автопат миладиновци-штип – Kurir.mk

НОВ ТРОШОК ЗА ГРАЃАНИТЕ – на автопатот Миладиновци – Штип се градат две патарини, подгответе си во џебот 320 денари за во двата правци!

Дарко Андоновски — Mon, 23 Aug 2021 10:33:09 +0000

Две нови патарини се градат со полна пареа на автопатот Миладиновци – Штип, а тоа значи и дополнителен трошок за граѓаните кои ќе патуваат до Штип и обратно. Едната патарина се гради кај Преод, а другата кај Кадрифаково, а двете треба да бидат готови до октомври годинава. Патарината кај Преод ќе ги чини граѓаните 70 денари во правец, додека другата кај Кадрифаково 50 денари во правец, или заедно со патарината кај Миладиновци која чини 40 денари граѓаните ќе плаќаат 320 денари во двата правци. Инаку автопатот Миладиновци Штип е долг 70 километри и беше изграден повеќе од половина во времето на владеењето на ВМРО-ДПМНЕ.

Ветувањата паднаа во вода: Рокот за пуштање на автопатот Миладиновци- Штип беше до денеска, возачите нервозни

Катерина Бојаџиева — Fri, 31 May 2019 11:07:29 +0000

Ветувањата паднаа во вода. Иако се најавуваше дека до крај на месец мај, односно најдоцна до денес, ќе биде пуштен за сообраќај автопатот Миладиновци- Штип, сепак тоа не се случи. Министерот за транспорт и врски Горан Сугарески во вторникот убедуваше дека автопатот Миладиновци-Штип ќе биде отворен во текот на неделава. -Не би сакал да шпекулирам кој ден ќе биде пуштен во сообраќај, но до четврток, петок, ќе биде пуштен, рече Сугарески одговарајќи на новинарско прашање. Но, ништо од ветувањето и убедувањето- на автопатот сè уште се работи, а возачите се нестрпливи и нервозни, дел од нив веќе и возат по него. На социјалните мрежи, пак, бројни се коментарите, кои преминуваат во иронија- дали се чека слободна музика, прашуваат возачите со потсмев. Според изјавите на надлежните градежните работи биле завршени уште во декември лани, на три места ќе има сообраќаен режим бидејќи ќе се градат пристапните патишта до околните места кои не биле во проектот. Исто така, преку тендер во тек е избор на изведувач и за други позиции на трасата кои се неопходни, а не биле предвидени со проектот, како што се на пример погрешно изведените сливници. Во моментов се поставува заштитната ограда покрај патот, а летово ќе се градат двете предвидени патарини. Овој автопат долг 48 километри, по кој од главниот град до Штип ќе се стигнува за околу 45 минути почна да се гради во 2014 година со најава дека ќе биде готов до мај 2017 година. Но, тогаш беа завршени градежните работи на половина од патот, па пуштањето е најавувано и откажувано уште неколку пати.

Сугарески: Автопатот Миладиновци-Штип ќе биде пуштен неделава

Ивана Ефремовски — Tue, 28 May 2019 09:56:34 +0000

Автопатот Миладиновци-Штип ќе биде пуштен во сообраќај во текот на неделава, најави денеска министерот за транспорт и врски Горан Сугарески. -Не би сакал да шпекулирам кој ден ќе биде пуштен во сообраќај, но до четврток, петок, ќе биде пуштен, рече Сугарески одговарајќи на новинарско прашање. (МИА)