автопат скопје тетово – Kurir.mk

Полициска акција на автопатот Скопје-Тетово: Одземени возила од „диви тркачи“

Магдалена Андонова — Thu, 29 Jul 2021 13:21:20 +0000

Синоќа (29-јули) во периодот од 00.30 до 01.30 часот, полициските службеници од СВР Тетово- Полициска станица за безбедност на патниот сообраќај, по претходно добиени информации дека на автопатот Скопје-Тетово, односно од бензинска пумпа на автопатот до влез на Тетово кај клучка север, ќе бидат организирани диви трки со возила, по што веднаш било постапено и биле затекнати 14 патнички возила со тетовски и странски регистарски таблици, кои биле привремено задржани во ПС за БПС Тетово. Во текот на денешниот ден возилата биле упатени на вонреден технички преглед, при што кај шест од нив биле констатирани технички неисправности, од кои 2 биле за поголема бучавост од дозволеното и биле конфискувани во траење од 3 месеци. Сите неисправни возила веднаш биле исклучени од сообраќај, а против нивните возачи се поднесени соодветни поднесоци и тие ќе се соочат со казна од 400 евра во денарска противвредност. Секторот за внатрешни работи Тетово апелира до граѓаните, односно по младата генерација, дека организирање на диви трки со возила е ризично и опасно за нив и другите учесници во сообраќајот и дека секое постапување спротивно од законот ќе биде соодветно санкционирано.

Жители од Блаце ги отфрлаат тврдењата на Груби за автопатот Скопје-Блаце

Магдалена Андонова — Sat, 16 Jan 2021 18:57:01 +0000

За оваа земја е платен данок на општината во износ од 50 евра за метар квадратен од 1994 година. Но, сега при експропријацијата за изградба на автопатот Скопје-Блаце, Бирото за правни вештачење го обештети за 5 евра по м2. Жителите кои поседуваат имоти покрај патот ги обжалиле одлуките, а некои од нив добиле и исход . Еден од сопствениците рече дека Управниот суд ја укинал одлуката на Бирото, при што отворил пат на судскиот процес за имотни спорови, пренесува Алсат.мк „Ние не го прифативме и веќе го доставивме предметот со адвокат на суд. Како оценува судот зависи од државата, иако знаеме дека ќе биде тешко затоа што државата беше таа што ја направи оценката.Имотот е наш, нема да се предадеме до крај!Или ќе ги изгубиме се или ќе одиме до највисоките инстанци, но не само во судовите во Македонија“, изјави Буњамин Џавити, жител. Целата сторија може да ја погледнете ТУКА

Крави шетаат на автопатот Скопје-Тетово: „Македонија пат“, како сте?

Предраг Кукиќ — Fri, 10 May 2019 11:55:36 +0000

Стадо на крави шетаат на автопатот Скопје-Тетово, предупредуваат возачите апелирајќи да се внимава. Поздрав „Македонија пат“, како сте? Добри?, прашуваат иронично патниците. Доколку се упатувате кон овој правец, возете внимателно.

Извршен увидот по стравичната несреќа: Aвтопатот Тетово- Скопје пуштен за сообраќај, затворен стариот пат Скопје- Тетово

Катерина Бојаџиева — Thu, 14 Feb 2019 12:56:24 +0000

Aвтопатот Тетово- Скопје е пуштен за сообраќај, но се уште е затворен за сообраќај стариот пат Скопје- Тетово, информира Авто-мото сојузот на Македонија. На автопатот Скопје- Тетово од изутрината се вршеше увид на местото на синоќешната сообраќајна несреќа во која животот го загубија 14 лица. Автобусот на „Дурмо турс“ кој излета од патот сообраќал на релација Скопје- Гостивар.