автобуска постојка – Kurir.mk

Уапсен џепчија, искористил гужва при влегување во автобус и украл паричник

Ивона Петрова — Fri, 01 Apr 2022 09:47:52 +0000

Полицијата информира дека вчера во 13.20 часот на ул.„Стале Попов“ во Скопје, полициски службеници од Единицата за интервентна полиција при СВР Скопје го лишиле од слобода С.С.(54) од Скопје. -Тој се сомничи дека околу 13.00 часот на автобуска постојка на бул.„Кузман Јосифовски Питу“ искористил гужва при влегување во автобус и од чанта на оштетената одзел паричник со пари и лични документи, информира МВР. Тој бил приведен во Полициската станица Центар и во службен разговор го признал делото. Кај него биле пронајдени одземените предмети кои биле вратени на сопственичката. За случајот бил запознаен Јавен обвинител и по целосно документирање на случајот против него ќе биде поднесена пријава по член 235 од Кривичниот законик.

И го украл мобилниот телефон вреден 30.000 денари од автобуска постојка во Скопје, па зажалил- еве со каква казна се соочува крадецот

Дарко Андоновски — Wed, 21 Oct 2020 09:17:44 +0000

Основното јавно обвинителство Скопје денеска поднесе обвинителен предлог за кражба против едно лице, кое се товари дека на 15 октомври годинава на автобуска постојка на булеварот „Крсте Мисирков“, одзел мобилен телефон вреден 30.000 денари од една оштетена. – Обвинетиот ја забележал оштетената која се упатила кон еден автобус и во тој момент од џебот на јакната и го одзел мобилниот телефон, но веднаш бил забележан од полициски службеници кои го лишиле од слобода, информираат од ОЈО. Надлежниот јавен обвинител до Основниот кривичен суд Скопје достави предлог за продолжување на претходно определената мерка притвор за обвинетото лице, поради опасност од бегство. Лицето се товар за кривично дело – Кражба од член 235 став 1 од Кривичниот законик. а

Автобуска постојка среде Скопје е вон употреба, еве како ќе се движат автобусите

Ивана Ефремовски — Mon, 29 Jul 2019 08:25:14 +0000

Поради реконструкција на коловозот на булевар „Кочо Рацин“ и воведениот времен режим на сообраќај, автобуската постојка Југодрво е вон употреба. Поради градежните зафати, автобуската линија 9 сообраќа по изменета траса во правец од Скопје Север кон Клинички центар, односно, автобусите после Бит пазар, вртат десно по булевар „Гоце Делчев“, лево по булевар „Филип Втори Македонски“ (од кај МНТ), кај Градска болница лево по булевар „11 Октомври“ (Зелен пазар) и десно преку булевар „Кочо Рацин“ продолжуваат по вообичаената траса. Во правец од Клинички центар кон Скопје Север, возилата сообраќаат по својата редовна траса. Посочените измени ќе важат се до обезбедување услови на терен за вообичаен режим на функционирање на јавниот превоз.

Привремено се затвора автобуската постојка во ГТЦ

Ивона Петрова — Wed, 25 Jul 2018 07:01:25 +0000

Автобуската постојка во подрумот на Градскиот трговски центар (ГТЦ) во Скопје денеска од 12 часот нема да биде во функција до утре во утринските часови, соопшти ЈСП Скопје. Автобусите на линијата „50“ во тој период ќе ја користат автобуската постојка до паркот „Жена борец“. - Привременото затворање на постојката е поради централниот настан во рамки на манифестацијата „Зборува Скопје“ кој ќе се одржи во Графити галеријата во ГТЦ, се вели во соопштението од ЈСП Скопје.

Малолетник претепан на автобуска постојка

Ивона Петрова — Wed, 06 Jun 2018 13:37:57 +0000

И.С.(43) вчера вечерта пријавил дека околу 21,40 часот на улицата “Методија Андонов-Ченто“ поточно на автобуската постојка неговиот 13 годишен син додека чекал автобус на постојката бил физички нападнат од страна на непознато лице на возраст од 15 до 18 години кој бил со уште три други лица. -Потоа сторителите го напуштиле местото на настанот, а по кратко време се вратиле заедно со поголема група на лица, а 13-годишното момче и неговите другари побегнале по што ги известиле родителите, информираат од МВР. Се работи на целосно расчистување на случајот.

Се отвори, па се затвори: Град Скопје најавува повторно отворање на „50“ во ГТЦ

Ивона Петрова — Wed, 21 Mar 2018 10:07:03 +0000

Градот Скопје ги демантира наводите објавени вчера во медиумите во кои се тврди дека кратко по враќањето на 50 во ГТЦ, оваа постојка повторно е затворена. -Ве информираме дека пренасочувањето на движењето на автобусот со број 50 е привремено заради изведување градежни работи, односно се врши реконструкција на улицата којашто минува под ГТЦ. По завршувањето на оваа реконструкција автобусите повторно ќе застануваат на автобуската постојка во подрумот на ГТЦ. Воедно, сакаме да Ве потсетиме дека за повторното отворање на оваа постојка не беа потрошени финансиски средства на Град Скопје, се наведува во соопштението од Град Скопје. Сепак, се поставува прашањето зошто Град Скопје најпрво не ја заврши реконструкцијата на улицата, која очигледно била планирана, пред да ја пушти во употреба автобуската постојка во ГТЦ. Мерката на Петре Шилегов за враќање на „животот во ГТЦ“, траеше само четири недели. Од Градот нема информации колку време ќе помине пред „50“-ката повторно да застанува во ГТЦ. Не е познато ниту дали, повторното пуштање на автобуската постојка ќе биде проследено со нов музички хепенинг.

Москва: Автобус влета на постојка, лекарите оживеале две лица (ВИДЕО)

Ивона Петрова — Fri, 29 Dec 2017 09:40:55 +0000

Најмалку три лица се повредени во сообраќајна несреќа која се случила во Москва. Според првичните информации, автобус во обид да избегне судир со автомобил, влетал на автобуска постојка. Министерството за вонредни ситуации соопштило дека во денешната несреќа нема починати лица, додека од полицијата истакнуваат дека три лица се повредени, а две биле оживеани од страна на лекарските екипи.

pic.twitter.com/Cv5fnrnrtQ
— Репвбблика (@Repvbblica) December 29, 2017