бабуна – Kurir.mk

Водостоите на повеќето реки над просекот за август

Ивона Петрова — Thu, 13 Aug 2020 08:45:03 +0000

Зголемени се водостоите на речиси сите реки во земјава кај кои денеска се извршени хидролошки мерења. Според УХМР, Бабуна е 20 пати повисока од просекот за август, Треска 13 пати, а Вардар кај Велес и Јегуновце бележи тројно покачување. И останатите реки се над августовскиот просек, освен Сатеска кај Ботун, Лепенец кај Скопје и Крива кај Крива Паланка. Состојбата со езерата, Охридско, Преспанско и Дојранско, нема поголеми промени.

Реките преполовени, над јунскиот просек само Бабуна

Магдалена Андонова — Mon, 22 Jun 2020 09:27:26 +0000

Под просекот, со скоро двојно преполовени вредности, се Треска кај Македонски Брод, Крива Река кај Крива Паланка, Лепенец кај Скопје, Црна кај Новаци, Струмица кај Ново Село и Сатеска кај Ботун. Зголемување и тоа двојно бележи единствено Бабуна кај Богомила. Промени во водостоите на езерата нема, вредностите се речиси исти како минатата недела. (МИА)

Вардар и Бабуна кај Велес неисправни за капење, безбедно во езерото „Младост“

Дарко Андоновски — Thu, 19 Jul 2018 14:49:09 +0000

Реките Вардар и Бабуна во околината на Велес се неисправни за капење и наводнување, соопшти денеска стручен тим на ЈЗУ Центарот за јавно здравје Велес согласно анализите на водите од последниот месечен увид.

Според овие анализи, само водите на езерото „Младост“ во близина на Велес се епидемиолошки сигурни и можат да се користат за капење и рекреација. Како што појасни за МИА прим. д-р Снежана Петрова, квалитетот на водите на езерото „Младост“се испитува на пет мерни места кои претставуваат здравствен интерес. - Од резулатите на испитаните мостри вода земени во мај и јуни се заклучува дека квалитетот на водите на акумулацијата „Младост“ одговараат на бараните микробиолошки критериуми, а отстапувањето од бараната втора класа се однесува на параметри како: зголемена матност, сатурација, кои не се одразуваат штетно по здравјето на луѓето и можат да се користат за капење, рекреација и наводнување, потенцира д-р Петрова. Таа појаснува дека следењето на квалитетот на водите на река Бабуна се врши на едно мерно место викано Плажа 1, во долното течение на Бабуна кое е најпосетено од граѓаните и има голем број викендички. Како што потенцира Петрова, како и во изминатите лета и ова лето најкритична е состојбата со водите во реката Вардар кај Велес. - Следењето на квалитетот на водите на реката Вардар се врши на две мерни места и тоа на мерните места кај мостот на Башино село и кај Долни Дуќани-излез од Велес. Од резулатите на испитаните мостри вода земени во март се заклучува дека водите на река Вардар се во петта класа по присутна матност и по присуство на органски материи, четврта класа по бактериолошка контаминација, трета класа по присуство на амонијак и нитрити и поради тоа водата не треба да се користи за капење, рекреација и наводнување, потенцира д-р Петрова.вардар