Австралија опен – Kurir.mk

Австралија опен 2024 ќе почне во недела и ќе трае 15 дена

Ивона Петрова — Tue, 03 Oct 2023 13:21:13 +0000

Отвореното првенство на Австралија 2024 година за прв пат ќе трае 15 дена. Грен слем турнирот ќе започне и ќе заврши во недела (14 - 28 јануари). Сега првото коло ќе се игра во три дена, исто како на Грен слемот во Париз, Ролан Гарос. Одлуката е донесена бидејќи податоците покажуваат дека натпреварите станаа подолги. Според директорот на турнирот Крег Тајли, организаторите ги „слушале повратните информации од играчите и навивачите“ и оваа иновација „ќе ги минимизира доцните финиши на натпреварите“. Попладневната сесија ќе има два, а не три натпревари на двата главни терени „Род Лејвер Арена“ и „Маргарет Корт Арена“. Вечерната сесија сепак ќе има два натпревара.

Рекордна посетеност годинава на Австралија опен

Тале Кристо — Tue, 31 Jan 2023 15:39:11 +0000

Првиот тениски грен – слем сезонава Австралија опен, кој заврши со победи на Новак Ѓоковиќ и Арина Сабаленка, донесе рекордна посетеност со повеќе од 900.000 гледачи, објавија организаторите на турнирот во Мелбурн. И покрај отсуството на неколку познати тенисери и честите прекини на распоредот, поради дождливото време, тениските натпревари на „Мелбурн Парк“ ги следеле вкупно 902.312 гледачи. Главниот турнир, кој траеше од 16 до 29 јануари, го следеле рекордни 839.192 гледачи, надминувајќи ја претходната бројка од 812.174 од 2020 година. Сметајќи ги и квалификациите, вкупниот број гледачи пораснал на 902.312. Овие бројки ја надминуваат ланската посетеност на другите три грен – слем турнири, 515.164 во Вимблдон, 613.500 на Ролан Гарос и 776.120 на ЈуЕс Опен. „Се зборуваше дека немаме великани, дека ќе биде страшно. Меѓутоа, луѓето сакаат само да се забавуваат, а тенисот е одлична опција“, изјави директорот на Тенис Австралија, Крег Тили, додавајќи оти идната година очекува посета од над еден милион гледачи.

Ѓоковиќ по десетти пат го освои Австралија опен

Тале Кристо — Sun, 29 Jan 2023 12:05:17 +0000

Српскиот тенисер Новак Ѓоковиќ денес во финалето на Австралија опен го победи Гркот Стефанос Циципас со 3:0, по сетови 6:4, 7:6 и 7:6. Србинот по 10-ти пат во кариерата го освои турнирот во Австралија и по 22 пат дојде до трофеј на Грен слем изедначувајќи се со Шпанецот Рафаел Надал на вечната листа победници. Ѓоковиќ серираше седум аса, направи три двојни грешки и реализира две од пет брејк топки. Циципас имаше 15 аса, три двојни грешки и една реализирана брејк топка од три шанси. Новак стана вториот тенисер со двоцифрен број трофеи на еден Грен слем. Надал има 14, сите на Вимблдон. Циципас ја продолжи серијата порази од Ѓоковиќ која трае 10 м еча. Сега нивниот биланс во меѓусебните средби е 11:2. Австралија опен 2023 се играше за награден фонд 51,5 милиони долари.

Арина Сабаленка го освои Австралија опен

Бошко Тасиќ — Sat, 28 Jan 2023 19:45:54 +0000

Арина Сабаленка е победничка на отвореното првенство на Австралија во женска конкуренција.. Младата белоруска тенисерка по голема борба, со пресврт и речиси 2,5 часа игра, во финалето ја совлада актуелната шампионка од Вимблдон, Елена Рибакина од Казахстан во три сета со 2:1. Иако првиот сет го доби Рибакина со 6-4, во вториот Белорусинката успеа да се врати во игра и да израмни на 1:1, добивајќи го сетот со 6-3. Во решавачкиот трет сет, што траеше речиси еден час, при сервис на Сабаленка, противничката спаси три меч топки, но не успеа и четвртата, па 23-годишната Белорусинка заслужено го доби сетот со 6-4, а мечот со 2:1. За Сабаленка ова беше прво финале на Гренд-слем турнирите и прв трофеј, а вкупно 12-ти во кариерата.

Ѓоковиќ по 10-ти пат во финалето на Австралија опен

Тале Кристо — Fri, 27 Jan 2023 11:16:32 +0000

Српскиот тенисер Новак Ќоковиќ се пласираше во финалето на “Австралија опен“. Ѓоковиќ одигра уште еден одличен меч и со 3:0 (7:5 6:1, 6:2) во сетови за два часа и 20 минути игра беше подобар од Американецот Томи Пол кој приреди големо изненадување со самиот пласман во полуфиналето. Со оглед на тоа како Ѓоковиќ одигра против Де Минор и Рубљов , српскиот тенисер важеше за голем фаворит во денешниот меч и таа улога ја оправда. Се држеше Пол денес само во првиот сет кога освои пет гема, но тогаш Ѓоковиќ со брејк во 12-тиот гем го освои сетот. Вториот сет донесе многу поубедлива игра на Ѓоковиќ, а единствениот гем Американецот го освои при водство на Новак од 5:0. Слична беш и ситуацијата во третиот каде што Ѓоковиќ му дозволи еден гем повеќе. Во своето 10-то финале во недела Ѓоковиќ ќе игра против грчкиот тенисер Стефанос Циципас кој претходно го победи Карен Хачанов.

Ѓоковиќ оди на Пол во второто полуфинале на Австралија опен

Катерина Бојаџиева — Wed, 25 Jan 2023 11:15:30 +0000

Српскиот тенисер Новак Ѓоковиќ ќе игра во полуфиналето на Австралија опен, откако денес во четвртфиналето го победи Андреј Рублев (Русија) со максимални 3:0, по сетови 6:1, 6:2 и 6:4. За Србинот ова е 44-то полуфинале на Грен слем турнирите, повеќе од него има само Роџер Федерер – 46. На Австралија опен, Новак нема пораз од 2018 година и по 10-ти пат стигна до полуфинале. Во претходните девет наврати, тој ја освои титулата. Противник на Ѓоковиќ во полуфиналната фаза ќе буде Американецот Томи Пол, кој беше поуспешен од својот сонародник Бен Шелтон со 3:1 во првото денешно четвртфинале. Другата полуфинална двојка ја сочинуваат Стефан иос Циципас (Грција) – Карен Качанов (Русија).

Прво полуфинале на Линет на еден Грен слем

Тале Кристо — Wed, 25 Jan 2023 08:54:55 +0000

Полската тенисерка, Магда Линет ја победи Каролина Плишкова со 6:3 и 7:5 во првиот денешен четвртфинален меч на Австралија Опен. Триесетгодишната Линет за прв пат се пласираше во полуфинале на Грен слем турнир. Досега не стигнала подалеку од третото коло. Во Мелбурн, Линет победи четири тенисерки, вклучувајќи ја и светската тенисерка број 4, Каролин Гарсија. Таа во полуфиналето ќе ги одмери силите со Арина Сабаленка од Белорусија. Во четвртфиналето, Сабаланека ја победи Дона Векиќ со 6:3 и 6:2. Белорусинката по четврти пат играше во четвртфиналето на Грен слем турнирот и победи четврти пат. Досега нема пласман во финале на Грен слем турнир.

Полуфинале за Циципас на Австралија Опен

Ивона Петрова — Tue, 24 Jan 2023 14:51:53 +0000

Грчкиот тенисер Стефанос Циципас ќе игра во полуфиналето на Австралија опен. Гркот денес во три го победи Јири Лехечка со 6:3, 7:6 и 6:4. Противник на третиот носител во полуфиналето ќе биде Карен Качанов од Русија. Другата полуфинална двојка на Грен слемот во Мелбурн ќе биде позната утре по мечевите: Бен Шелтон (САД) – Тому Паул (САД) Новак Ѓоковиќ (Србија) – Андреј Рублев (Русија).

Потоп на фаворитите во Мелбурн на АО

Бошко Тасиќ — Fri, 20 Jan 2023 14:46:59 +0000

Американскиот тенисер Себастијан Корда се пласираше во осминафиналето на „Австралија опен“ откако во третото коло славеше против Русинот Данил Медведев со 7:6 (7), 6:3, 7:6 (1). Многумина го гледаа рускиот играч како најголема закана за Новак Ѓоковиќ во завршницата на Австралија опен. Корда во осминафиналето ќе игра против полскиот тенисер Хуберт Хуркач, кој претходно денеска беше подобар од Денис Шаповалов со 7:6 (3), 6:4, 1:6, 4:6 и 6:3. Претходно елиминација претрпеа и вториот носител Каспер Руд, осмиот носител Тејлор Фриц, 11 носител Камерон Нори, 12 носител Александар Зверев и 14 носител Пабло Карењо Буста.

Мареј се врати од 0-2 и по шест часа победи на АО

Бошко Тасиќ — Thu, 19 Jan 2023 17:53:11 +0000

Британскиот тенисер Енди Мареј забележа спектакуларна победа на Грен Слем турнирот Австралијан Опен кој се игра на терените во Мелбурн. Мареј успеа да слави над Танаси Кокиканис, со 3-2 во сетови (4-6, 6-7, 7-6, 6-3, 7-5), во натпревар кој траеше неверојатни шест часа и во кој Британецот успеа да се врати од 0-2 во сетови. Овој маратонски дуел заврши во раните утрински часови, поточно во 4:05 часот, со победа на Мареј против домашниот тенисер кој беше носен од домашната публика. Спектакуларен крај на денот на Австралијан Опен. Енди Мареј во следната фаза ќе игра со 24. носител на турнирот Роберто Баутиста-Агут од Шпанија.