бадниково гранче – Kurir.mk

НИКАКО НЕ ГО ФРЛАЈТЕ – еве што треба да направите со бадниковото гранче

Дарко Андоновски — Sat, 07 Jan 2023 17:54:35 +0000

Најубавиот христијански празник Божиќ полека ни заминува, а тој секако се поврзува со бадниковото гранче кое го има во секое семејство и дом. Традицијата налага за Бадник на вратата од домот и на трпезата да имаме бадниково гранче. Се верува дека тоа носи среќа, но многумина не знаат што да прават со гранчето откако ќе помине празникот. Според верувањата во никој случај не треба гранчето да го фрлате во ѓубре. Постарите советуваат гранчињата да ги оставите во шума или парк. Во најдобар случај треба да ги запалите што го симблизира огнот што Јосиф го створил за да ја загрее пештерата во која се родил Исус Христос. На следниот оган кој се пали ноќта пред Бадник е најубаво да го ставите внатре.

ЗА ЗДРАВЈЕ И ВЕЧНА СРЕЌА: Задолжително ставете бадниково гранче во домот

Катерина Бојаџиева — Thu, 05 Jan 2023 21:49:17 +0000

Домот за Бадник традиционално се украсува со бадниково гранче, кое го симболизира здравјето, го слави животот и вечната среќа. Бадниковото гранче е од дабово дрво, кое се смета за најиздржливо и за највековито. За разлика од другите листопадни дрвја на почетокот на есента листовите од дабот ја менуваат боја, но се задржуваат на гранките и во текот на зимата. Бидејќи дабот симболизира долговечност, здравје и издржливост народните преданија велат дека со внесување на дабовите гранчиња во домот неговите особини ќе се пренесат на сите луѓе што живеат во тој дом. Според преданијата, праведниот Јосиф токму со ова дрво запалил оган за да ги стопли Исус и неговата мајка Марија. Дабовото дрво за свето дрво го сметале и старите македонски племиња. Овие дрвја обично се меѓу највековитите, поради што нивното стебло добива на масивност. Честопати стеблата се расцепуваат, формирајќи еден вид мали „простории“, кои луѓето во минатото ги користеле како места за преспивање и заштита од дивите животни. Отворените стебла често наликуваат и на пештери.

ЗА СРЕЌА И ЗДРАВЈЕ: Задолжително ставете бадниково гранче на трпезата

Дарко Андоновски — Tue, 04 Jan 2022 17:20:38 +0000

За Бадник традиционално домот се украсува со бадниково гранче. Неизбежниот симбол на Бадник го симболизира здравјето, го слави животот и вечната среќа. Според народните верувања, токму со ова дрво праведниот Јосиф запалил оган за да ги затопли штотуку родениот Исус и неговата мајка Марија. Бадниковото гранче уште се нарекува дрво на животот, исто како она дрво на животот во рајот што симболично дава вечност.

Никако не го фрлајте – еве што треба да направите со бадниковото гранче

Ивана Ефремовски — Sun, 10 Jan 2021 15:14:17 +0000

Бигорски манастир: „Бадниково“ гранче не е христијански обичај

Катерина Бојаџиева — Sun, 05 Jan 2020 20:50:54 +0000

Од Бигорскиот манастир објавија ставови пред претстојните празници во врска со т.н. бадниково гранче. Од таму велат дека „бадниково“ гранче не е христијански обичај. -Во народната традиција, празнувањето на христијанските празници е секогаш проследено со разни обичаи и обреди, нешто што е сосема вообичаено и природно. Сите тие второстепени нешта донекаде придонесуваат на празниците да им се даде поголемо значење и да се привлече човечкото внимание. Меѓутоа, важно е да се напомене дека Христијаните во никој случај не треба да ја напуштат или запостават суштината на самиот празник, или споменот на светецот кој се чествува, за сметка на тие попатни народни обичаи, ниту, пак, на нив да им придаваат некакво посебно значење, особено не теолошко. Но, за жал, гледаме дека во нашето општество и поконкретно во медиумите, се случува токму спротивното. Наместо да се искористи можноста за повнимателно изложување на суштинското значење на одреден празник, преголемо внимание им се посветува токму на тие етнолошки, фолклорни и во најголем дел неопагански моменти, така што сосема се занемарува и потиснува христијанскиот карактер на празнувањето. Бидејќи се наоѓаме во периодот на Божикните празнувања, како пример за горе посоченото ќе го наведеме т.н. „бадниково“ гранче. Колку само „преданија“, толкувања и правила можат да се слушнат и прочитаат за него по нашите медиуми и портали?! Работата оди дотаму што на ова бездушно Божјо создание му се припишуваат разни божествени моќи и магиски елементи, што претставува, всушност, класично идолопоклонство! Идолопоклоничкиот пристап кон бадниковото гранче се забележува, за жал, и кај многу Христијани. Затоа, сметаме за потребно да објасниме дека тука не станува збор на некаков суштински христијански обичај, туку за реанимација на едно старо паганско верување. Имено, според етнолозите, фолклористите и историчарите на религиите, сечењето и палењето на бадниковите гранчиња влече корени уште од предхристијанското доба на старите Словени. Така, според српскиот научник Веселин Чајкановиќ, во многубожечката старословенска религија некои дрва биле сметани како пребивалишта на духови и божества, а други како божества сами по себе. Дабовото дрво припаѓало на вторава група и тоа било третирано како личност. Нему му биле принесувани вотивни дарови, молитви и жртви како: грав, вино и мед ((Београд 1973): „Култ дрвета и биљака код старих Срба“. Мит и религија у Срба: изабране студије). Германскиот митолог и фолклорист Вилхелм Манхард сметал дека дабовата гранка означувала инкарнација на духот на вегетацијата. Жртвите што му се принесувале на дрвото требало да обезбедат плодородие на полињата, здравје и радост во семејството. Неговото горење ги симболизирало сончевите зраци и требало да ја обезбеди виталната моќ на сонцето за годината што претстоела (Наведено кај: Miles, Clement A. (2008): “The Yule Log”. Christmas in Ritual and Tradition). Обредните гранки најчесто биле сечени од даб – најпочитуваното дрво кај старите Словени, поврзано со врховниот бог Перун. Со христијанизацијата на Словените, најголем дел од паганските обичаи биле искоренети, или, во видоизменета форма задржани, но веќе со поинакво значење, поврзано, секако, со Христијанството. Значи, иако без првобитното значење и распространетост, мал дел од тие обичаи продолжил и понатаму да се практикува. Таков е примерот и со бадниковото гранче, кое како обичај делумно преживеало меѓу Србите, без некоја особена распространетост. Но, пред Првата светска војна, во времето на Кралството Србија, од поедини семејства овој пагански обред се пренесува и во воените касарни, за војниците кои за време на Божик служат воен рок, да можат барем некако да ја почувствуваат празничната атмосфера. Подоцна, во времето на Кралството на СХС/Југославија, оваа пракса била и законски регулирана, со детални одредби за божикното украсување на воените касарни. Сечењето на бадниково дрво се одвивало во околината на гарнизонот, под команда на посебно избран офицер, со претставници на сите воени единици, а потоа гранките се носеле во дворецот на кралот, па во офицерскиот дом, кај најстариот командант итн. Во оваа свечена поворка, со придружба на коњица и музичари, било дозволено да учествуваат и обични цивили, па на тој начин, овој обичај од војската се префрлува и кај народот. Во текот на триесеттите години на дваесеттиот век, обредот со бадниковите гранки станува дел од протоколот на кралскиот дворец, а оттаму и на градските плоштади, како дел од јавното славење на Божик. Така, постепено овој остаток од незнабожечкото време на старите Словени, од национал-романтичарски побуди, добил карактер на народно српско празнување, во кое била вклучена и Црквата, со тоа што бадниковите гранки требало да бидат благословени од свештеник (Весна Вучинић-Нешковић (Београд 2009): Јавна прослава Божића). Во Македонија обредот со палењето на дабовите гранки за Божик никогаш не бил присутен и народно прифатен. Но, со распадот на Југословенската федерација, кога државната телевизија одделува простор и за религиски збиднувања, под влијание на Српската црква овој ритуал се наметнува и во нашата престолнина, во Соборниот храм во Скопје. Оттаму, преку медиумите, во нашата јавност на овој сосема незначаен и туѓ идололатриски обичај му се придаде непотребно големо значење, а за жал, се пренесе и во други храмови кај нас. Сметаме дека ни е должност да апелираме до Христијаните, воочи празникот на светлото Рождество Христово, да не се занимаваат непотребно со вакви сосема безначајни и туѓи за нашата почва неопагански и идолопоклонички обичаи, туку да се сосредоточат на убавината и возвишената порака од доаѓањето во плот на беспочетното Слово Божјо; очистени преку постот и светата тајна покајание и исповед, да појдат во храмовите за Божикната ноќ и да станат учесници на Царската трпеза, каде како храна е принесено Христовото тело и како питие – Неговата чесна крв, та вкусувајќи од нив, да станат причесници на ангелската радост и славословие во Рождественската ноќ над Витлеем, велат од Бигорски манастир.

ЗА ЗДРАВЈЕ И ВЕЧНА СРЕЌА: Еве што треба да имате на Бадник задолжително во домот

Дарко Андоновски — Sun, 05 Jan 2020 12:27:00 +0000

Видео кое го насмеа цел регион, вака не се сече дрво

Ивона Петрова — Mon, 07 Jan 2019 12:21:24 +0000

Иако бадниково гранче денес лесно да се најде и на пазарите, многу верници сакаат и натаму сами да се потрудат да го донесат во својот дом. Извесен Дејан од Судлулица имал ист план кој не се одвивал според очекуваното кога тој пристигнал во шумата. Погледнете го видеото во продолжение.

View this post on Instagram

#badnjak #badnjidan #bozic

A post shared by Dejan Nesic (@pomarandza) on Jan 6, 2019 at 1:07am PST

ЗА ЗДРАВЈЕ И ВЕЧНА СРЕЌА: Задолжително ставете бадниково гранче во домот

Катерина Бојаџиева — Sun, 06 Jan 2019 14:20:08 +0000

Средба на скопјани со кумот и здравичарот на Бадник 2019 во Говрлевска Краста

Ивона Петрова — Sun, 23 Dec 2018 07:51:58 +0000

Во рамки на годинашната прослава на Бадник денеска во месноста Говрлевска Краста (на јужните падини на Водно) традиционално ќе биде организирана средба на скопјани со кумот и здравичарот на Бадник 2019, што по 27-ми пат го организира Граѓанското здружение Одбор за традиционална прослава на Бадник во Скопје. На скопјани ќе им биде обзнането дека се е подготвено за централното одбележување на Бадник, на 6-ти јануари 2019 година на платото пред Соборниот храм „Свети Климент Охридски“ во Скопје. Неделната средба е точно напладне, кога ќе започне симболичното сечење на бадниковото гранче. Први тоа ќе го направат кумот и здравичарот-Љупче Николовски и Миливое Алексиевски минатогодишниот кум и здравичарот-Влатко Огненовски и Стефан Хаџи Николов, а потоа градоначалниците на Скопје, Центар и Сопиште, поранешни кумови и здравичари,поканети гости и членови на естрадата.

ЗА СРЕЌА И ЗДРАВЈЕ: Задолжително ставете бадниково гранче вечер на трпезата

Катерина Бојаџиева — Sat, 06 Jan 2018 08:31:32 +0000