Баерн Минехн – Kurir.mk

Хари Кејн потпиша за Баерн Минхен во 2 часот по полноќ

Бошко Тасиќ — Sat, 12 Aug 2023 06:19:22 +0000

Најлудата приказна од преодниот рок заврши рано утринава со среќен крај за Баерн Минхен. Хари Кејн (30), најдобриот стрелец во историјата на Тотенхем и на репрезентацијата на Англија, потпиша во 2 по полноќ за Баерн. Германските медиуми посочуваат дека сега Баерн се обидува да ја реши регистрацијата и документацијата, па Кејн денеска да дебитира за новиот клуб во Суперкупот на Германија против Лајпциг.

Пабло Ласо нов тренер на Баерн Минхен

Бошко Тасиќ — Tue, 13 Jun 2023 04:22:00 +0000

Шпанскиоѕ кошаркарски тренер Пабло Ласо преживеа срцев удар пред крајот на минатата сезона и успешно се оправи од големиот шок, но во моменти кога се уште не го надмина истиот, доживеа големо разочарување. Ласо заработи отказ од Реал Мадрид поради здравствени причини и не доби дозвола од Флорентино Перез да продолжи да го води првиот тим, што значеше дека Ласо ќе мора да мине една година без кошарка. „Кралевите“ го ангажираа Чус Матео и тоа се покажа како одличен потег за клубот кој ја освои европската титула оваа сезона, но по крајот на истата, пристигна информација за новиот предизвик кој ќе го има Ласо. Искусниот стручњак си подаде рака со Баерн Минхен и ќе го води баварскиот великан во наредните две години, откако потпишал договор со 2025-та година. – Ова е голем чекор во мојата кариера, првпат ќе работа во друга земја. Досега работев само во Шпанија и ова е огромен предизвик за мене. Среќен сум што ќе бидам дел од овој тим и од оваа голема организација, – порача Ласо.

Де Лихт се согласи да ја продолжи кариерата во Баерн

Тале Кристо — Tue, 05 Jul 2022 17:00:43 +0000

Баерн е блиску до потпис на дефанзивецот на Јувентус, Матијс Де Лихт, објави „Sport1.de“. Фудбалерот даде согласност за трансфер во бундеслигашот од Минхен. Претходно Јувентус соопшти дека 22-годишниот фудбалер ќе се пресели во тимот кој ќе плати најмногу за неговиот трансфер. Челзи е подготвен да плати 80 милиони евра за играчот, но самиот одбранбен фудбалер би сакал да ја продолжи кариерата во клубот од Минхен. Во сезоната 2021/22, Де Лихт забележа 42 настапи за Јувентус во сите натпреварувања, постигнувајќи три гола и една асистенција. Актуелниот договор на Холанѓанецот со Јувентус е до летото 2024 година.

Баерн Минхен се спаси од пораз на „Ред Бул Арена“

Бошко Тасиќ — Wed, 16 Feb 2022 22:11:58 +0000

На втората осминафинална пресметка вечерва, Сацлбург беше на чекор од сензација против Баерн Минхен, но такво нешто сепак не дозволи Кингсли Коман. Австрискиот тим водеше од првото полувреме со голот на Адаму и така беше до 90-та минута, но тогаш на вистинско место во вистинско време се најде Коман кој израмни на 1:1 по целосната иницијатива на германскиот тим. Салцбург ќе се обиде да направи изненадување на реваншот на „Алијанц Арена“ кој е закажан за 8 март.

Баерн Минхен повторно гази, настрада Унион Берлин

Бошко Тасиќ — Sat, 30 Oct 2021 15:50:32 +0000

Германскиот шампион Баерн Минхен успеа да се рехабилитира од срамниот Куп пораз од Борусија Менхегладбах на кој прими пет гола и ова попладне постигна исто толку голови во мрежата на Унион Берлин. Германскиот првак се врати на победничките патеки во домашното првенство, но тренерот Нагелсман сигурно ќе има причини за корекции во играта, бидејќи неговиот тим одново прими два гола. Баерн победи со 2:5 на натпреварот на кој Роберт Левандовски постигна два погодоци, но кој ќе се памети и по едно извонредно движење и неверојатно додавање кое го изведе во првиот дел. По постигнатите два гола, популарниот Леви режирање спектакуларно додавање, но за жал, Лерој Сане ја упропасти асистенција на годината и не стрелаше во дадената ситуација. Во продолжение, Сане се запиша во листата на стрелците и погоди за 0:3, а до крајот на мечот видовме уште четири гола, по два на двете страни. Унион Берлин намали на 1:3 преку Гиселман, Коман зголеми на 1:4, во игра го врати одново домаќинот Ријерсон, но крај на сите надежи на домаќините стави Томас Милер со голот во 79-та минута.

Флик смета дека 2020 година е одлична за Баерн

Магдалена Андонова — Thu, 10 Dec 2020 10:27:29 +0000

Тренерот на Баерн, Ханси Флик ги сумираше резултатите остварени во годината што изминува. Баварците синоќа го победија Локомотив во 6. коло од Лигата на шампионите (2:0) и се пласираа во плејофот како првопласирани во групата. До крајот на 2020 година им остануваат уште 3 натпревари во Бундеслигата. – Ни преостануваат уште три натпревари оваа година. Со нетрпение ги очекуваме, сакаме да завршиме со висок интензитет. 2020-та беше одлична за нас. Ќе дадеме се од себе за да постигнеме позитивни резултати на средбите што ни преостануваат, и секако ќе се трудиме така да биде и во 2021 година, изјави Флик. Годинава Баерн покрај германски стана и европски шампион. (МИА)

Баерн ја одреди цената за Алкантара

Магдалена Андонова — Wed, 29 Jul 2020 09:00:39 +0000

Раководството на Баерн Минхен е подготвено да го продаде играчот од средниот ред Тијаго Алкантара. Според „Билд“, минхенскиот клуб е подготвен да се раздели со 29-годишниот Шпанец за 30 милиони евра. Претходно беше објавено за интересот за играчот од страна на Ливерпул. Во сезоната 2019/20, Тијаго одигра 36 натпревари за Баерн, даде три гола и направи две асистенции. Порталот Transfermarkt.com ја проценува цената на Шпанецот на 48 милиони евра.

Румениге: Целта на Баерн е да ги привлече најдобрите германски репрезентативци

Магдалена Андонова — Fri, 03 Jul 2020 10:45:36 +0000

Претседателот на одборот на директори на Баерн (Минхен) Карл-Хајнц Румениге рече дека целта на баварските гиганти е да ги привлечат најдобрите германски играчи. Шампионот на Бундеслигата го финализира трансферот на репрезентативецот Лерој Сане од Манчестер Сити за 50 милиони евра. – Задоволни сме затоа што во последните години Сане во повеќе наврати ги докажуваше своите квалитети на теренот, особено со репрезентацијата. Нашата цел е да ги собереме најдобрите германски фудбалери во Баерн, а привлекувањето на Лерој го потенцира нашето движење на овој пат, прокоментира Румениге. (МИА)

Левандовски прв фудбалер во Бундеслигата кој стана најдобар стрелец во три последователни сезони

Магдалена Андонова — Sat, 27 Jun 2020 17:50:49 +0000

Напаѓачот на Баерн Минхен, Роберт Левандовски постигна најмногу голови во германската Бундеслига која заврши денес. Полскиот фудбалер стана првиот играч во историјата на првенството кој ја освои титулата најдобар стрелец во три последователни сезони. На сметка на Полјакот оваа сезона се 34 погодоци за 31 натпревар. Левандовски и денес постигна гол во триумфот над Волзсбург со 4:0. Претходно, Левандовски беше прогласен и за најдобар играч во Бундеслигата за оваа сезона. По Левандовски на листата на стрелците се Тимо Вернер од Лајпциг со 28 гола на 34 натпревари и Џејдон Санчо со 17 гола на 17 натпревари. (МИА)

Баерн ја врати предноста од четири бода пред Борусија Дортмунд

Дарко Андоновски — Sun, 17 May 2020 18:16:52 +0000

Во 26. коло од Бундеслигата, Баерн вечерва во Берлин ја совлада екипата на Унион Берлин на гостински терен со 2:0. Тимот од Минхен е лидер на табелата со четири бодови предност пред Борусија Дортмунд. На првиот неделен меч, Келн и Мајнц одиграа без победник 2:2. Табела: Баерн 58 бода, Борусија Дортмунд 54, Борусија Менхенгладбах 52, Лајпциг 51,…. Ова беше прв викенд по пауза од повеќе од два месеца, во кој се играа натпревари од Германскиот шампионат. Поради пандемијата на коронавирус, средбите се одвиваат без гледачи.