автопат демир капија-смоквица – Kurir.mk

„Порше“ преполно со мигранти удрило во банкина на автопатот Смоквица- Демиркапија

Дарко Андоновски — Thu, 24 Oct 2019 13:04:21 +0000

На 24.10.2019 во 03.00 часот на автопатот А1, во правец од Смоквица кон Демир Капија, било пронајдено патничко возило „Порше“ со скопски регистарски ознаки, кое удрило во банкините. Во близина биле пронајдени 14 мигранти од Авганистан, без документи за идентификација. Се преземаат мерки за расчистување на случајот, информираат од МВР.

Тунелите Демир Капија – Смоквица без електрична енергија неколку денови

Предраг Кукиќ — Sun, 04 Nov 2018 08:09:30 +0000

Напојувањето на тунелите со електрична енергија на патот Демир Капија – Смоквица од страна на Демир Капија, како што најави ЕВН, од вчера ќе биде исклучено неколку денови. Од оваа причина напојување ќе има само од страна на Удово. – Доколку дојде до прекин во напојување од двете страни сообраќајот на автопатот Демир Капија – Смоквица во двете насоки ќе се одвива под посебни услови во тунелите, информираат од Автомото сојузот на Македонија. Двата тунели, како што појаснува советникот за контрола на сообраќај во Јавно претпријатие за државни патишта, Владимир Петров, функционираат нормално и нема никакви проблеми околу напојувањето со електрична енергија. – Поради безбедна и сигурна работа на тунелите Демир Капија – Смоквица, тие се напојуваат со електрична енергија од две страни и тоа: од Демир Капија и од Удово. Тоа значи дека доколку дојде до прекин во снабдувањето со електрична енергија на една од наведените страни, снабдувањето со електрична енергија ќе продолжи безбедно да работи со преостаната страна. Во овој момент напојувањето од страна на Демир Капија е исклучено поради работни ангажмани на компанијата ЕВН Македонија. Тоа значи дека во овој момент тунелите се снабдуваат со електрична енергија од страна на Удово. Доклку дојде до прекин во снабдувањето со електрична енергија од страна на Удово тогаш имаме и трета резервна опција – батериска резерва (UPS систем) во траење од два часа, односно доволно време за напојувањето да се врати во нормала, вели Петров.

По година дена целосен застој во понеделник ќе се сече лента на автопатот кој го изгради ВМРО-ДПМНЕ, Демир Капија- Смоквица

Дарко Андоновски — Thu, 19 Apr 2018 09:57:43 +0000

По речиси цела една година откако автопатот Демир Капија- Смоквица беше изграден од страна на поранешната влада на ВМРО-ДПМНЕ, во понеделник ќе биде официјално пуштен во употреба. На отворањето како што е најавено ќе присуствуваат евроамбасадорот во земјава Самуел Жбогар, премиерот Зоран Заев и министерот за транспорт и врски Горан Сугарески кои ќе имаат и свои обраќања на настанот. За време на настанот ќе биде промовирана и кампањата за ЕУ- инвестициите во инфраструктурата во земјава. Овој дел од автопатот, според планот, требаше да биде завршен до 1 ноември 2017 година. Инвестицијата во автопатот изнесува 218 милиони евра. Изградбата почна во септември 2012 година од страна на тогашната власт на ВМРО-ДПМНЕ. Со оваа делница се заокружува со целосно автопатско решение Коридорот 10 на територијата на Македонија.