автопат скопје велес – Kurir.mk

Филмска сцена на автопатот Скопје-Велес, напаѓачи од „Голф“ пукале кон друго возило

Дарко Андоновски — Tue, 08 Feb 2022 16:35:10 +0000

Сцена како од филм се случувала вчера попладне на автопатот Скопје-Велес: непознати напаѓачи, кои се возеле во „Голф“, пукале кон друго возило, соопшти МВР. Никој не е повреден во инцидентот. „На 07.02.2022 во 17.10 часот во СВР Скопје, С.К. пријавил дека на автопатот Скопје-Велес лица кои биле со патничко возило „фолксваген голф” пукале кон возило во кое се превезувал тој. Повредени лица нема и нема оштетување на возилото“, се вели во полицискиот билтен. Од МВР додаваат дека се преземаат мерки за расчистување на случајот.

ХАОС на автопатот Скопје- Штип: Автомобили возат во обратен правец (ФОТО)

Катерина Бојаџиева — Mon, 10 Jan 2022 16:25:21 +0000

Снегот напарави тотален хаос на автопатот Скопје- Штип. Поради неисчистениот снег има целосен застој на овој автопат. Дел од возачите во немоќ да стигнат таму кај што тргнале, почнале да ги возат автомобилите во обратен правец.

На овој автопат казнети се 65 возачи за брзо возење

Магдалена Андонова — Wed, 10 Feb 2021 12:47:33 +0000

Сообраќајната полиција вчера на автопатот Скопје-Велес санкционирала 65 возачи за брзо возење, од нив 14 возеле со 50 километри на час повеќе од дозволената брзина. Од МВР соопштија дека засилените акциски контроли продолжуваат и во наредните денови. Апелираат до сите учесници во сообраќајот да ги почитуваат сообраќајните правила и прописи.

Притвор за три лица, истрага за речиси 100 килограми марихуана пронајдени во автомобил на автопатот Скопје – Велес

Магдалена Андонова — Wed, 16 Dec 2020 16:10:56 +0000

Основното јавно обвинителство Велес донесе наредба за спроведување истражна постапка против три лица од Блаце осомничени за кривично дело „неовластено производство и пуштање во промет наркотични дроги, психотропни супстанции и прекурсори“ од член 215 став 1 од Кривичниот законик. Јавно обвинителство на Република Македонија денеска соопшти дека осомничените, на 15 декември, на автопатот Скопје-Велес, неовластено заради продажба пренесувале марихуана во количина од 99,95 килограми. – Дрогата била сместена во девет црни најлонски вреќи во багажникот и на задните седишта од патнички автомобил бмв.Овластени полициски службеници ги сопреле на наплатна станица при што ја пронашле и ја одзеле марихуаната, се појаснува во соопштението. Поради опасност од бегство, можност за влијание врз соизвршители заради попречување на истражната постапка и опасност да го повторат кривичното дело, надлежниот јавен обвинител до судијата на претходна постапка поднесе предлог за определување на мерката притвор против тројцата осомничени. Судијата го прифати предлогот и на осомничените, стои во соопштението, им определи притвор во траење од 30 дена. (МИА)

Внимателно: Камион превртен пред патарината Сопот на автопатот Скопје – Велес (ФОТО)

Дарко Андоновски — Sun, 26 Jul 2020 13:26:11 +0000

Попладнево некаде после 14 часот пред патарината Сопот, камион излетал од патот и се превртел, објавува Велес денес. Сообраќајот се одвива во една лента, а сите оние кои го минат овој правец да бидат претпазливи и да возат внимателно на само еден километар пред патарината Сопот. Екипа на МВР во моментов врши увид на настанот а подетални информации се очекуваат во текот на денот.

Затворена за сообраќај една коловозна лента на автопатот Скопје- Велес

Катерина Бојаџиева — Tue, 28 May 2019 08:27:37 +0000

Левата коловозна лента од автопатот А1, на делот Скопје – Велес, меѓу наплатната рампа Сопот и Башино село денеска од 10 до 13 часот ќе биде затворена за сообраќај. Како што информира ЈП „Македонијапат“, прекинот е поради изведување градежни активности на оваа делница. На самото место е поставена содветна сигнализација за работа на пат. Од утре во наредните седум работни дена ќе се изведуват градежно-асфалтерски активности на Регионалниот патен правец Р2137, на делот меѓу млекара Дуброво, село Војшанци. За време на изведувањето на асфалтерските работи во целост ќе биде во прекин сообраќајот од 10 до16 часот. Како алтернатива ќе се користи патниот правец Демир Капија – Корешница.