автомобил-бомба – Kurir.mk

Шест лица загинаа во експлозија на автомобил-бомба во близина на воена база во Могадишу

Ивана Ефремовски — Sat, 21 Oct 2023 17:29:20 +0000

Во експлозија на автомобил-бомба во близина на воената база во главниот град на Сомалија, Могадишу, загинаа шест лица, меѓу кои четворица војници, соопшти денеска полицијата. Портпаролот на полицијата Садик Додише изјави дека во експлозијата во воениот објект се ранети уште девет лица, од кои петмина војници. Исламската екстремистичка организација Ал Шабаб ја презеде одговорноста за нападот. Сомалиската федерална влада со години се бори против припадниците на Ал Шабаб, а безбедносните сили ги засилија нападите врз групата во последните месеци во обид да ја разбијат нејзината пропагандна мрежа. Сомалискиот министер за информации Дауд Авејс изјави за новинарите дека властите затвориле четири радио станици поврзани со групата и убиле речиси 3.800 нејзини борци за време на неодамнешната воена офанзива. (МИА)

Најмалку девет лица загинаа во експлозија на аеродромот во Аден

Катерина Бојаџиева — Sun, 31 Oct 2021 16:46:02 +0000

Најмалку девет лица загинаа во експлозија на автомобил-бомба во близина на аеродром во привремениот главен град на Јемен, Аден. Се верува дека уште 12 лица се повредени во синоќешната експлозија – која премиерот Муен Абдулмалек Саид ја опиша како „терористички бомбашки напад“, јавува Би-Би-Си. Очевидци велат дека жртвите се жени и деца. Досега никој не презеде одговорност за нападот. Локалните медиуми забележуваат дека нападот се совпаднал со пристигнувањето на поранешниот гувернер на Аден на аеродромот. Тој не е повреден. Актуелниот гувернер беше цел на напад со автомобил-бомба пред три недели во кој загинаа шест лица.

Најмалку седуммина загинати во експлозија на автомобил-бомба во Кабул

Ивона Петрова — Wed, 13 Nov 2019 08:07:51 +0000

Најмалку седум лица загинаа утринава, а уште најмалку седуммина други се повредени, во експлозија на автомобил-бомба во авганистанската престолнина Кабул, во текот на утринскиот сообраќаен пик, соопштија официјални претставници, пренесе ДПА. Портпаролот на Министерството за внатрешни работи Насрат Рахими изјави дека се уште не е познато кој бил цел на нападот и доддаде дека истрагата е во тек. Се уште никој не ја презеде одговорноста за нападот, иако во Кабул се активни талибанците и Исламска држава и двете групи во минатото преземаа одговорност за претходни вакви напади, наведуваат американските медиуми. Светските агеници наведуваат дека од местото на нападот се крева густ чад во воздухот.