австриска влада – Kurir.mk

Австриската Влада ја ограничува цената за струја за домаќинствата

Ивана Ефремовски — Wed, 07 Sep 2022 14:44:11 +0000

Домаќинствата во Австрија ќе ја плаќаат целата или најголем дел од потрошената електрична енергија по фиксна тарифа одредена од државата, соопшти денеска Владата во Виена. Коалицијата, составена од централно десничарската Народна партија и Зелените, се договори за ограничување на цената на електричната енергија. Се очекува мерката да чини четири милијарди евра, а просечно домаќинство за струја ќе плаќа околу 500 евра годишно помалку. Парламентот треба да ја потврди мерката, што би требало да биде во сила од декември до средината на 2024 година. Нето цената на електричната енергија ќе се ограничи на 10 центи за киловат час до годишна потрошувачка од 2.900 киловат часови. Со тоа, како што тврди Владата, ќе се покрие околу 80 отсто од потрошувачката на просечно домаќинство. Дополнителна потрошувачка ќе мора да се плаќа по сегашната тарифа, што моментално изнесува 17 центи за киловат час. Ограниченото ниво од 10 центи одговара на она што се наплаќаше пред наглиот пораст на цените поради нарушувања на пазарот за гас по руската инвазија врз Украина. Владата најави и друго намалување на цената за струјата за големи семејства и за сиромашните. (МИА)

Членовите на австриската Влада донираат една плата

Дарко Андоновски — Mon, 20 Apr 2020 15:17:15 +0000

Членовите на австриската Влада, како знак на единство, ќе донираат по една нето месечна плата на избрани организации, соопштија денеска австрискиот канцелар Себастијан Курц и вицеканцеларот Вернер Коглер. -Милиони луѓе мораат да се откажат сега од многу работи или се во економски тешка состојба. Како Влада, ние правиме се за Австрија добро да ја помине кризата. Во исто време, ние исто така сакаме да испратиме личен сигнал за единство во ова тешко време, нагалси Курц. Коглер додаде дека членовите на кабинетот сакаат да дадат свој солидарен придонес во ова предизвикувачко време. – Секој министер, државен секретар ќе донираат по една месечна плата на организација за заедно што е можно подобро да поминеме низ кризата, објасни вицеканцеларот.

Новата австриска Влада стапи на должност

Тале Кристо — Tue, 07 Jan 2020 11:32:00 +0000

Новата австриска Влада на канцеларот Себастијан Курц денеска положи заклетва и стапи на должност. Коалицискиот Кабинет е составен од конзервативната Народна партија на Австрија на Курц со партнери – Зелените. Вицеканцелар е Вернен Коглер, кој ќе го раководи Министерството за спорт и јавни служби. Точно 100 дена од предвремените парламентарни избори, Австрија доби нова влада од која, како што рече претседателот Александар ван дер Белен, граѓаните имаат големи очекувања. Канцеларот Курц, кој вторпат ја предводи Владата, е повторно најмладиот државник во светот. Ова е најмладата влада и влада со најголем процент жени – повеќе од 53 проценти од министрите.