бадеми – Kurir.mk

Природен аспирин: Овие јаткасти плодови ќе ве ослободат од главоболката

Ивана Ефремовски — Thu, 15 Sep 2022 18:47:52 +0000

Неиздржливиот притисок во главата можете да го решите со аспирин, но не заборавајте дека тој е синтетички производ кој може да му наштети на вашиот организам. Главната состојка во аспиринот е салицин, кој смирува болки, но кој исто така може да се најде и во jaткастите плодови. Дланка полна бадеми може да биде вашиот природен аспирин, која на некој начин дури има и поголем ефект од овој лек, а нема несакани дејства кои можат да му наштетат на вашиот организам. Главоболката обично се појавува во страничниот дел од главата, а тоа предизвикува намалена концентрација, раздразливост и умор. Најчестите причини за главоболките се обично стрес, напнатост, грип, воспаление на синусите како и проблеми со дигестивниот систем. Експертите велат дека оваа непријатна состојба треба да се третира како симптом, а не како болест. Доколку главоболката не ви се смирува, обидете се да се опуштите, медитирајте, туширајте се и не заборавајте на бадемите – тие можат да ви бидат од огромна корист. 10-тина до 12 бадеми на ден ги намалуваат и спречуваат главоболките, па доколку редовно ги консумирате има големи шанси засекогаш да се збогувате со оваа непријатна состојба. извор: thehealthystation.com

Бадемите се едни од најздравите продукти, дознајте за што можат да ви помогнат

Ивана Ефремовски — Mon, 16 May 2022 14:30:49 +0000

Бадемите се познати како едни од најздравите продукти, затоа што тие помагаат во превенција од разни тегоби. Исто така тие се добар производ за топењето на килограми, затоа што ја уништуваат гладта. Бадемите се сметаат како здрав производ затоа што имаат низок гликемиски индекс, мерка за тоа колку брзо некоја храна прави нивото на шеќерот во крвта да се зголеми по јадење. Тие предизвикуваат бавно и стабилно зголемување на шеќерот во крвта и инсулинот, а тоа ги тера луѓето подолго време да се чувствуваат сити. Луѓето кои конзумираат бадеми за појадок се чувствуваат сити подолго време од денот, а имаат и пониска концентрација на гликоза во крвта по појадокот и ручекот. Бадемите помагаат и во одржување на телесната тежина затоа што козумирањето на бадеми го намалува апетитот и со тоа може да се намали количеството на храна кое го внесуваме во организмот.

5 намирници кои помагаат во согорувањето на мастите: Тие се чувар на здравјето и витките линии

Магдалена Андонова — Tue, 01 Feb 2022 08:20:13 +0000

Некои намирници можат да го забрзаат вашиот метаболизам и да помогнат во согорувањето на мастите. Нашето тело не може да функционира без масти, бидејќи тие се основен извор на енергија и есенцијални масни киселини, ги обложуваат внатрешните органи, го загреваат телото и затоа се неопходни за производство на ензими важни за одржување на виталните функции. Сепак, незаситените масти се здрави, додека заситените масти можат да ги оштетат клетките, што резултира со голем број на болести како што се дијабетес и срцеви заболувања. Постојат пет намирници кои успешно помагаат во побрзо согорување на мастите. Цимет Придобивките од циметот стануваат се повеќе познати, а некои истражувања покажале дека само една кафена лажичка од овој зачин дневно го забрзува согорувањето на масните наслаги. Етеричното масло од цимет го активира метаболичкиот процес на терморегулација што согорува калории. Покрај тоа, циметот е познат како зачин кој го намалува нивото на шеќер во крвта, што доведува до зголемено ниво на инсулин во телото, кој е одговорен за таложење на масните клетки. Идеален пијалок е лажичка цимет со лажичка мед во чаша топла вода, која можете да ја консумирате во текот на денот. Грејпфрут Хемиските својства на ова овошје го стимулираат метаболизмот, што помага да се исфрли вишокот течност од телото. Грејпфрутот содржи ензими кои го намалуваат нивото на инсулин и гликоза во крвта, што го забрзува согорувањето на шеќерот, ја ограничува неговата апсорпција и трансформацијата во маснотии. Зелен чај Зелениот чај често се нарекува „чистач“ на телото. Благодарение на неговата способност да ја стимулира оксидацијата на мастите, тој благотворно делува на спречување на таложење на масни наслаги во телото. Соединенијата кои се наоѓаат во зелениот чај, како што е антиоксидантот катехин, помагаат во процесот на согорување на масните наслаги, зголемувајќи ги ефектите на хормоните за согорување маснотии. Бадеми Овој орев содржи добри масти, кои го намалуваат нивото на лошиот холестерол во крвта. Покрај тоа, бадемите обезбедуваат две есенцијални масни киселини - омега 3 и омега 6. Тие се одличен борец за топење на масните наслаги, а нутриционистите препорачуваат да се користат како здрава ужина. Кокосово масло Кокосовото масло се смета за храна која е и одличен борец кој ги топи масните наслаги. Оваа храна е богата со масти кои не се таложат во телото; во црниот дроб тие се согоруваат за да се создаде потребната енергија за телото да работи. Кокосовото масло има способност да ги согорува масните наслаги, а во исхраната се препорачуваат умерени количини кокосово масло, бидејќи има висока калориска вредност.

Спречуваат срцеви болести, дијабетес и потешкотии со варењето: Еве зошто суровите бадеми треба да се најдат на вашата трпеза!

Ристе Здравков — Fri, 08 Oct 2021 07:11:26 +0000

Јаткастите плодови се едни од главните хранливи материи кои ќе донесат повеќекратни придобивки за вашето тело, а органските бадеми се полни со витамини, минерали, магнезиум, витамин Е, калиум, незаситени масти и протеини. Од сите јаткасти плодови, бадемите содржат најголема количина рибофлавин (витамин Б2) и ниацин (витамин Б3). Грст бадеми секој ден можат ефикасно да се борат против Алцхајмерова болест, дијабетес, холестерол, кардиоваскуларни заболувања, губење на косата и варење. По напорниот ден, овие моќни плодови ќе ви помогнат да ја одржите концентрацијата, енергијата, расположението, па затоа треба да не ги прескокнете, а најдобриот избор се суровите бадеми. Тие содржат манган кој помага во производството на колаген, протеини одговорни за тонот на кожата, како и витамин Е, антиоксиданс кој помага во борбата против првите знаци на стареење.

Ф’стаците и бадемите може да ја намалат анксиозноста

Тале Кристо — Wed, 26 May 2021 10:42:22 +0000

Анксиозните нарушувања се доста чести во светот денес. Статистиката вели дека околу 18 отсто од населението секоја година страда од анкзиозност. Но, иако тоа може да се лекува, помалку од 37 насто од луѓето не добиваат соодветен третман. Некои луѓе се противат на земање лекови – постојат многу причини зошто некој не би се чувствувал пријатно да зема антидепресив… Сепак, едно неодамнешно истражување покажа доста ветувачки резултати. Се работи за труд објавен во списанието „Сел рипортс медисин“ на Институтот за наука „Вајзман“ во Њујорк. Написот вели дека супстанцијата бета-ситостерол, којашто се наоѓа во некои растителни јадења, како што се авокадо, ф’стаци, бадеми (и други јаткасти плодови), масло од репка, па дури и во некои житни култури делува смирувачки. Во серија експерименти, истражувачите откриле дека бета-ситостеролот може да произведе смирувачки ефект кај глувци и сам по себе, но и во комбинација со антидепресивот „Прозак“. Занимливо е што заморчињата на коишто им била дадена само билната супстанција не доживеале никакви несакани ефекти што обично се поврзани со лекови против анксиозност, како што се зголемување на телесната тежина и замор. Сепак, ова не значи дека јадењето храна што е природно богата со бета-ситостерол автоматски ќе резултира во намалена анксиозност. Наодите од ова истражувања не посочуваат дека хербалната супстанција ќе им овозможи на луѓето со анксиозни нарушувања целосно да се откажат од лековите. „Еден од главните проблеми со постојните лекови против анксиозност е што произведуваат несакани ефекти, па ако бета-ситостеролот може да помогне во намалувањето на дозата на овие лекови, тоа може потенцијално да ги намали и несаканите ефекти“, објаснува д-р Николас Панајотис, еден од авторите на испитувањата. Тоа не значи и дека може да добиете доволно бета-ситостерол само од храната. Панајотис додава дека треба, на пр. да се јаде авокадо дење и ноќе за да се добие вистинската доза – а поверојатно е да добиете проблеми со варењето отколку да ја ублажите анксиозноста.

Победете ја главоболката со овој јаткаст плод

Ивана Ефремовски — Sun, 31 Jan 2021 17:55:14 +0000

Главната состојка на една од најпознатите апчиња за главоболка, аспиринот, е салицин. Иако е општо познато дека аспиринот е најефикасниот лек за главоболка, помалку е познато дека оваа супстанца е содржана во еден добро познат јаткаст плод што е лесно достапен за секого – бадемот. Во отсуство на подобри решенија поради честите главоболки, луѓето прибегнуваат кон лекови кои треба да ги отстранат или олеснат за краток временски период. Сепак, често се јавува парадокс, по некое време на голтање апчиња, нашето тело повеќе не реагира и болката не исчезнува. Салицинот е клучна состојка на апсиринот, но и бадемите ја содржат оваа супстанца. Бадемот е природен аспирин и најдобро од сè, овој лек нема несакани ефекти. Една рака бадеми, односно триесет грама, многу лесно ќе ги заменат вашите лекови против болки затоа што бадемите содржат салицин во големи количини. Освен фактот дека овие јаткасти плодови ќе ви ги намалат главоболките, тие се добри за организмот затоа што содржат и високо ниво на магнезиум, што е важно за подобар проток на кислород во крвта во организмот.

Заборавете на апчињата, ова е најдобриот природен лек против главоболка

Ивана Ефремовски — Wed, 14 Oct 2020 09:26:57 +0000

Трипуновски до Димковски и Спасовски: Почитувани љубители на бадем и лешник, купивте апетисани, а сега скратете од луксуз и дајте им на земјоделците

Тале Кристо — Tue, 28 Apr 2020 16:41:29 +0000

Почитувани господа од власта, Трајане и Оливер - љубители на макијато, еспресо, бадем и лешник! По 100 пат сте фатени во лага, а ова е доказот. Уште на 21 овој месец е архивиран мојот предлог за измена на програмата со цел пренамена на средства од луксузирање и шетање во исплата на субвенции за изминати години. Во прилог го прикачувам и доказот, реагира дополнителниот заменик министер за земјоделство шумарство и водостопанство Цветан Трипуновски. Предлогот за измена на програмата до владата го доставив преку МВР и министерот Наќе Чулев, затоа што Трајан Димковски е целосно некооперативен и го става партискиот интерес пред државниот. Јас ја користам мојата позиција за да им помогнам на земјоделците. Од страна на Трајан Димковски сум целосно саботиран, и од негова страна до мене не е стигнат ниту еден документ, иако согласно закон имаме врзан потпис. За ова одговорност дополнително ќе има откако ќе се воспостави правната држава. Земјоделците ни се важни, и затоа за потписите во друга прилика. Трајане, Оливер, луѓето немаат леб да јадат, земјоделецот едвај преживува, знам дека сакате бадеми и лешници, ама сега купивте 700 килограми апетисани, се надевам доволно Ви се. Наместо на уште луксуз, пренаменете ги средствата од саемски патувања за субвенции. Веднаш! Земете ја заслугата, ако сакате вие. Кажете дека ова ви текнало уште во јануари, ама исплатете им на земјоделците, повикува Цветан Трипуновски. https://www.facebook.com/tripunovskicvetan/posts/1525620764262233

Потопете бадеми и оставете ги преку ноќ во чаша вода: Ефектот е неверојатен!

Ивана Ефремовски — Thu, 16 May 2019 20:54:26 +0000

Бадемите се полни со витамини и хранливи материи, односно имаат голем број здравствени придобивки. Ги штитат срцето и вените, го подобруваат помнењето и го снижуваат холестеролот. Се препорачува секој ден да изедете по неколку бадеми дневно. Но нивната хранливост ќе ја почувствувате уште повеќе ако преку ноќ ги оставите потопени во вода. Така ќе ја намалите количината на киселини што се наоѓа во лушпата на јаткастите плодови, а кои можат да ја намалат апсорпцијата на хранливите материи од бадемите во телото. Од мокрите бадеми, организмот уште подобро ќе ја впие нивната хранливост, витамини и минерали и ќе ја стимулира активноста на ензимите во телото, а ќе ја подобри и дигестијата. Потопените бадеми имаат повеќе витамин Б и ензими, како што е липазата, за разлика од сувите бадеми и повкусни се. Исто така, потопените бадеми се добар извор на калиум, влакна, протеини и здрави маснотии, вклучувајќи и монозаситени и полизаситени масни киселини, додека од друга страна имаат помала количина на заситени масти. Ова јаткасто овошје содржи и калциум и железо, а тоа се моќни антиоксиданси што ни го чуваат здравјето. Благодарение на витаминот Е, влакната и фолната киселина, потопените бадеми ја подобруваат функцијата на дигестивниот систем, помагаат при дијабетес, проблеми со кожата и хронични болести, како што се срцевите нарушувања и ревматолошкиот артритис. Освен тоа, тие се ефикасни сојузници на слабеењето, бидејќи нивната богата количина на влакна го намалува чувството на глад, а со тоа и бројот на внесени калории, па така поттикнува губење килограми. Најдобро е потопувањето во две води во рок од 24 часа. Земете околу 250 грама бадеми, ставете ги во сад или лонец и прелејте ги со топла вода.По 12 часа, исцедете ја водата и додајте во бадемите две лажички сол.Потоа повторно наполнете го садот со топла вода и оставете ги бадемите во неа уште 12 часа. По 24 часа потопување, лесно ќе ја извадите кафеавата лушпа од бадемите, доколку не се одвоила самата. Потопените бадеми можете да ги користите една недела, без да се плашите дека ќе ја изгубат својата хранлива вредност.

Вкусни, здрави, богати со витамини: Зошто мора да јадете ореви, бадеми, пуканки…?

Ивана Ефремовски — Tue, 19 Mar 2019 10:02:31 +0000

Оревите се многу здрава храна, бидејќи тие се полни со здрави масти, протеини, влакна, витамини особено витамин Е. Луѓето кои секојдневно јадат по една рака од овие коскени плодови, имаат 20 проценти помалку шанси да умрат од срцеви заболувања и рак. Покрај тоа, можете да ослабете, а исто така тие се добри за меморијата, покажуваат бројни студии. Бадеми Тие се богати со витамини и хранливи материи и не прават поздрави. Го намалуваат нивото на холестерол, го штитат срцето и вените. Сепак, многу нутриционисти укажуваат дека ова е идеален додаток на нискокалорична исхрана, особено кај луѓе кои имааат проблеми со притисокот. Тие исто така помагаат при проблеми со желудечната киселина, го намалуваат воспалението кај луѓето со дијабетес тип 2 и го поттикнуваат развојот на корисни бактерии, како што се Бифидобактерија и Лактобацилус. Ф’стаци Тие се полни со витамин Б, што е од суштинско значење за производство на хемоглобин. Храната со голема содржина на влакна е малку повеќе калорична (156 калории во 28 грама), но исто така помага во доведувањето на холестеролот во нормала. Секојдневната потрошувачка може да помогне да се зголеми “добриот” HDL холестерол, кој е важен за здравјето на срцето. Покрај тоа, го намалува бројот на ризици поврзани со срцеви заболувања, прекумерната тежина и шеќер во крвта. Многумина препорачуваат да се јаде помала количина на ф’стаци после секој оброк. Пуканки Овие закуски се популарни кај многумина, бидејќи се многу вкусни. Ако ги подготвите на вистински начин, бидете сигурни дека тоа е една од најздравите нискокалорични закуски (30 грама има само 122 калории). Сепак, штом ќе ги ставите на масло или путер, влегувате во полето на нездраво, но ако ги подготвите сами, тоа нема да биде така. Особено ако употребувате апарат за пуканки на топол воздух. Индиски ореви Имаат специфичен вкус, и се полни со витамин Ц. Го подобруваат расположението и влијаат за подобар сон. Го зајакнуваат имунитетот и ја регулираат тежината. Индиските ореви се одлични за сузбивање на симптомите на метаболичкиот синдром, па дури и ако ги немате овие проблеми, тие ви помагаат да одржите добра состојба. Кикирики Ова е веројатно најпопуларната закуска на листата, и е богата со витамини и минерали. Ги има сите особини споменати погоре, и поради нејзината дистрибуција почесто е подложена на истражување. Го намалува ризикот од срцеви заболувања. Жените кои консумираат путер од кикирики повеќе од пет пати неделно го намалуваат ризикот од дијабетес тип 2.