Австралија опен 2021 – Kurir.mk

Ѓоковиќ : За повредата после турнирот

Бошко Тасиќ — Thu, 18 Feb 2021 19:04:05 +0000

Српскиот тенисер и светски рекет број.1 Новак Ѓоковиќ избори пласман во финалето на Австралија Опен каде ќе игра со подобриот од дуелот меѓу Данил Медведев и Стефанос Циципас.

Ѓоковиќ во полуфиналето лесно се справи со дебитантот во оваа фаза Аслан Карацев совладувајќи го со 3-0 во сетови со 6-3, 6-4 и 6-2.

-Кој и да ми биде противник ќе биде подготвен за битка најтешката досега на турнирот. Двајцата се во одлична форма. Медведев има 20 победи по ред, игра феноменално. Циципас одигра фантастично против Надал, да се вратиш против Рафа од 2-0 е неверојатен подвиг. Знам дека двајцата од претходно не се сакаат и дека имаа несогласувања на теренот, па мислам дека ќе биде многу напнато. Тоа е големо ривалство. Ќе го гледам тој натпревар и ќе уживам. Ќе тренирам во недела кога ќе го познавам противникот - истакна Ѓоковиќ по пласманот во финалето . - Секако, самодовербата е поголема поради тоа. Никогаш не сум изгубил во финале или полуфинале и тоа ме прави порелаксиран на теренот. Секоја година е различно и психички влијае на мене и на противниците, но се чини дека има позитивен ефект, -истакна Србинот кој не сакаше да зборува за повредата поради која многу се говореше во изминативе денови. -Не, нема да зборувам за тоа. На крајот на турнирот - заврши Ѓоковиќ.

На полуфиналето и финалето на Австралија опен ќе биде дозволено присуство на гледачи

Дарко Андоновски — Tue, 16 Feb 2021 14:11:18 +0000

Петдневната блокада во Викторија, Австралија, ќе заврши како што беше планирано на 17 февруари во 23:59 часот по локално време, освен ако во средата наутро не дојде до скок на позитивни случаи со коронавирус. Државната влада денес одржа состанок за финализирање на планот за завршување на „локдаунот“ в четврток, објави „Herald Sun“. Планот за повторно отворање на државата се очекува да биде одобрен утре наутро. Според изданието, гледачите повторно ќе бидат примени на Австралија опен, но нивниот број ќе биде намален во споредба со првично предвидениот. Новинарот Хозе Моргадо известува дека 12.500 навивачи ќе бидат примени на полуфиналните и финалните мечеви на Грен слемот во Мелбурн.

Ѓоковиќ до 300-та победа на Гренд Слем победа

Бошко Тасиќ — Sun, 14 Feb 2021 13:37:29 +0000

Српскиот тенисер Новак Ѓоковиќ ја надмина повредата од мечот со Тејлор Фриц и успеа да обезбеди четвртфинале на Австралија Опен, откако во осминафиналето славеше над Канаѓанецот Милош Раониќ со 3-1, по сетови 7-6, 4-6, 6-1 и 6-4. Во првите два сета видовме вистинска борба во која двајцата тенисери си поделија по еден сет, но во последните два се се движеше во една насока за нов триумф на првиот рекет на светот.

За Србинот беше јубилејна 300-та победа во кариерата на Гренд Слем турнирите.

Во четвртфиналето Ѓоковиќ ќе игра против Германецот, Александар Зверев кој со максимални 3-0 беше подобар од Душан Лајовиќ.

Елиминација на Вавринка во 2.коло на АО

Бошко Тасиќ — Wed, 10 Feb 2021 18:53:24 +0000

Единственото изненадување во 2.коло на Австралија Опен кво машка конкуренција го приреди Унгарецот, Мартон Фуцовиќ кој го елиминира 17-тиот носител швајцарскиот тенисер Станислас Вавринка и тоа по маратонски меч со 3:2 во сетови.

Вториот и третиот фаворит Ѓоковиќ и Тием немаа проблеми иако Србинот одигра четири сета против Американецот Тиафо, а Австриецот експресно го доби Германецот, Копфер.

Пласман во следната рунда од топ фаворитите обезбеди и 6-носител Германецот Александер Зверев .

На АО крај за Квитова и Венус Вилијамс

Бошко Тасиќ — Wed, 10 Feb 2021 18:49:15 +0000

Петра Квитова и Венус Вилијамс го завршија својот настап на Австралија Опен. Квитова која беше 9-та носителка на турнирот е елиминирана во 2.коло од Романката, Сорана Кирстеа во 2-1 во сетови.

Ветеранка Венус Вилијамс поради повреда уште во првиот сет, едноставно едвај го доигра мечот со Сара Ерани кој го загуби со 6-1 и 6-0

Затоа пак нејзината сестра Серена која е 10-та носителка експресно со 6-0 и 6-3 го доби мечот против Србинката, Стојановиќ.

Пласман во следната рунда од фаворитките обезбедија втората и третата Халеп и Осака, Белорусинката Забаленка (7) и Канаѓанката, Андреску (8-носителка)

Ѓоковиќ се пласира во третото коло на Австралија опен

Дарко Андоновски — Wed, 10 Feb 2021 08:47:42 +0000

Првиот светски рекет Новак Ѓоковиќ рано утрово го совлада Франсис Тиафо од САД со 3-1, по сетови 6:3, 6:7 (3:7), 7:6 (7:2) и 6:3 и се пласира во 3.коло на Грен слемот Австралија опен. Мечот траеше нешто повеќе од три и пол часа. Во следното коло, Србинот ќе се соочи со победникот во мечот Реили Опелка (САД) – Тејлор Фриц (САД). Ѓоковиќ го брани трофејот на Австралија опен. Вкупниот награден фонд на Грен слемот во Мелбурн изнесува 55,2 милиони долари.

Серена избори полуфинале во Мелбурн па се повлече од турнирот

Дарко Андоновски — Fri, 05 Feb 2021 09:13:19 +0000

Американската тенисерка Серена Вилијамс се повлече од турнирот во Мелбурн во пресрет на полуфиналето, објави ВТА на својот профил на Твитер. Триесет и деветгодишната Американка реши да не го игра мечот со Ешли Барти поради повреда на десното рамо. Така, австралиската тенисерка автоматски се пласираше во финалето. Вториот полуфинален пар го сочинуваа Шпанката Гарбине Мугуруза и Маркета Вондрушова под Чешка.

Мареј доби вајлд-карта за Австралија опен

Ивона Петрова — Sun, 27 Dec 2020 15:32:39 +0000

Трикратниот шампион на Грен слем турнирите, Енди Мареј доби вајлд-карта за Австралија опен 2021, што започнува на 8 февруари. – Заминувањето на Енди по Австралија опен во 2019 година, беше емотивен момент и неговото враќање по голема операција и закрепнување ќе биде врв на Австралија опен во 2021 година, рече директорот на Грен слем турнир во Мелбурн, Крег Тајли. Претходно, ќе потсетиме, 33-годишниот Британец, сега заземајќи ја 122-та линија на рејтингот, доби вајлд-карта за турнирот во „Делреј Бич“, кој ќе започне во првата недела од сезоната.