автопат кичево- охрид – Kurir.mk

ВМРО-ДПМНЕ: Местејќи го надзорот, СДСМ и ДУИ пропаднаа тендер од над 2 милијарди евра за 3 автопатски делници

Магдалена Андонова — Sat, 13 Aug 2022 08:19:24 +0000

Грѓаните ќе почекаат уште неколку неколку месеци, а можеби и години со започнување на изградбата на новите автопатишта Тетово- Гостивар- Кичево, потоа Струга- Ќафасан, како и автопатско решение Прилеп-Битола. Владата местејќи го тендерот за надзор вреден вреден над 22,9 милиони евра, го пропаднаа проектот вреден од над 2 милијарди евра за изградба на 3-те автопатски делници, стои во соопштението на ВМРО-ДПМНЕ. Од партијата посочуваат дека нема тендер за некоја капитална инвестиција криминалната власт на СДСМ и ДУИ да не го наместат и да украдат голем дел од парите на граѓаните. - Научени се само да крадат, никако нешто да изгрдат. Пропаѓаат пари од европски фондови, патиштата кои започнуваат да ги градат, не ги доградуваат. За ова сведочи автопатската делница Кичево – Охрид кои веќе 6 години тапкна во место и еден километар асфалт немаат поставено. Реконструкцијата на автопатот Петровец- Каталаново од само 5 километри веќе пола година е нефункционален и се вози во една лента, а нема ниту тронка надеж дека во догледно време ќе биде завршен, токму заради пропаднат тендер, пари добиени преку европските фондови. Ама за тоа експресно ги изградија патарините на автопатот Миладиновци-Штип. Најголема штета заради криминалот на власта на Ковачевски трпат фирмите, бизнисите но и граѓаните, а Ковачевски мува не го лази, се појаснува во партиското соопштение. ВМРО-ДПМНЕ додава дека за целиот грабеж и за секој криминал ќе има одговорност и за многу брзо тендер владата на Ковачевски ќе замине во историјата како најнеуспешна влада. (МИА)

Повремени прекини на сообраќајот на патот Кичево – Охрид

Дарко Андоновски — Mon, 15 Nov 2021 06:43:29 +0000

Поради изведување градежни работи (минирање) на патниот правец А2 Кичево – Охрид, на делницата Пресека – Песочан, денеска во периодот помеѓу 12:00 и 15:00 часот сообраќајот ќе биде во прекин 10 до 15 минути, соопшти ЈП Македонијапат. Од АМСМ, пак, информираат дека сообраќајот на државните патишта се одвива непречено, по суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Возило излетало од патот Кичево-Охрид, едно лице тешко повредено

Магдалена Андонова — Sun, 27 Sep 2020 09:58:01 +0000

Вчера во 22.35 часот на магистралниот пат Кичево-Охрид, кај с.Врбјани, И.А.(52) од с.Грешница, управувајќи патничко возило „цитроен пикасо“, со скопски регистарски ознаки, изгубил контрола и излетал од патот, соопштуваат од МВР. Во незгодата, сопатникот Ј.Е.(45) од с.Зајас, кичевско, се здобил со тешки телесни повреди, констатирани во болницата „Св.Еразмо“ во Охрид. Увид извршила екипа од СВР Охрид.

Ивановски: Во Србија и Косово ќе се инвестираат скоро 5 милијарди долари во инфраструктура, ние тука се уште збориме за еден автопат Кичево-Охрид

Дарко Андоновски — Thu, 24 Sep 2020 19:19:37 +0000

Претседателот на Комисијата за транспорт и инфраструктура на ВМРО-ДПМНЕ вечерва на Телма телевизија во дебата со актуалниот министер за транспорт и врски Благој Бочварски, истакна дека додека во регионот само во Косово и Србија ќе се инвестира скоро 5 милијарди долари во инфраструктура и енергетски бум ,ние тука сеуште зборуваме за еден автопат Кичево-Охрид, а до Велес се патува со воз час иполовина. -Додека кај нас главни вести беа рушење на дивоградба кај Мавровка или Охридска бетонска база, во регионот има сериозни промени. Имено Србија и Косово во САД склучија сериозни договори, од кои само во Косово преку 1 милјарда долари одобрени во наредната година за изградба на автопат од Приштина до границата со Србија, паралелно железничка инфраструктура, помош за термоцентрали на гас, целосен енергетски бум со преку милјарда долари само во Косово. 3.7 милијарди долари помош ќе има само за Србија, притоа освен ова една од најголемите компании за железнички сообраќај „Руски железници“ ќе ја прават железницата спрема Црна Гора, плус „Кинеската железница“ ќе врши модернизација на Белград-Будимпешта пругата, посочи Ивановски. Ивановски вели брзи пруги каде од Белград до Нови Сад ќе се стигнува за 30 минути, а со воз од Скопје до Велес час и половина, нивните возови одат до 200километри на час, нашите со 20-30километри на час, не поради тоа што се лоши, туку затоа што лоша е инфраструктурата, не се одржува не ни можат да ја постигнат оваа брзина, заклучи Ивановски. -Манипулацијата со бројките не излегува од реториката на СДСМ, 550 километри автопати три години не се случија, 600 километри магистални експресни патишта не се случија, пред избори кажавте дека сте изградиле 220 километри автопати, еден не сте почнале, а при тоа ако проверите во вашите извештаи преку 2000 километри патишта се реконструирани, а не 600 километри магистрални експресни патишта, му посочи Ивановски на министерот Бочварски.

Доколку утре се враќате од продолжениот викенд во Охрид ова мора да го имате на ум- сообраќајот во прекин!

Дарко Андоновски — Sun, 30 Aug 2020 09:47:59 +0000

На 31 август, понеделник, на патниот правец А2 Кичево – Охрид, на делницата Пресека – с. Врбјани, помеѓу 12:00 – 15:00 часот, сообраќајот ќе биде во прекин во период од 15 – 20 минути поради изведување градежни работи. Во наведениот период Г.П. Илинден – Струга ќе врши минирање), информира АМСМ.

Скандал: Фирмата што зела најмногу пари помош од државата работи на изградбата на автопатот Кичево-Охрид

Магдалена Андонова — Sat, 01 Aug 2020 16:48:57 +0000

Фирмата „Викторија Инвест“ од Албанија со седиште во скопската општина Карпош, која што добила најмногу пари од државата, а не им исплатила на своите вработени е истата фирма која што работи и на изградбата на автопатот Кичево – Охрид како подизведувач. Но името на истата фирма се поврзува со уште еден скандал. „Викторија Инвест“ преку подружницата во Струга пред неколку години заработила и кривична пријава поради тоа што вршела нелегален ископ на минерални суровини во Дебрца. ТВ24 се обиде да стапи во контакт со одговорните лица за да добие одговори зошто ја злоупотребиле државната помош и дали планираат да им ги исплатат парите на вработените, но вратата на фирмата беше затворена, а никој не одговори ниту на телефонските повици. Ова е седиштето на фирмата „Викторија Инвест“ која што е една од стотици фирми кои што добиле финансиска помош од државата, а не ги исплатиле своите вработени. Според листата што ја објави Владата, оваа фирма зела над 600.000 денари за 86 вработени, а не им исплатила ниту денар. Меѓу фирмите кои што се најдоа на листата на УЈП за неисплатени минимални плати од државната помош се и три компании кои што добиле пари од Фондот за иновации. Од Фондот веќе соопштија дека ја сопираат реализацијата на проектите. Според информациите од Владата, од објавувањето на скандалот од страна на УЈП до сега само 30 фирми им ги префрлиле парите на сметките на вработените. Целокупната листа со фирмите е испратена и до Светската банка, која што и позајми дел од парите на државата за да им се помогне на работниците во време на корона кризата. Од таму велат дека освен што фирмите ќе треба да ги вратат парите, ќе бидат и дел од истрага што ќе ја спроведе Светската Банка. Во меѓувреме Владата според најавите на генералниот секретар веќе подготвува соодветни постапки пред Обвинителството и најдоцна до среда ќе бидат поведени против сите оние газди кои што немаат исплатено, а ги имаат добиено парите од државата. На газдите им се заканува и казна затвор од 1 до 10 години. По обелоденувањето на скандалот, синдикатите веќе побараа најстроги казни за фирмите, а активистите за работнички права ваквото однесување го нарекоа воено профитерство.

Хорор на патниот правец Кичево- Охрид: Со „опел вектра“ удрил во пешак, а потоа и во паркирана „опел астра“

Дарко Андоновски — Wed, 11 Dec 2019 16:00:50 +0000

На 10.12.2019 во 21.45 часот на магистралниот пат Кичево – Охрид, во атарот на с.Радомирово, општина Дебарца, патничко возило „опел вектра“, со тетовски регистарски ознаки, управувано од Љ.В.(46) од с.Порој, тетовско, изгубило контрола и излетало од патот, при што удрило во Е.М.(76) од Охрид и паркирано патничко возило „опел астра“, со охридски регистарски ознаки. Во незгодата, Е.М. се здобил со тешки телесни поврди и бил пренесен во болницата „Св.Еразмо“ за укажување лекарска помош. Увид на местото на настанот извршил јавен обвинител и екипа од СВР Охрид, информираат од МВР.

Седница на Собранието, ќе се расправа за заемот за автопатот Кичево – Охрид

Ивона Петрова — Wed, 20 Nov 2019 07:42:07 +0000

Собранието денеска треба да ја одржи 116 седница на чиј дневен ред, меѓу другите, е Предлог законот за гаранција на Република Северна Македонија на обврските по Договорот за заем за дополнително финансирање за Проектот за изградба на Автопат – делница Кичево – Охрид кој ќе се склучи меѓу Експорт – импорт банката на Кина и Јавното претпријатие за државни патишта, по скратена постапка. Пратениците ќе расправаат и по Предлог законот за изменување и дополнување на Законот за земјоделство и рурален развој, по скратена постапка, Предлог законот за изменување и дополнување на Законот градење, по скратена постапка, Предлог законот за изменување на Законот за финансирање на единиците на локалната самоуправа, по скратена постапка, како и Предлог законот за изменување на Законот за спортот, по скратена постапка. На оваа седница се и Предлог законот за изменување и дополнување на Законот за административни службеници, по скратена постапка, Предлог законот за изменување на Законот за вработените во јавниот сектор,по скратена постапка; како и Предлог законот за изменување на Законот за електронско управување и електронски услуги, по скратена постапка. Во рамките на оваа седница се и Предлог на закон за правата на заедниците кои се помалку од 20 отсто од населението во Република Северна Македонија, во прво читање, како и Предлог на закон за изменување на Законот за пензиското и инвалидското осигурување, исто така во прво читање.

Викендов ако патувате ова мора да го знаете за патниот правец Кичево-Охрид

Дарко Андоновски — Sat, 02 Nov 2019 18:00:04 +0000

Сообраќајот на државните патишта се одвива по претежно суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. Од АМСМ потсетуваат дека од денеска на магистралниот пат А2 Кичево – Охрид, на потег од Пресека до село Песочан, поради асфалтирање, на места сообраќајот ќе се одвива со девиjации, односно преминување од една во друга коловозна лента. Ќе биде поставена соодветна соообраќајна сигнализација. Работите ќе се изведуваат во наредните десет дена. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Ѓорчев: Владата на Заев до сега потроши повеќе од 5 милијарди евра и не направи ништо

Дарко Андоновски — Fri, 21 Dec 2018 08:20:03 +0000

Пратеникот на ВМРО-ДПМНЕ, Владимир Ѓорчев, во вечерашното издание на дебатната емисија „Клик Плус“ на тв21, рече дека владата на Зоран Заев потрошила повеќе од 5 милијарди евра и при тоа не направила ништо. -Нема влада на Македонија во историјата која што повеќе пари исцедила од граѓаните и народот и која што повеќе исцедила од претпријатијата, од стопанството, од економијата. Што е направено луѓе, што е направено!? Пет и нешто милијарди евра се потрошени, на што се отидени тие пари?, истакна Ѓорчев. Ѓорчев меѓу другото зборуваше и за автопатот Кичево- Охрид, при што вели дека СДСМ ја обвинуваа Владата Предводена од ВМРО-ДПМНЕ дека автопатот бил прескап, за сега СДСМ да потроши плус уште 200 милиони евра за истиот тој автопат и тоа без тендер. -За автопатот од Кичево до Охрид, пет години СДСМ збореа дека е прескап, дека тоа е премногу, тоа е корупција, не смее да биде толку скап. А сега пред месец дена, оваа Влада вели дека истиот тој автопат нема да ги гради по старата цена од претходната Влада, туку ќе го гради за плус 200 милиони евра. За 200 милиони евра ја зголемуваат цената на автопатот и тие 200 милиони евра ќе ги трошат без тендер. 200 милиони евра на народот и на граѓаните му се трошат, тоа се 100 евра по човек во Македонија. Тоа значи дека секое семејство четиричлено, кое што не гледа во Македонија, неговото семејство таа екскурзија на Владата на Зоран Заев ќе го чини 25 илјади денари со камати, рече Владимир Ѓорчев Тој зборуваше и за иселувањето од Македонија на претежно помладото и високообразовано население кое е рак рана на Македонија, кое што во последните две години бележи фрапантен застрашувачки пораст. Инаку на вечерашната дебата беа поканети и претставници од Власта, но до почетокот на емисијата не се одѕва на покана на што Ѓорчев додаде дека оваа Влада нема што да каже, затоа СДСМ бега од дебата.