Баер – Kurir.mk

Баер го спречи Дијаби да оди во Манчестер јунајтед

Тале Кристо — Fri, 06 Nov 2020 10:41:29 +0000

Бундеслигашот Баер Леверкузен одби во последниот преоден рок да го продаде напаѓачот Муса Дијаби. Според „Билд“, Манчестер јунајтед бил подготвен да плати 50 милиони евра за 21-годишниот Французин. Раководството на германскиот клуб не сакаше да дозволи заминување на уште еден напаѓач по Каи Хаверц и Кевин Фоланд. Дијаби оваа сезона одигра 10 натпревари на сите турнири, постигна два гола и оствари две асистенции.

Баер му постави ултиматум на Челзи за Хаверц

Тале Кристо — Wed, 19 Aug 2020 07:07:33 +0000

Премиерлигашот Челзи е сериозно заинтересиран за услугите на играчот од средниот ред на Баер, Каи Хаверц и повеќе од еден месец е во преговори, пренесува „Билд“. Управата на германскиот клуб издаде ултиматум според кој, ако до 28 август трансферот не биде завршен, фудбалерот се враќа на тренинзи во Леверкузен. Познато е дека Хаверц сака да ја продолжи кариерата во Челзи и одамна се договори за личните услови и петгодишна соработка. Баер сака да добие околу 100 милиони евра за својот фудбалер.

Баер сака 100 милиони евра за Хаверц

Магдалена Андонова — Thu, 16 Jul 2020 10:33:48 +0000

Бундеслигашот Баер ја одреди цената за играчот од средниот ред Каи Хаверц. Доколку некој сака да го купи најдобриот фудбалер на тимот од Леверкузен ќе мора да плати 100 милиони евра. Според „Кикер“ Баер нема ништо против дел од суматада биде во форма на бонуси, но се нагласува дека фудбалерот со сигурност нема да биде продаден до крајот на Лигата на Европа. Во првиот натпревар од 1/8 финалето на второто по квалитет фудбалско натпреварување во Европа, германскиот тим го победи Ренџерс со 3:1. Оваа сезона, 21-годишниот Хаверц настапи на 39 натпревари на сите турнири, постигна 15 гола и забележа осум асистенции. Баер го зазема петтото место во германскиот шампионат и стигна до финалето на националниот куп, каде загуби од Баерн Минхен. (МИА)