автопат тетово скопје – Kurir.mk

Полицијата поднесе пријава против сопственикот на коњот кој се движеше во спротивна насока на автопат

Магдалена Андонова — Thu, 23 Sep 2021 10:41:31 +0000

Тетовската полиција ќе поднесе пријава за 53-годишник од градот чиј коњ без контрола се движеше во спротивна насока на автопатот Тетово-Скопје. Во вторникот околу 14 часот граѓани пријавиле во СВР Тетово дека забележале како животното само се движи на автопатската делница. На снимка која се појави на социјалните мрежи се гледа како полицијата со возило успева да го сопре коњот, а потоа и да го отстрани од автопатот. Од СВР Тетово потврдуваат дека нивните службеници го тргнале коњот од автопатот со цел безбедно одвивање на сообраќајот. -Во СВР Тетово беше пријавено дека по автопатот Тетово-Скопје, на потегот од клучката за Брвеница кон Требошки натпатник, во спротивна насока, без надзор и контрола, сам се движи коњ со запрега. Kоњот со запрега е фатен и однесен во Полициската станица за безбедност на патниот сообраќај Тетово. Набрзо е идентификуван и повикан сопственикот Н.К.(53) од Тетово, информира Марјан Јосифоски, портпарол на СВР Тетово. Се расчистува случајот, по што против Н.К. ќе следува соодветен поднесок.

Се судрија два автомобили на автопатот Тетово-Скопје, еве ги деталите од несреќата

Дарко Андоновски — Tue, 25 Aug 2020 17:01:16 +0000

Две лица се полесно повредени во сообраќајка што се случи попладнево околу 16 часот на автопатот Тетово-Скопје, информираат од тетовската полиција. – Сообраќајната незгода се случила на автопатот на неколку километри од наплатната рампа Желино, а во која учествувале две патнички возила „голф“ со скопски регистерски ознаки и „мерцедес“ со регистрации од Германија. При судирот се повредени две лица, сопатничка во „голфот“ и сопатник во „мерцедесот“. Повредените лица се однесени во Клиничката болница во Тетово и по укажанаа лекарска помош се пуштени на домашно лекување, информираше Марјан Јосифоски, портпарол на СВР Тетово. На местото на сообраќајната незгода е извршен увид од страна на полициски службеници.

Опожарено возило во движење на автопатот Тетово-Скопје, ова се деталите

Дарко Андоновски — Sat, 27 Jun 2020 10:59:24 +0000

Нема повредени лица во пожарот што избувнал во автомобил претпладе околу 10 часот и 30 минути на автопатот Тетово-Скопје. Поради пожарот изгоре патничко моторно возило марка мерцедес со гостиварски регистарски ознаки. – Станува збор за возило кое се запалило во движење на автопатот во правец кон Скопје. Возачот и сопатниците успеале да излезат навремено и да се спасат од повреди. Интервениравме со три возила, информираше Ука Алити, командант на тетовската против пожарна единица. И на почетокот на месецот на 8 јуни имаше пожар во возило исто така мерцедес, што се случи на стариот пат Тетово-Скопје.

Во прекеин сообраќајот на патот Тетово – Скопје поради одбележувањето на Карпалак

Дарко Андоновски — Thu, 08 Aug 2019 07:45:54 +0000

Сообраќајот на регионалниот пат Тетово – Скопје од 08:45 часот е во прекин поради активностите на Карпалак. Од АМСМ информираат дека сообраќајот се пренасочува по стариот пат кај клучката Групчин.

Поради сообраќајка сообраќајот на автопатот Тетово-Скопје во прекин

Дарко Андоновски — Mon, 06 May 2019 14:14:37 +0000

Поради сообраќајна незгода што се случи попладнево на автопатот Тетово-Скопје, кај бензинската пумпа „Окта“, сообраќајот од 15:15 часот се пренасочува по стариот пат, соопшти Автомото сојузот на Македонија.

Во близина на Ласкарци повторно несреќа: Се преврти камион на автопатот Тетово-Скопје (ФОТО)

Дарко Андоновски — Mon, 06 May 2019 13:20:49 +0000

Камион се преврти на автопатот Тетово-Скопје, објави 1тв според информациите на очевидец. Не е позната причината за несреќата, се очекуваат дополнителни детали од МВР по истрагата.