Азов – Kurir.mk

ВИДЕО: Еден од петте команданти на Азов одржа говор по враќањето во Украина

Ристе Здравков — Sun, 09 Jul 2023 07:03:48 +0000

Украинскиот претседател Зеленски се врати од Турција со петмина украински воени команданти кои беа заробени од Русија пред нешто повеќе од една година. Ова се петте команданти на баталјонот Азов, кои за време на опсадата на градот ја бранеа железарницата Азовстал во Мариупол.

This video shows Denys Prokopenko, commander of the Azov Regiment, delivering a speech in Ukrainian upon the Azov Regiment's return to Lviv from Turkey, where they had been kept after a prisoner exchange between Ukraine and Russia. pic.twitter.com/0cOGnfgvR7
— The Kyiv Independent (@KyivIndependent) July 8, 2023

„Сакам да му се заблагодарам на господинот претседател, неговиот тим, одбранбените сили и секој војник кој ја бранеше нашата татковина и продолжи да се бори против окупаторите на првите линии додека бевме заробени. Ова е огромен придонес за нашата независност и борбата за нашата земја“, рече Денис Прокопенко, еден од петте команданти на Азов, поранешни затвореници кои синоќа се вратија во Украина со свечен пречек.

Паламар: Командата на „Азов“ се уште е во Азовстал, во тек е соодветна операција

Тале Кристо — Thu, 19 May 2022 20:49:03 +0000

Заменик командантот на „Азов“, Свјатослав Паламар, денеска објави нова порака на Телеграм во која кажува дека командата на единицата се уште се наоѓа во подземните тунели на огромната фабрика во Мариупол, која во последните два месеца прерасна во своевиден симбол на украинскиот отпор. “Слава на Украина! Денеска е 85-ти ден од војната. Командата и јас сме во просториите на фабриката Азовстал. Во тек е операција, нема да давам детали. Му благодарам на целиот свет и на Украина за поддршката. Се гледаме“, изјави Паламар. Од неговата изјава, меѓутоа, остана нејасно за каква операција станува збор во челичарницата во Азовстал од која во последните два дена се предадоа над 1.700 украински војници

Прес на припадници на Азов од „Азовстал“: Нашето предавање би било подарок за непријателот

Тале Кристо — Sun, 08 May 2022 13:34:14 +0000

Припадниците на полкот Азов, кои се наоѓаат во челичарницата „Азовстал“ во украинскиот град Мариупол, денеска одржаа онлајн прес-конференција. На јавноста преку Јутјуб и се обратија заменик-командантот на Азов, Свјатослав Паламар и поручникот Илија Самоленко. Паламар изјави дека руските сили продолжиле да ја напаѓаат фабриката за челик и се обидуваат да ја освојат. Тој додаде дека не може да потврди дали сите цивили се евакуирани од „Азовстал“. – Предавањето не е опција бидејќи Русија не е заинтересирана за нашите животи. Веројатноста да преживееме ако се предадеме е нула. Предавањето е неприфатливо за нас. Не можеме да му дадеме таков подарок на непријателот. Да се биде заробен, за мене значи мртов, истакна поручникот Илија Самоленко. – Ние се бориме против агресорите, непријателот кој носи терор во Украина, против нивното варварство, додаде Самоленко. Заменик командантот на Азов, Свјатослав Паламар нагласи дека украинските војници во „Азовстал“ ќе се борат додека се живи. – Ќе продолжиме да се бориме додека сме живи за да се спротивставиме на руските окупатори, истакна Паламар, повикувајќи на итна евакуација на ранетите соборци: „Немаме многу време, Русите интензивно гранатираат“.