Заврши самитот на „Б9“ во Варшава со декларација за засилување на колективната одбрана и помошта за Украина

Тале Кристо — Wed, 22 Feb 2023 18:25:51 +0000

Самитот на „Букурешкиот формат- Б9“ во Варшава заврши вечерва со декларација која го осудува рускиот напад и војната во Украина, со ветување дека ќе и помогне на Украина онолку долго колку што и е потребно, со обврска за дополнително зајакнување на способноста на НАТО да ги одврати и колективно да ги брани источното крило, но и да се спречи дестабилизација на партнерските земји, како Босна и Херцеговина. -Усвоена е декларација со која на соодветен јазик се потврдува посветеноста и политиката на одвраќање и одбрана. Сите се согласија дека во случај на каква било закана ќе си помогнат. Декларацијата, исто така, ја осуди руската крвава инвазија врз Украина, изјави Марцин Пшидач, советник за надворешна политика на полскиот претседател, за декларацијата потпишана од претседателите или премиерите на деветте земји членки на „букурешкиот формат“. Пшидач нагласи дека сите тие ја потпишале острата осуда на Русија и се залагале за европската иднина на Украина. -Лидерите на земјите од источното крило на НАТО се залагаат за политика на отворени врати на НАТО и дека местото на Украина е во Европа, рече Пшидач.

„Во согласност со Повелбата на ОН и меѓународното право, Украина го користи своето право да се брани од руската агресија со цел да ја врати целосната контрола врз својата територија во меѓународно признатите граници. Ќе продолжиме да и помагаме на Украина се додека е потребно“, се наведува во декларацијата од самитот. Лидерите на земјите од источното крило на НАТО предупредија дека главната и непосредна закана за безбедноста на сојузниците е Русија, па се согласија дополнително да ги зајакнат одвратувачките и одбранбените капацитети на целото источно крило од Балтикот до Црното Море. Подготвени сме и за блиска соработка и помош на нашите партнери: Молдавија, Грузија и Босна и Херцеговина, кои се најмногу изложени на дестабилизација и штетното влијание на Кремљ“, се наведува во декларацијата. „Б9“ е регионална иницијатива на Романија и Полска чии претседатели се согласија во Варшава во 2014 година како одговор на руската анексија на Крим да ги координираат позициите за зајакнување на безбедноста на источното крило на НАТО. Иницијативата беше официјализирана есента 2015 година, кога двете земји потпишаа заедничка декларација во Букурешт за здружување на силите за да се обезбеди посилно присуство на НАТО во регионот.

„Б9“: Не можеме да дозволиме Русија да откинува парче по парче од европската безбедност

Катерина Бојаџиева — Wed, 22 Feb 2023 16:29:04 +0000

Самитот на „Букурешткиот формат –Б9“ во Варшава денеска почна со апел за дополнително зајакнување на источното крило на НАТО и за помош на Украина со сè што и е потребно, за Русија да не може да откинува дел по дел од европската безбедност, како што беше до сега. -Се приближуваме до годишнината од агресијата на Русија и се повеќе сме обединети и обединети. Како источно крило на НАТО, имаме обврска за меѓусебна и колективна одбрана. Ние, САД, се стремиме да испорачаме клучна инфраструктура, се стремиме како колку што можеме да и помогнеме на Украина да се бори за својата слобода. Сакам да му потврдам на светот за неприкосновената обврска од членот 5 од Договорот за НАТО“, рече на отворањето специјалниот гостин на самитот, американскиот претседател Џо Бајден. И генералниот секретар на Алијансата, Јенс Столтенбрег, како втор специјален гостин на претседателите или премиерите на деветте земји од источното крило на НАТО, на почетокот на самитот се заложи Украина да ја добие сета помош и оружје што ќе и овозможи да преживее. -Не можеме да дозволиме Русија да откинува дел по дел од европската безбедност, мораме да го прекинеме тој круг. Гледаме дека Путин не се стреми кон мир, туку кон натамошна војна. Не знаеме кога ќе заврши војната, но штом завршува, мораме да се погрижиме историјата повторно да не го заврти тоа тркало, рече Столтенберг. Домаќините на самитот, полскиот претседател Анджеј Дуда и романскиот претседател Клаус Јоханис најавија дека главна цел на денешниот самит е заедно со Бајден да разговараат како источното крило, кое е најизложено на заканите од Русија, уште поконкретно да може да се зајакне. -Војната не донесе ништо друго освен страдање. Таа, исто така, донесе непроценливи загуби. Лидерите на источното крило имаат обврска да застанат во одбрана на мирот и да и помагаат на Украина се додека ѝ треба. Сакам оваа војна да биде последен таков акт на Русија. НАТО е силен. „Букурештката деветка“ е посилна од кога било, рече романскиот претседател. Американскиот претседател Бајден посочи дека НАТО е само пообединет и посилен пред годишнината од рускиот напад врз Украина. -Се сеќавам на последниот разговор со руски пријател. Реков дека се обидувате да спроведете натамошна финсканизирање на НАТО и ќе дочекате НАТОизација на Финска. И тоа се случи, рече Бајден. Лидерите на Естонија, Летонија, Литванија, Полска, Чешка, Словачка, Унгарија, Романија и Бугарија по разговорите без присуство на медиуми ќе усвојат заедничка декларација.

Б9 – Kurir.mk

Заврши самитот на „Б9“ во Варшава со декларација за засилување на колективната одбрана и помошта за Украина

„Б9“: Не можеме да дозволиме Русија да откинува парче по парче од европската безбедност