автобуска линија – Kurir.mk

Автобуската линија 63А во следните девет месеци ќе сообраќа по изменета траса

Ивона Петрова — Mon, 14 Aug 2023 13:37:39 +0000

ЈСП Скопје информира дека линијата 63А (Транспортен центар – Ајватовци), во наредниот период од девет месеци ќе сообраќа по изменета траса од вообичаената, поради изградба на натпатник на патот Марино – Бунарџик. Траса на движење од Транспортен центар до Ајватовци: -Од Транспортен центар до кружен тек во населба Илинден ќе се движи по редовната траса, потоа ќе продолжува по траса на линија 63, по улица „9“, потоа ќе излегува на улица „8“ и ќе врти лево (по траса на линија 66 ), кај складот на „Макпетрол“ (Зегин) ќе врти десно на надвозникот, па ќе продолжува до с.Ајватовци и завршува во с.Бунарџик (сред село), каде ќе биде и последната постојка (свртувалиште) Траса на движење од Ајватовци до Транспортен центар: -Од с.Бунарџик (сред село) ќе се движи до Ајватовци, па ќе продолжува до надвозникот и кај складот на „Макпетрол“ (Зегин) ќе врти лево по улица „8“ (по траса на линија 66), кај раскрсницата Ким ќе врти лево по улица „9“ (по траса на линија 63) и од кружниот тек во населба Илинден ќе продолжува по својата вообичаена траса При посочениот изменет режим, автобусите ќе ги користат постојните автобуски стојалишта.

На предлог на советничката група на ВМРО-ДПМНЕ и коалицијата се проширува автобуската линија број 2 од Сарај се до Ченто

Ивона Петрова — Wed, 31 Aug 2022 11:22:14 +0000

-Како што е редот, јас ја предложив и ќе треба да ја образложам иницијативата, како што напоменав кога ја предложив точката на Дневен ред за автобуската линија со број 2 која што сега сообраќа на линија Сарај – Автокоманда, со оваа иницијатива за измена и надополнување на одлуката за линиски превоз на патници во градот Скопје се предлага автобуската линија да сообраќа од Сарај до населба Ченто. А, со ова би се излегло во пресрет на долгогодишните барања на граѓаните, и за подобра поврзаност на населба Ченто со останатите делови од градот Скопје“, истакна советникот на Град Скопје, Филип Јаневски од партијата „Глас за Македонија“ говорејќи за иницијативата за измена и дополнување на одлуката за линиски превоз на патници во градот Скопје на денешниот Совет на Град Скопје. Јаневски додаде дека населбата Ченто нема пристап до градската општа болница „8-ми Септември“ со еден автобус за разлика од други населби кои што имаат автобуски линии кои што сообраќаат во речиси сите делови од градот. -Постои ветување дека нема да има заборавени населби повеќе во градот Скопје. А, со оваа иницијатива јас сметам дека подобрата поврзаност на населба Ченто со останатите населби би се овозможило оваа населба да не биде повеќе заборавена од овој аспект, односно да биде подобро поврзана со останатите делови од градот како што впрочем е случај со многу други населби, појасни советникот. Советничката во Советот на Град Скопје од редовите на ВМРО-ДПМНЕ, Марија Андоновска посочи дека ВМРО-ДПМНЕ иницијативата ќе ја поддржи и во иднина ќе застане зад други барања поврзани со слични или помалку различни од оваа иницијатива во насока на решавање на одредени проблеми кои што ги имаат граѓаните. -Како што спомена предлагачот на оваа иницијатива, ова е работа која што се провлекува со години значи проблемот кој што го имаат граѓаните кои што се населени во овие места на територија на општина Гази Баба имаат повеќегодишен проблем со линијата број 2. И колку што сум информирана и од разговорите кои што ги имаме со жителите од тоа подрачје постои иницијатива и од страна на граѓаните за една ваква одлука да биде донесена. И морам да напоменам дека ова не е единствен проблем со кој што се соочуваат граѓаните,а е поврзано со линискиот превоз т.е. со јавниот градски превоз на Град Скопје. Така да како советници од советничката група на ВМРО-ДПМНЕ и коалицијата ние имаме постојани средби со граѓаните и со жителите, нормално тоа и се очекува од нас како избраници во овој градски совет. Ние денеска ќе излеземе во пресрет на граѓаните и ќе ја поддржиме иницијативата поднесена од колегата Филип Јаневски. Но, и во иднина ќе застанеме зад други барања поврзани со слични или помалку различни од ова во насока на решавање на одредени проблеми кои што ги имаат граѓаните. Значи денешната иницијатива ја прифаќаме и ќе ја поддржиме, но и во иднина ќе поднесеме и други иницијативи и одлуки поврзани со јавното градско претпријатиe, истакна Андоновска.

Од понеделник: Оваа автобуска линија ќе сообраќа по скратена траса

Катерина Бојаџиева — Fri, 19 Oct 2018 12:18:07 +0000

Од понеделник (22.10.2018 година), линија 28 ќе сообраќа по изменета, односно скратена траса од досегашната. Наместо Транспортен центар, почетната станица на автобусите на посочената линија ќе биде почетната станица на линија 4А (улица „Лондонска“), а крајна станица и понатаму ќе биде Горно Нерези (Македонско село). На линијата ќе сообраќа минибус. Причина за кратење на трасата, е затворањето на комплексот „Македонско село“ (затоа се менува почетната станица), а истовремено и натаму ќе се опслужуваат жителите на Горно и Средно Нерези. Траса на линијата: Терминал 4А-улица „Лондонска“, улица „М.Т.Гологанов“, улица „В.В.Чакаларов“, терминал 57 (Козле), терминал Горно Нерези (Македонско село) и обратно. ЗИМСКИ ВОЗЕН РЕД: Работни денови: Тафталиџе 2: 6.30 ч, 7.30 ч, 12 ч, 13 ч, 14 ч, 15 ч, 16 ч, 17 ч, 18 ч, 19 ч. Македонско село: 6 ч, 7 ч, 8 ч, 12.30 ч, 13.30 ч, 14.30 ч, 15.30 ч, 16.30 ч, 17.30 ч, 18.30 ч, 20 ч. Сабота-недела: Тафталиџе 2: 6.30 ч, 7.30 ч, 12 ч, 13 ч, 14 ч, 15 ч. Македонско село: 6 ч, 7 ч, 8 ч, 12.30 ч, 13.30 ч, 14.30 ч, 15.30 ч.

Скратени или во прекин повеќе автобуски линии поради снегот

Ивона Петрова — Thu, 22 Mar 2018 08:26:45 +0000

Поради снегот денеска во Скопје повеќе градски и приградски автобуски линии се скратени. Не сообраќаат автобусите со број 69 и 69а. Како што информира ЈСП Скопје, автобусот со број 25 место до Средно Водно сообраќа до Панорама, а автобусот со број 28 место до Нерези (Македонско село) сообраќа само до Козле. Од приградските линии, автобусот со број 65 место до селото Раштак сообраќа до Црешево, а 81 место до Блаце сообраќа до Горњани, а 160 место до Горна Матка до војската.