Азар – Kurir.mk

Азар е најдобриот фудбалер во историјата на белгиската репрезентација во изборот на навивачите

Тале Кристо — Thu, 14 Jan 2021 13:24:31 +0000

Играчот за врска на Реал Мадрид, Еден Азар, од навивачите е прогласен за најдобар фудбалер во историјата на белгиската репрезентација, соопшти прес-службата на тамошната фудбалска асоцијација. Гласањето се одвиваше меѓу навивачите во период од 16 декември до 10 јануари. Азар освои 10,6 проценти од гласовите. Второто место го зазеде дефанзивецот Винсент Компани (9,4), додека трет беше играчот за врска Кевин де Брујн (9,1%). Триесетгодишниот Азар досега има одиграно 106 натпревари за белгискиот националниот тим, на кои постигна 32 погодоци.

Рамос, Азар и Модриќ гласаа за Зидан, Бејл не, во изборот за тренер на годината

Тале Кристо — Fri, 18 Dec 2020 07:45:32 +0000

Познато е како гласаа фудбалерите на Реал Мадрид во изборот на ФИФА за најдобар тренер за 2020 година. Капитенот на Реал и на шпанската фудбалска репрезентација, Серхио Рамос и играчот за врска и предводник на Белгија, Еден Азар го ставија Зинедин Зидан на првото место, додека играчот за врска на Реал и капитен на Хрватска, Лука Модриќ, го смести Зидан на второто место, по Ханс-Дитер Флик од Баерн Минхен. Капитенот на Велс и член на „кралскиот клуб“ кој во моментов е позајмен во Тотенхем, Герет Бејл, не го наведе Зидан во најдобрите тројца. Велшанецот, кој не добиваше доволно минутажа од Французинот, своите гласови ги даде на Флик, Јирген Клоп (Ливерпул) и Хулен Лопетеги (Севиља). Зидан не се пласираше помеѓу најдобри тројца во номинацијата за тренер на годината.

Челзи ќе добие до 16 милиони евра за Азар по освојувањето на трофејот на Реал во Ла Лига

Магдалена Андонова — Fri, 17 Jul 2020 14:25:43 +0000

Челзи ќе добие бонус по победата на Реал Мадрид во шампионатот на Шпанија, објави „ЕСПН“. Според изворот, лондончани ќе добијат бонус од 11 до 16 милиони евра од Мадрид како дел од трансферот на напаѓачот Еден Азар. Белгиецот игра за Реал Мадрид од летото 2019 година. Оваа сезона, Азар има одиграно 21 натпревар на сите турнири во кои постигна гол и направи 4 асистенции. (МИА)

Проблемите на Азар не се завршени

Тале Кристо — Sat, 04 Jul 2020 13:18:54 +0000

Во втор последователен натпревар на Реал Мадрид, Еден Азар ќе биде чуван поради болки во глуждот. Тренерот Зинедин Зидан објави дека Белгиецот нема да патува со тимот за утрешниот натпревар против Атлетик Билбао, а не играше и против Хетафе пред неколку дена. – Тој сè уште не се чувствува добро и не сакаме да ризикуваме. Да се надеваме дека ќе биде во ред наскоро. Очекуваме сè да биде добро за 3-4 дена, рече менторот. Денес, Азар тренираше во „Валдебебас“ со Рафаел Варан, кој исто така има болка и ќе го пропушти судирот со Баскијците. Начо Фернандез е третиот со повреда. Доколку победат, Реал ќе ја зголеми предноста над Барселона за 7 поени за најмалку неколку часа.

Азар опериран во САД, Реал Мадрид без него до крај на сезоната

Тале Кристо — Thu, 05 Mar 2020 20:46:49 +0000

Еден од најдобрите фудбалери на денешницата, Еден Азар е опериран во Далас, а Реал Мадрид ќе мора без него до крај на сезоната во Примера. Хируршката интервенција кај белгискиот репрезентативец беше на десниот зглоб на ногата и првичните прогнози на лекарите се дека ќе отсуствува два и пол до три месеци од терените. Тоа значи крај на клупската сезона за Азар, а неизвесен е настапот и на Европското првенство. Белгиецот оваа сезона одигра 15 натпревари за „кралскиот клуб“ во сите натпреварувања, во кои постигна еден гол и направи пет асистенции.

Азар повторно се повреди, може да пропушти два месеца

Тале Кристо — Sun, 23 Feb 2020 14:05:32 +0000

Напаѓачот на Реал Мадрид, Еден Азар, се здоби со пукнатина во десната дистална фибула, пренесува официјалната веб-страница на клубот. Белгиецот се повреди во натпреварот од 25. коло против Леванте (0:1). Можеби ќе пропушти околу два месеца. Азар неодамна се опорави од повредата во ноември заработена во натпревар од Лигата на шампионите со ПСЖ (2:2). Оваа сезона, белгискиот репрезентативец настапи на 10 натпревари во шампионатот на Шпанија и постигна еден гол.

Оби Микел: Азар најмрзелив фудбалер со кој што сум играл

Тале Кристо — Mon, 18 Nov 2019 15:51:14 +0000

Некогашниот соиграч на Еден Азар во Челзи, Џон Оби Микел, изјави дека Белгиецот е многу мрзелив и не сака да тренира, но способен е да направи неверојатни нешта на терен. „Азар е исклучителен талент и најмрзеливиот со кој што сум настапувал. Можеби не е добар како Меси, но со топката да направи што сака. Еден не сакаше да тренира. Додека ние правевме вежби, тој стоеше на страна и чекаше да завршиме. Но, за викендите беше играч на натпреварот“, вели Нигериецот. Според Оби Микел, фудбалер на Челзи во тоа време кој најмногу тренирал бил Френк Лампард, сегашниот тренер на „сините“. Оби Микел во моментов е член на Трабзонспор

Директорката на Челзи: Азар ќе го исполни својот детски сон – да игра за Реал

Дарко Андоновски — Sat, 08 Jun 2019 08:31:42 +0000

Директорката на Челзи, Марина Грановскаја, се збогува со белгискиот фудбалер Еден Азар, кој официјално се пресели во Реал Мадрид. „Со тага се разделуваме со Азар откако направивме се што можеме за да го задржиме. Моравме да ја почитуваме неговата одлука. Тој се соочува со нов предизвик во друга земја и ќе го исполни својот детски сон – да игра за Реал, сподели рече Грановскаја. „Сеќавањата што ги остави Азар нема да исчезнат. Тој донесе многу победи и среќни моменти на сите што го сакаа Челзи. Ние сме му благодарни. Еден беше пример за време на целиот свој престој во клубот. Тој е неверојатен човек со кого е задоволство да се работи. Со нетрпение очекуваме повторно да го видиме Азар на „Стемфорд Бриџ“, додаде директорката.

Сари: Азар е најдобар во Европа, може да постигне 40 гола

Ристе Здравков — Sun, 16 Sep 2018 08:16:56 +0000

Менаџерот на Челзи, Маурицио Сари беше восхитен од претставувањето на Еден Азар на натпреварот со Кардиф (4:1). Белгиецот вчера беше херојот на „Стемфорд бриџ“, постигнувајќи „хет-трик“ за успехот на „сините“. По дуелотот, Сари изјави дека Азар е најдобар фудбалер во Европа и лесно може да постигне 40 гола до крајот на сезоната. - До неодамна мислев дека Азар е еден од најдобрите играчи во Европа, но сега го менувам своето мислење и велам дека е најдобар. Сметам дека тој може да стане уште подобар, ако се научи да заштеди сили во последните 50-60 метри пред противничкиот гол. Кога ние ја држиме топката, тој ја допира пет-шест пати во нашата половина. Така троши многу енергија, која е подобро да ја користи во последните 25 метри пред голот на противникот. Тогаш може слободно да постигне 30-35 гола. Зборував со него пред неколку дена и му кажав дека може да постигне 40 гола, ако се научи да штеди енергија, изјави Сари по мечот. Челзи ја започна одлично сезоната под водство на новиот тренер, откако има пет победи од пет меча.

Сари: Не знам дали Азар е подготвен за сите 90 минути

Ристе Здравков — Sat, 25 Aug 2018 07:13:57 +0000

Тренерот на Челзи, Маурицио Сари, истакна дека белгискиот фудбалер Еден Азар останува во клубот, но дека поради исцрпеноста од неодамна завршеното Светско првенство во Русија не знае колку ќе игра на следниот натпревар против Њукасл. - Не знам дали Азар е подготвен за сите 90 минути, но тој би можел да почне. Среќен сум кога станува збор за него, бидејќи сака да остане и сака да игра. Јас сум тренер на еден многу добар тим и работам во голем клуб. За мене е важно да не продаваме играчи, ако не можеме да ги замениме со други на исто ниво. Но, Азар останува со нас оваа сезона, истакна Сари. Во следното коло од Премиер лигата во недела Челзи ќе се соочи со Њукасл.