авторски права – Kurir.mk

БРАУНИ со ЧОКОЛАДО и ТИКВИЧКИ! Весели, посни залчиња!

Ристе Здравков — Tue, 14 Mar 2023 09:00:07 +0000

Овој вкусен и сочен чоколаден десерт со тиквички е одличен начин да ги искористите вишокот тиквички што можеби ги имате. Состојките како какао во прав, екстрактот од ванила и ренданото чоколадо му даваат богат вкус, додека чоколадната глазура одлично оди со слатките тиквички… Состојки: две шолји брашно шолја и пол шеќер половина шолја масло четвртина шолја какао во прав две шолји рендани, исцедени тиквички две лажички екстракт од ванила лажичка и пол прашок за пециво прстофат сол шолја рендано чоколадо За глазурата: две лажици шеќер во прав 120 гр чоколадо лажица масло Подготовка: Брашното, маслото и шеќерот измешајте ги со миксер. Додадете ги какаото, ванилата, тиквичките, прашокот за пециво и солта. Соединете, измешајте ја ренданата чоколада, па добиената смеса истурете ја во тава обложена со хартија за печење. Печете во рерна на 180 степени 30 минути. Во меѓувреме растопете го чоколадото на пареа со масло и шеќер, прелијте го печениот колач, изладете, исечете на коцки и послужете. Уживајте!

Дуа Липа обвинета за плагијаторство

Ивона Петрова — Fri, 04 Mar 2022 07:43:36 +0000

Британската поп-пејачка Дуа Липа се соочува со тужба за повреда на авторски права, поднесена од бендот „Артикал саунд систем“. Раперите, имено, тврдат дека таа ја искористила нивната песна „Live Your Life“ за нејзиниот хит „Levitating“. Според западните медиуми, од рап-бендот сметаат дека поп-ѕвездата и нејзиниот тим ја имале предвид нивната песна кога ја создале „копијата“. Иако во тужбата музичарите не објаснуваат зошто мислат така, и стручни лица признаа дека има сличности во двете песни, особено рефрените. „Артикал саунд систем“ како обвинети ги именуваше и „Ворнер рекордс“, барајќи да ја добијат цела заработка од песната, како и обештетување. Од тимот на Дуа Липа сѐ уште нема коментари. Таа, инаку, го објави својот последен албум „Future Nostalgia“ во 2020 година, а во една прилика рече дека не очекувала „Levitating“ да стане толку голем хит.

Дејвид Гета ги продаде авторските права

Ивона Петрова — Fri, 18 Jun 2021 11:19:57 +0000

Еден од најуспешните музички продуцнти на апсолутна DJ ѕвезда, Дејвид Гета ги продад авторските права за досегашниот опис на компанијата Варнер мјузик за 100 милиони долари. На овој начин својата работа ја наплатија и Боб Дилан, Шакира, Пол Сајмон. Оваа работа претставува една од најголемите аквизиции на издавачките куќи. Тоа за компанијата е важно бидејќи во иднина од неговите песни ќе го добиваат цениот приход. Дејвид Гета е единствениот DJ кој продал 50 милиони албуми и синглови со 11 милијарди ЈуТјуб прегледи, две Греми награди и низа други престижни признанија.

НАЈПОЗНАТАТА АМЕРИКАНСКА РАПЕРКА НИКИ МИНАЖ ДОЖИВЕА ПОРАЗ – изгуби судски случај со пејачката Трејси Чепмен

Магдалена Андонова — Mon, 11 Jan 2021 15:44:22 +0000

Aмериканската раперка Ники Минаж изгуби судски случај по тужба околу авторски права на пејачката Трејси Чепмен. Имено, Минаж ѝ побарала дозвола да го вметне хитот „Baby, can I hold you” од 1988 година во нејзина песна, што оваа неколкупати го одбила. И покрај тоа што не добила дозвола, Ники Минаж сепак ја отпеала песната, односно направи своја верзија, во склоп на „Sorry“ во соработка со раперот Наз, којашто стана голем хит. Чепмен во изјава рече дека е среќна и задоволна што оваа ситуација е решена. – Како музичарка и независна уметничка, морам да го заштитам своето дело!, рече таа во соопштението за печатот. По тужбата, Минаж во неколку твитови, кои во меѓувреме се избришани, тврдеше дека „нема поим дека станува збор за песна на Трејси Чепмен“. Музичарката која е оштетена, сега победи на суд, а Минаж е принудена да плати над 450.000 долари. (МИА)