автобус – Kurir.mk

За Задушница дополнителен број автобуси на линиите 59, 59А и 59Б

Ивона Петрова — Fri, 03 Nov 2023 06:36:31 +0000

ЈСП „Скопје“ во пресрет на верскиот празник Задушница денеска и утре воведува дополнителен број автобуси на линиите 59, 59А и 59 Б, кои ќе сообраќаат од и кон гробишта Бутел. -На редовните линии 59 (Карпош 3 - Кучевишка бара - Гробишта Бутел), 59А (Ново Лисиче - Гробишта Бутел) и 59Б (Кисела Вода - Гробишта Бутел) ќе сообраќаат дополнителен број автобуси, се наведува во соопштението од ЈСП „Скопје“.

Возач на автобус нападнал патник

Ивона Петрова — Sat, 28 Oct 2023 14:42:41 +0000

На 27.10.2023 во 22.45 часот во Полициско одделение Сарај Р.Б.(22) од с. Кобаница, скопско пријавил дека околу 22.00 часот на подрачје на Центар во автобус кој се движел од Транспортен центар кон с. Бојане, скопско, бил физички нападнат од возачот Џ.Х.(31), информира МВР. Се преземаат мерки за расчистување на случајот.

Скопјанка пријавила дека внукот и бил нападнат во автобус

Ивона Петрова — Wed, 25 Oct 2023 14:37:22 +0000

На 24.10.2023 во 19.20 часот во СВР Скопје Л.Г.(64) од Скопје пријавила дека на 21.10.2023 околу 01.00 часот во автобус на ЈСП на подрачјето на Хиподром нејзиниот внук бил физички нападнат од неколку лица, информира МВР. Се преземаат мерки за расчистување на случајот.

Скопјанка нападната во автобус на ЈСП

Ивана Ефремовски — Sat, 21 Oct 2023 16:12:16 +0000

Скопјанката М.П. (47) вчера околу 16 часот била физички нападната од едно лице во автобус на ЈСП „Скопје“, на територија на општина Карпош. Како што се наведува во МВР-билтенот, жената го пријавила случајот во 16:30 часот во СВР Скопје. Полицијата презема мерки за расчистување на случајот.

Маж фотографирал малолетничка во автобус и се допирал по гениталиите

Ивона Петрова — Thu, 12 Oct 2023 09:40:19 +0000

Фотографија на маж за кој се вели дека во автобус вчеравечер фотографирал малолетничка и се допирал по гениталиите, кружи на социјалните мрежи. -Таа ми јави вознемирено за да ми каже. И реков слободно и таа да го слика (алал да и е, одлично го сликнала) и да му каже да ги избрише сликите. Тој рекол дека ја слика затоа што била убава. Се фаќал за гениталии, се масирал... забележале и другите во автобусот почнале да реагираат. Веднаш, тој се симнал на истата станица со неа. За 3 минути на истата станица стигнав и јас за да ја земам ќерка ми, тој беше се уште таму, стои во дел од објавата на мајката на Фејсбук. Од МВР за Курир велат дека вчеравечер во 20.30 часот во полициската станица Карпош добиле пријава за ваков настан. -М.М.А.(42) од Скопје пријавила дека на 11.10.2023 околу 19.10 часот, додека нејзината малолетна ќерка се возела во градски автобус бр.24 од Градежен факултет кон ТЦ Лептокарија, едно лице ја фотографирало и се допирало по гениталиите, велат од МВР. Од Министерството посочуваат дека за случајот е известен и јавен обвинител и се преземаат мерки за расчистување.

ВИДЕО: Се преврте училишен автобус во САД, двајца загинати

Ристе Здравков — Fri, 22 Sep 2023 05:55:16 +0000

Автобус со членови на средношколски оркестар на екскурзија во музички камп излета од автопат по стрмен насип во државата Њујорк вчера, при што загинаа две лица, а десетици други беа повредени. Гувернерот на Њујорк, Кети Хочул, говорејќи на прес-конференција неколку часа подоцна, рече дека се чини дека „неисправната предна гума придонела за несреќата“, иако причината за несреќата сè уште се истражува. Во несреќата загинаа две возрасни жени во автобусот, а неколку патници се во критична состојба. Несреќата се случила во раните попладневни часови околу 120 километри северозападно од Њујорк во близина на границата со Њу Џерси.

At least one person died when a bus carrying high school students from Long Island, New York, crashed while heading to band camp in Pennsylvania, state police said.

Dozens were hurt in Thursday's rollover accident in Orange County, which is about 60 miles north of New York City,… pic.twitter.com/Oa6dt1vYrL
— ABC News (@ABC) September 21, 2023

Автономен автобус тргна на првото возење во Европа (ВИДЕО)

Ристе Здравков — Thu, 21 Sep 2023 07:50:09 +0000

Овој автобус со неконвенционален изглед е најава на воведување на автономен јавен превоз. Компанијата „Aurrigo“ веќе со години работи на состави за автономно управува. Сега по повеќегодишен развој, претставува прототип на автономен автобус како дел од проектот за развој на автономни електрични возила кои ги кофинансира Европската Унија. Името му е „Auto-Shuttle“, а сега почна со тестирање на ограничени локации во Чешка и Велика Британија. Во првата фаза ќе има оператор за управувач како осигурување ако се појави некаква грешка. Во блиска иднина ќе вози и без физичко присуство на оператор во автобусот, но со постојан безжичен надзор подготвен во секој момент да преземе контрола над возилото. Компанијата се надева дека ќе успее да развие технологија за сосема автономно управување кое потоа би можело да се претвори во јавен превоз. Засега овие автобуси возат на ограничени локации во Брно и Прага во Чешка и во Милтон Кејнс во Велика Британија. „Auto-Shuttle“ се потпира на технологијата „LiDar“ во комбинација со камери, а технологијата во целост ја развила компанијата „Aurrigo“. Автобусот го движи електромотор со сила од 30 коњски сили, вози со брзина до 20 км/ч а досегот е 120 километри.

Автобус излетал од патот, најмалку три лица загинаа

Ристе Здравков — Tue, 19 Sep 2023 12:14:20 +0000

Денеска попладне на патот Цетиње-Будва се случи сообраќајна несреќа во која најмалку три лица загинаа, а повеќе се повредени. Како што пренесуваат од „Вјести“, автобусот слетал на релација Обзовица – Брајиќ. Повредените се извлекуваат од возилото, пренесе медиумот. На местото на несреќата биле испратени сите расположливи полициски сили од Будва и Цетиње, а на пат кон Обзовица биле и припадници на специјалните полициски единици. На терен имало шест возила на брзата помош. Од Службата за заштита и спасување на Будва за „Вјести“ велат дека испратиле три возила со пожарникари бидејќи имало многу повредени. На екипите на итната помош, лекарите и на медицинскиот персонал на Клиничкиот центар, како и на цетинската болница, им била дадена препорака сите екипи да бидат подготвени да ги примат повредените. „На магистралниот пат Цетиње – Будва се случила сообраќајна незгода, при што автобус слетал од коловозот. На самото место се сите расположливи единици на Полициската управа, итната медицинска помош и Управата за вонредни состојби“, соопштија од Управата на полиција на мрежата Х.

Жена тешко се повредила додека се симнувала од автобус

Ивана Ефремовски — Wed, 13 Sep 2023 10:26:03 +0000

На 12.09.2023 во 12:30 часот во СВР Скопје било пријавено дека на ул.„Втора Македонска Бригада“, при симнување од автобус, патничката А.Ј.(65) од с.Добрино паднала и се здобила со тешки телесни повреди, констатирани во Градската општа болница „Св.Наум Охридски“. Извршен бил увид од увидна екипа од СВР Скопје.

Македонски државјанин сведочи за сообраќајката кај Евзони: Беше страшно, преку хаубата висеа две тела

Ивона Петрова — Sun, 10 Sep 2023 12:28:43 +0000

Во сообраќајната несреќа која се случи денеска рано наутро на 521-от километар од магистралниот пат Атина – Солун во близина на областа Поликастро, на излезот Евзони, при директен судир на автомобил и автобус со српски регистарски ознаки, животите ги загубија четири лица. Тројца од нив, според медиумските извештаи, починале на самото место, а четвртиот им подлегна на повредите во болница. Во несреќата се повредени 53 патници од српскиот автобус кои со возила на Итна помош се пренесени во болници во неколку градови на северот на Грција По сообраќајната несреќа автопатот од границата со Македонија е затворен за сообраќај и во двата правци, а возилата се пренасочуваа кон стариот пат. Македонски државјанин, кој се враќал дома од Кушадаси, се нашол на местото на несреќата, пишува „Телеграф.рс“. Македонскиот државјанин за српски „Телеграф“ изјавил дека на местото пристигнал кратко откако се случила несреќата, а глетката на кој наишол била страшна. -Беше страшно, сè уште сум во шок. Едното возило беше на средината на патот, целото згмечено, а од него преку хаубата висеа две тела, најверојатно возачот и совозачот. Патниците од српскиот автобус не можеа да излезат сè до доаѓањето на Итната помош. Тие (со автобусот н.з.) беа во ендек, но не премногу длабок, изјавил македонскиот државјанин за српскиот медиум.