австриско Гран при – Kurir.mk

Верстапен го презеде водството по вториот тренинг пред ГП на Штаерска

Дарко Андоновски — Fri, 10 Jul 2020 18:07:22 +0000

Макс Верстапен го забележа најдобро време во втората слободна тренинг сесија пред Гран-при на Штаерска во недела. Со тоа, возачот на Ред Бул обезбеди потенцијална пол-позиција за трката в недела, бидејќи под знак прашалник е спроведувањето на третиот тренинг и квалификациите, заради планираните грмотевици утре над „Ред Бул Ринг“. Можно е и преместување на квалификациската сесија за недела наутро, но се чини дека е малку веројатно поради зафатениот распоред на австриската патека. Втор по Верстапен заврши минатонеделниот победник на Гран-при на Австрија, Валтери Ботас, кој заостануваше само 43 илјадити делови од секундата зад лидерот. Првите три ги комплетираше Серхио Перез, а доброто темпо на Рејсинг Поинт го потврди неговиот соиграч Ленс Строл, кој остана на четвртото место. Шесткратниот светски шампион Луис Хамилтон остана шести, додека возачите на Ферари – Шарл леклер и Себастијан Фетел останаа деветти и 16-ти, соодветно.

Фетел е незадоволен од однесувањето на болидот за време на квалификациите на австриското Гран-при

Тале Кристо — Sat, 04 Jul 2020 19:01:24 +0000

Пилотот на Ферари, Себастијан Фетел го коментираше резултатот од квалификациите на Големата награда на Австрија. Тој го зазеде 11. место. – Секако, сметавме на повеќе. Се чини дека останатите отидоа на тренинзи со многу гориво, или ние самите делувавме премногу конзервативно, цитираше. Не сум задоволен од однесувањето на автомобилот посебно на излезот од кривините. Ајде да видиме како оди трката. Мислам дека ситуацијата ќе биде поинаква. Во трката, секогаш изгледаме подобро отколку во квалификациите. Затоа се надевам дека ќе заработиме доста бодови, изјави Фетел. Трката ќе се одржи утре со почеток во 15:10 часот на патеката „Ред Бул“.

Хамилтон има намера да клекне на едно колено на австриското Гран при

Тале Кристо — Tue, 16 Jun 2020 09:41:12 +0000

Пилотот на Мерцедес, Луис Хамилтон има намера да покаже поддршка за анти-расистичкото движење, објави „Дејли мејл“ повикувајќи се на извори блиски до шесткратниот светскиот шампион во Формула 1. Британецот ќе клекне на едно колено на почетната трка во сезоната. Другите спортски ѕвезди со темна боја на кожата, особено фудбалерите на Челси и Ливерпул, реагираа на ист начин на тековните протести во САД. Гестот стана симбол на солидарност со жртвите на расизам и протест против полициското самоволие, откако беше за првпат демонстриран од Колин Каперник пред четвртфиналниот натпреварот во НФЛ во 2016 година.