автомобил – Kurir.mk

Јутјуберот кој ги помести границите на јутјуб сцената во Македонија

Ристе Здравков — Thu, 02 Nov 2023 12:34:50 +0000

Поранешен фудбалер, репрезентативец, ТВ водител, а денес најпознат јутјубер во Македонија. Стефан Лазаров кој на јутјуб сцената се појави во 2020 година, вчера успеа да дојде до бројката од 100.000 сабскрајбери на Јутјуб, а со тоа и да добие силвер батон плакета од јутјуб. Рекорд со кој многу малку луѓе во нашата земја можат да се пофалат... Стефан Лазаров изминатиов период ја брануваше македонската јавност со добри и лоши моменти. Лазаров во минатото е познат како човек кој организирал и поддржал многу хуманитарни акции, а едена од нив е и хуманитарната акција за помош на малиот Кико, а малкумина знаат и за помошта која Стефан Лазаров му ја даде на Неџат, момче кое денес му е многу благодарно и го сака како роден брат. Претходно, Стефан Лазаров јавноста ја разбранува со видео парче од 15 секунди со новинарот Драган Павловиќ - Латас, за кое заврши на суд. Имено тој е познат со своите видеа „Карпул караоке“, а од неодамна и со двата најпопуларни подкасти во Македонија, „Лазаров подкаст“ и „Без лимит“ кој го води со новинарот Зоран Василевски попознат како Зоки Фаци. Но Стефан Лазаров вчера успеа да сруши два рекорди. Бројката од 100.000 сабскрајбери ја зачини и со организирање на најголемиот гивавеј кој воопшто се случил во Македонија во кој беа доделени велосипед, мобилен телефон и автомобил Ауди А5 купе. Ведаш по завршувањето на најголемиот гивавеј во Македонија, тој на својот Инстаграм профил со емотивна порака им се заблагодари на своите следачи. -Искрено немам зборови со кои можам да ви кажам колку ве сакам и колку сум благодарен за се што правите за мене, ветувам дека ќе продолжам по истиот пат, ќе работам за доброто на оваа сцена, за доброто на нашата држава и ќе продолжам да мотивирам млади луѓе дека сепак и во Македонија може да се успее.. да сте ми здрави и живи, се чувствувам како да е почеток, одиме понатаму, напиша под фотографијата Лазаров.

View this post on Instagram

A post shared by Stefan Lazarov (@_lazarovv)

На Стефан му го честитаме успехот и му посакуваме уште многу такви во иднина!

СЕ ПРОДАВА „ЅВЕРОТ“ КОЈ ГО ВОЗЕШЕ ЛИЧНО ТАА – кога ќе видите чиј автомобил може да биде ваш нема да ви биде добро, одвојте пари веднаш! (ВИДЕО)

Дарко Андоновски — Wed, 25 Oct 2023 20:27:54 +0000

Се продава „Land Rover“ со единствена историја - го возела англиската кралица Елизабета Втора. Станува збор за модел кој компанијата „Special Vehicle Operations“ го дизајнираше специјално за кралицата, а иако е од 2004 година, има модификации кои не би ги очекувале кај стандардните возила на „Land Rover“. Така, секоја задна врата има два прекинувачи за прозорци, така што патникот може да ги контролира без да се поместува. Исто така, има рачки кои го олеснуваат влегувањето и излегувањето на патниците од автомобилот. Автомобилот е обоен во „Epsom“ зелена боја, а внатрешноста е во нијанса „Sand Hide“, додека седиштата се заштитени со тапацир, а багажникот е модифициран за кучиња, па од предниот дел е одвоен со кафез. Автомобилот првпат е регистриран во 2004 година во Велика Британија, редовно се сервисирал, а последен пат во јули. Има поминато околу 180.000 километри, а го придвижува 4,4-литарски мотор кој е доволен за моќност од 282 КС. Автомобилот ќе се продава на аукција од 11 ноември.

ТРАГЕДИЈА НА ПАТОТ КИЧЕВО-ОХРИД: Автомобил удрил во човек, пешакот починал на лице место

Тале Кристо — Sun, 15 Oct 2023 10:16:48 +0000

На 14.10.2023 околу 19.00 часот во Полициската станица Кичево било пријавено дека на магистрален пат Кичево-Охрид, во нас.Горица, патничко возило „мерцедес“ со кичевски регистарски ознаки, управувано од М.М.(36) од с.Другово,. кичевско, удрило во пешакот Р.Д.(61) од с.Могорче, дебарско. Од здобиените повреди, Р.Д. починал на местото, а смрт констатирал лекар од Медицински центар Кичево. Увид на местото извршиле екипа на Полициската станица Кичево и јавен обвинител, по чија наредба телото на починатиот било предадено на обдукција.

Залутан курум завршил во автомобил во Бутел

Тале Кристо — Fri, 13 Oct 2023 20:18:24 +0000

На 12.10.2023 во 23.16 часот во СВР Скопје, Б.М.(27) пријавил дека на подрачје на Бутел од залутано зрно бил оштетен предниот дел од патничко моторно возило „хјундаи“ со скопски регистарски ознаки, сопственост на рент а кар фирма од Скопје, кое тој го управувал. Повредени лица нема, а увид на местото извршила екипа од СВР Скопје.

Млад скопјанец украл автомобил и ограбил куќа

Ивана Ефремовски — Fri, 06 Oct 2023 12:02:29 +0000

На 05.10.2023 во 18:15 часот во Струмица, полициски службеници од Секторот за внатрешни работи Струмица го лишиле од слобода Е.И.(21) од Шуто Оризари – Скопје. Тој се сомничи дека претходно одзел едно моторно возило и извршил тешка кражба во куќа во Струмица, при што одзел повеќе предмети. Кај него биле пронајдени возилото и одземените предмети и биле вратени на сопствениците. Е.И. бил задржан во Полициската станица Струмица и за настанот бил запознаен јавен обвинител од Основното јавно обвинителство Струмица. По целосно документирање на случајот против него ќе биде поднесена соодветна пријава.

Секојдневни работи што не се чуваат во автомобил

Дарко Андоновски — Fri, 22 Sep 2023 08:56:17 +0000

За многу луѓе, автомобилот е втор дом, па го користат и како дополнителна „соба“ или попрецизно речено - еден вид складиште. Иако е паметно да се има предмети како продолжени кабли, дополнителна облека и чифт удобни чевли, во возилото не се чува сè. Следат шест работи што не треба да се чуваат во личното превозно средство. 1. Пластични шишиња со вода Иако треба да се пие повеќе вода, сепак не е паметно да се чува пластично шише со вода во автомобилот. Според истражувањата, кога пластиката е изложена на топлина, може донекаде да се распадне, предизвикувајќи истекување хемикалии во водата. А, и топлата вода не е ниту вкусна, ни полезна за употреба потоа. Наместо пакети со пластични шишиња, покорисно би било алуминиумско шише. И тоа направено да ги одржува течностите ладни. 2. Храна Според стручњаците, никогаш не треба да чувате храна во вашиот автомобил. - Дури и ако храната е во лимени или други кутии, сѐ се расипува ако седи во автомобилот подолго време. Кутии со храна од самопослуга треба да одат во шпајз или во друг дел од вашата куќа, објаснува Лесли Килгур, професионална организаторка на простор. Ако храната е наменски складирана во автомобилот, таа се чува во тврд сад, за да не дојдат штетници до неа. И, никако не е дозволено предолго чување на таквата храна. 3. Електроника Загревањето и електронските уреди се лоша комбинација. Автомобил паркиран на директна сончева топлина може да достигне 50 Целзиусови степени за еден час. Затоа, не се препорачува чување електроника во возило во мирување. А, пак, уредите оставени на видно место го прават автомобилот и можна цел на кражба. 4. Спрејови Има луѓе кои понекогаш си ја дотеруваат косата во автомобилот, па ги оставаат тие мали лимени шишиња внатре. Лош потег. Високите температури може да предизвикаат распрскување на такво шише со аеросол, што може да биде опасно за возачот и патниците во возилото. 5. Ќесе со производи и предмети за добротворни цели Карли Адамс, уште една организаторка на простор, вели дека сите оние непотребни нешта што сте ги намениле за дарување во добротворни цели - не треба да седат во возилото подолго време. - Наместо да зафаќаат простор во багажникот „засекогаш“, предлагам луѓето да ги стават ќесињата во својот автомобил тогаш кога ќе одат во прифатното место, вели Адамс. 6. Валкана облека за вежбање И тоа не е добар потег, велат познавачите, иако многумина, брзајќи дома, ја забораваат торбата за во вежбалница во автомобилот. Причината е едноставна - миризбата на искористени алишта и чорапи што неминовно го опфаќа цело возило. Исто така, доколку потта остане на облека подолго време, тоа предизвикува трајни дамки.

„Xiaomi“ разви автомобил во рекорден рок, а сега е познато и името

Ристе Здравков — Wed, 13 Sep 2023 12:21:38 +0000

На почетокот на годината можевме да видиме како ќе изгледа првиот автомобил на „Xiaomi“, а сега го дознаваме и името. Судејќи по вестите, кинескиот чин ги претркал своите IT ривали кои порано најавуваа влез во светот на автомобилите. „Xiaomi“ доаѓа прв, и тоа со електричен модел кој ќе се нарекува „Modena“. „Xiaomi“ својот план за развој на автомобили го откри пред две години, а веќе во јануари оваа година можевме да ги видиме и првите фотографии од новиот модел. Компанијата минатиот месец доби и владина потврда за можен почеток на производство. Новиот модел носи кодно име „MS11“, но некои медиуми дознаваат дека моделот ќе се вика „Modena“. „Car News China“ известува дека производството на првата серија веќе почнало, и тоа со интензитет од 50 автомобили неделно. „Xiaomi“ сега чека дозвола од кинеското министерство за економија и информатичка технологија, а откако ќе ја добие, ќе почне и продажбата. Се претпоставува дека возилото ќе чини 27.400 евра, а на кинескиот пазар ќе им конкурира на „Tesla Model 3“ и „BYD Seal“. Технички информации речиси и да нема, а последните зборуваат за батерија со капацитет од дури 101 kWh, што би значело досег од 800 километри.

Драма на Халкидики: Автомобил заврши во море на плажата во Неа Мудања (ВИДЕО)

Ристе Здравков — Thu, 10 Aug 2023 11:22:08 +0000

На плажата во популарното одморалиште Неа Мудања на Халкидики утрово се одвивала вистинска драма. Во морето бил најден потопен автомобил. Настанот се случил во вторникот на 8 август, по што интервенирала локалната шлеп служба. Според првичните сознанија, најверојатната причина поради која автомобилот завршил во морето, се претпоставува дека е откочување на рачната сопирачка. Во инцидентот нема повредени, бидејќи во возилото немало никој.

Прилепчанец со автомобил удрил во малолетник во Крушево

Тале Кристо — Thu, 03 Aug 2023 11:32:37 +0000

На 02.08.2023 во 11.30 часот било пријавено дека во Крушево, на паркинг на место викано „Црни врв“, патничко возило „лада нива“ со скопски регистарски ознаки, управувано од Ј.А.(60) од Прилеп, удрило во малолетник од Скопје. Во несреќата малолетникот се здобил со тешки телесни повреди, констатирани во Општата болница Прилеп. Извршен бил увид од увидна екипа од ОВР Крушево.

ФОТО: Maкедонци и Грци здружено му помогнале на српско семејство кога автомобилот им се запалил на автопат

Дарко Андоновски — Tue, 01 Aug 2023 10:21:53 +0000

Семејство од Србија доживеало неволја на автопатот додека се враќало дома од одмор во Грција, кога нивниот автомобил се запалил. Приказната за солидарноста и помошта при несреќната околност, семејството ја сподели на социјалните мрежи. Имено, Македонци и Грци се нашле на местото на настанот и им помогнале да го изгаснат опожареното возило. Семејството јавно изрази благодарност до овие храбри луѓе. „Почит за нашите пријатели на автопатот, Македонци и Грци се здружија да ни го изгаснат автомобилот што се запали на враќање од море“, пишува семејството.