонесат во создавање на услови за подобро функционирање на пазарот на трудот, преку вкрстување на понудата и побарувачката од соодветно квалификувана работна сила. Тие ќе послужат и во образовниот систем при концепирање на уписните политики и креирање на нови образовни програми за занимања усогласени со потребите на пазарот на трудот Од АВРМ велат дека анкетното истражување ќе се реализира во периодот од 1 до 31 октомври помеѓу работодавачите од приватниот сектор со седум и повеќе вработени. Анкетното истражување ќе го спроведат вработените лица од центрите за вработување, а ќе бидат ангажирани и невработени лица од евиденцијата на Агенцијата за вработување на Република Македонија како поддршка во реализацијата. Со цел успешно спроведување на анкетата во Агенцијата за вработување беа спроведени обуки за вработените лица, како и за невработените лица кои ќе бидат ангажирани во реализацијата на анкетата.

АВРМ: Стартуваат обуките за персонални асистенти за инвалидни лица

Катерина Бојаџиева — Thu, 10 May 2018 13:43:11 +0000

Сто невработени лица од денеска во наредните два месеци ќе се обучуваат за персонални асистенти за инвалидни лица, мерка чија цел е преку обука да се зголеми вработливоста на евидентираните невработени лица со стекнување на потребни знаења и вештини од областа на персонална асистенција за инвалидни лица. Со овој чекор се исполнува долгогодишното барање на инвалидните лица, што ќе придонесе за нивно независно и самостојно живеење и рамноправно учество во општеството. Обуките, како што соопштија денеска од Агенцијата за вработување на РМ, ќе траат два месеци, а во нив се вкучени 100 невработени лица евидентирани во Агенцијата за вработување на РМ. Ќе бидат опфатени седум града и тоа: Скопје, Куманово, Битола, Гостивар, Струга, Струмица и Неготино. Лицата кои успешно ќе ја завршат обуката ќе се стекнат со сертификат издаден од верификуван спроведувач на обука, односно Црвениот крст на Република Македонија. Мерката, е дел од Оперативниот план за активни програми и мерки за вработување и услуги на пазарот на трудот за 2018 година.