САД планираат да распоредат бомбардери Б-52 во Австралија, тврди извор

Ивона Петрова — Mon, 31 Oct 2022 06:53:16 +0000

Во услови на зголемени тензии со Кина, САД планираат да распоредат до шест бомбардери Б-52 што можат да носат нуклеарно оружје во воздухопловна база во северна Австралија. Специјализирани објекти за бомбардерите ќе бидат изградени во оддалечената воздухопловна база Тиндал на околу 300 километри јужно од Дарвин, главниот град на австралиската Северна територија, изјави извор. За претстојното распоредување на бомбардерите првпат јави австралиската телевизија Еј-Би-Си, која се повика на американски документи. Според Еј-Би-Си, американското воено воздухопловство соопшти дека способноста на САД да распореди бомбардери со голем радиус на движење испраќа силна порака до потенцијалните противници за способноста на Вашингтон. Минатата година, САД, Велика Британија и Австралија склучија безбедносен договор со кој на Австралија ќе и се обезбеди технологија за набавка на подморници на нуклеарен погон. Лани, САД распоредија бомбардери Б-52 во својата воздухопловна база Андерсон на островот Гуам во Тихиот Океан.

ВИДЕО: Еве како изгледаше прелетот на американските „ЅВЕРОВИ“ Б-52 над Скопје

Ристе Здравков — Mon, 22 Aug 2022 15:03:47 +0000

Два воени воздухоплови од типот Б-52 на Воздухопловните сили на САД денеска извршија прелет над Скопје, што е уште еден приказ на заедништвото и силното сојузништво во НАТО, како и посветеноста на сите земји членки на безбедноста и стабилноста на евроатланската област, информираат од Министерството за одбрана. Во однос на прелетот на двата американски бомбардери потполковникот Јован Азмановски од Генералштабот на Армијата истакна дека нашето небо е безбедно и нашето членство е повеќе од видливо. „Денеска, граѓаните на Скопје и Северна Македонија можеа да видат прелет на два стратешки бомбардери Б52 од американското воено воздухопловство, кои што го покажуваат нашето членство во НАТО Алијансата, безбедноста и сигурноста над нашето небо и небото над сојузниците”, рече потполковникот Азмановски. Бомбардерите Б-52 во Северна Македонија влегоа од Бугарија кај Крива Паланка, извршија низок прелет над главниот град, по што македонскиот воздушен простор го напуштија кај Дебар. Воздухопловните сили на САД во текот на денот ќе извршат прелети и над воздушниот простор на Албанија, Црна Гора и Хрватска.

б 52 – Kurir.mk

САД планираат да распоредат бомбардери Б-52 во Австралија, тврди извор

ВИДЕО: Еве како изгледаше прелетот на американските „ЅВЕРОВИ“ Б-52 над Скопје