Азем Садику – Kurir.mk

Садику: Владата нема повеќе легитимитет, тоа што се случи вчера е срамно, потребни се предвремени избори

Тале Кристо — Fri, 12 Nov 2021 18:34:33 +0000

Владата повеќе нема легитимитет и тоа ќе го видиме и во наредните денови. Тоа вчера што се случи е срамно за државата. Граѓаните сфатија дека оваа влада треба да си замине што побрзо, изјави градоначалникот на Студеничани, Азем Садику во „Што не е јасно“ на Алфа телевизија. Садику вели дека пратеникот Кастриот Реџепи воопшто не изгледал како да се решил своеволно да отсуствува од седницата. - Тој доброволно се потпишал во иницијативата и како што изјавија од неговата партија стоел на ставот. Ова е лошо сценарио и лоша слика за државата. Во видеото не изгледаше добро, изгледаше како да е под присила, истакна Садику. Тој нагласи дека потребни се предвремени и брзи парламентарни избори кои се единствено решение за излез од оваа криза во која се наоѓа државата. - Време е ДУИ да замине во опозиција, затоа што ако остане на власт ќе продолжат насилствата. Единствено решение на сите граѓани ни е да се организираме и да им кажеме дека е доста. Ова што се случува не е нормално. Сега е потребна техничка влада која ќе има единствена задача, а тоа е да организира избори за излез од оваа ситуација, потенцираше Садику.

ДПА остана без градоначалникот на Студеничани: Азем Садику премина во Алијанса за Албанците

Ивона Петрова — Fri, 05 Nov 2021 12:23:04 +0000

Градоначалникот на Студеничани од редовите на ДПА Азем Садику, премина во партијата Алијанса за Албанците. – Градоначалникот на Студеничани г-дин Азем Садику сега дел од големото семејство на Алијанса за Албанците. Нему му се приклучија и локални структури кои одбија да се пазарат со актуелната власт. Правото и чистото триумфираа!, објавија Алијанса за Албанците на Фејсбук. Садику истакнува дека ваквата одлука ја донел бидејќи бил предаден од неговиот актуелен лидер Мендух Тачи. -Прво ви кажувам дека останав во ДПА до крај, бев кандидат на ДПА и на изборите победив како кандидат на ДПА. За жал по првиот круг кога победив убедливо против кандидатот на ДУИ, лидерот на ДПА ме продаде многу евтино и се подготвија заедно со ДУИ да ја сменат волјата на Студеничани. Но, наидоа на клинец, иако државниот апарат беше силно ангажиран, со власта, со полицијата, но и покрај нив малку ги зголемија своите гласови со поддршка на Алијанса и со поддршка на граѓаните на Студеничани. Повторно победив на изборите, рече Садики.

Градоначалникот на Студеничани преминува во Алијанса за Албанците?!

Ивана Ефремовски — Tue, 02 Nov 2021 17:33:14 +0000

Неофицијално, Азем Садику, градоначалник на Студеничани, се очекува да влезе во Алијансата за Албанците. Садику во телефонски разговор за ТВ21 ниту ја демантираше, ниту ја потврди информацијата, но рече дека без да разговара со неговата структура во Студеничани, не можe да зборува за такво нешто. Садику само рече дека Алијанса за Албанците многу му помогнала на локалните избори. Извори од АА за ТВ21 велат дека се во преговори и дека во рок од 2-3 дена ова прашање ќе биде затворено.