автомобилски трки – Kurir.mk

ВНИМАВАЈТЕ: Посебен сообраќаен режим во Скопје поради автомобилски натпревар

Дарко Андоновски — Sat, 20 Jul 2019 07:10:11 +0000

Викендов од 9 до 16 часот ќе се воведе посебен режим на сообраќај во главниот град поради одржување на Меѓународниот ридско-брзински натпревар во автомобилизам „Награда на Град Скопје – Водно 2019“. Стартот на натпреварот е од улицата „Тодор Александров“ се до Средно Водно. Поради тоа Одделението за безбедност на патниот сообраќај ќе преземе мерки за посебен режим на сообраќајот по наведената траса, а сообраќајот ќе се пренасочува по околните сообраќајници. МВР апелира до граѓаните да ги почитуваат наредбите што ги издаваат полициските службеници по сообраќајниците каде ќе се одвива натпреварот. Организатори на натпреварот се АКК Кастум Кар Реисинг Тим Скопје.

Претстојниот викенд нема да се возат трки во Скопје

Катерина Бојаџиева — Thu, 13 Sep 2018 11:47:18 +0000

Автомобилистичката федерација на Македонија соопшти дека авто-трката во организација на АКК Автоклиника која беше предвидена за 15 и 16 септември во Скопје нема да се одржи на овој термин. Од АФМ известија дека новиот термин за трката дополнително ќе биде одреден. Во организација пак, на АКК Примо авј на 6 и 7 октомври во Скопје ќе се одржи авто-трка на патеката пред МТВ која ќе се бодува за Шампионатот на Македонија на кружни патеки и CEZ. Повеќе информации за оваа трка организаторот ќе соопшти на прес-конференција.

Автомобилски трки на Водно претстојниот викенд

Дарко Андоновски — Thu, 07 Jun 2018 09:34:17 +0000

Во организација на АКК Примо авј Пролет на 9 и 10 јуни на Водно ќе се одржи ридско-автомобилската трка која ќе се бодува во државниот шампионат. Двете тренинг сесии се предвидени за сабота (почеток) 10 часот, а в недела по Свечено отворање на натпреварот (11 часот) ќе се возат првата и втората трка кои ќе носат пласман. Стартот се наоѓа пред влезот на ИЗИС, а целта пред патот за Хотел Водно. Пријавени се околу 30-ина натпреварувачи од Македонија, кои ќе бидат поделени во седум класи според моќноста на возилата. з