баерн – Kurir.mk

Де Лихт ќе пропушти четири до шест недели

Ивона Петрова — Thu, 02 Nov 2023 13:11:29 +0000

Дефанзивецот на Баерн, Матијс де Лихт ќе биде принуден да пропушти 4-6 недели поради оштетување на лигаментите на коленото, пренесува „Bild“. Фудбалерот се повреди за време на вчерашниот натпревар од на 1/16финалето на германскиот куп со Сарбрикен (1:2). Дваесет и четиригодишниот Холанѓанец за Баерн настапува од јули 2022 година. Сезонава Де Лихт одигра 10 натпревари за германскиот клуб и постигна еден гол. Пред Баерн, Де Лихт играше за Јувентус и Ајакс.

Баерн нема да потпише со Де Хеа, Тухел стави вето на трансферот

Ивона Петрова — Thu, 17 Aug 2023 11:58:34 +0000

Баерн нема да потпише со Давид Де Хеа, а пропадна трансферот и на Стефан Ортега. Според новинарот на „Скај Спорт Дојчланд“, Флоријан Плетенберг, по преговорите што се водеа синоќа и утринава, договорот за преселба на Ортега од Манчестер сити во Баерн се распаѓа. Главната причина е неподготвеноста на Манчестер сити и Пеп Гвардиола да го пуштат голманот. Тие не сакаат да ангажираат друг заменски голман, иако на клубот во последните часови му беа понудени неколку опции, вклучувајќи го и голманот на Лидс, Илан Мелиер. Баерн сакаше да го земе Ортега на позајмица и му упати конкретна понуда. Тренерот Томас Тухел сакаше да го види во тимот. Стефан сериозно размислувал за оваа опција, но газдите на Баерн не сакаат повеќе да чекаат. Според изворот, Баерн нема да го ангажира ниту Давид Де Хеа, кој е на слободен трансфер по заминувањето од Манчестер јунајтед. Тухел стави вето на неговиот трансфер, особено со оглед на фактот дека враќањето на Мануел Нојер се очекува за неколку недели. Де Хеа сакаше да премине во Баерн, но нема да го ангажираат. Претходно беше објавено дека Баерн ќе ја започне сезоната со Свен Улрајх на голот, бидејќи смета на Нојер наскоро да се врати на терените. Плетенберг ја потврдува оваа информација и пишува дека Улрајх ќе биде главен до враќањето на Нојер. Шефовите на Баерн се задоволни од играта на Свен во претсезоната и имаат целосна доверба во него.

Мане во Ал-Наср ќе заработува повеќе од 40 милиони евра годишно

Ивана Ефремовски — Sun, 30 Jul 2023 12:19:32 +0000

Стана позната идната плата на напаѓачот на Баерн, Садио Мане, кој е блиску до преселба во Ал-Наср, пренесува „Sky Sport“. Според изворот, 31-годишниот Сенегалец ќе заработува повеќе од 40 милиони евра годишно. Претходно Мане не беше вклучен во пријавата за пријателски натпревар против Кавасаки поради претстојната промена на клубот. Мане минатото лето се пресели во Баерн од Ливерпул. За Баварците одигра 38 натпревари, постигна 12 гола и шест асистенции. (МИА)

Павар сака да замине од Баерн

Ивона Петрова — Thu, 01 Jun 2023 19:20:38 +0000

Германските медиуми пишуваат дека 27-годишниот француски фудбалски репрезентативец Бенџамин Павар нема намера да го продолжи договорот со Баерн и сака да го напушти шампионскиот тим од Минхен. Павар има договор со Баерн до крајот на идната сезона, но изминатиот период неговиот менаџер веќе остварил средба со донеодамнешниот спортски директор Хасан Салихамиџиќ, кого го известил за желбата на Французинот да замине од клубот. Во меѓувреме, Салихамиџиќ беше отпуштен од должноста, заедно со членот на клупското раководство Оливер Кан, и неизвесно е дали новите челници ќе инсистираат Павар да остане во клубот. Според германските медиуми, желбата на поранешниот фудбалер на Лил и Штутгарт да замине од Баерн е мотивирана од интерес за неговите услуги од Барселона.

Баерн подготвува отказ за Оливер Кан

Катерина Бојаџиева — Mon, 24 Apr 2023 16:38:50 +0000

Надзорниот одбор на Баерн би можел на 22 мај да го смени од должноста извршниот директор Оливер Кан поради слабите резултати на минхенскиот фудбалски клуб во оваа сезона, пренесуваат денеска германските медиуми. Баерн во четвртфиналето во Лигата на шампиони беше елиминиран од Манчестер сити, а настапот во Купот на Германија го заврши поразот од Фрајбург. Пред повеќе од еден месец Баерн го смени тренерот Јулијан Нагелсман во Томас Тухел на неговото место, но тоа не ги донесе посакуваните резултати и баварскиот клуб во меѓувреме ја загуби водечката позиција во Бундеслигата на пет кола до крајот на сезоната. „Кан би можел да биде сменет а 22 мај, но Хас Салихамиџиќ ќе остане на должноста спортски директор. Кан е најголемиот виновник за лошите резултати, бидејќи тој ги носи одлуките за сè. Тој одлучи да го смени тренерот и донесе играчи. На Баерн не му оди ниту со Нагелсман, ниту со Тухел. Челниците на клубот се разговараат и за Салихамиџиќ, но единствениот функционер чија работа е во голема опасност е Кан“, објавија Билд и Скај Германија.

Салихамиџиќ ги критикува фудбалерите: Ова не е Баерн

Ивана Ефремовски — Mon, 20 Mar 2023 16:58:35 +0000

Спортскиот директор на Баерн, Хасан Салихамиџиќ, ги критикуваше денеска фудбалерите на минхенскиот клуб, ден по поразот од Баер Леверкузен во рамки на 25 коло во Бундеслигата.

Баерн по вчерашниот пораз во Леверкузен ѝ препушти лидерското место на Борусија Дортмунд зад која сега заостанува еден бод.

„Ова не е Баерн. Вакво нешто ретко се гледа. Промашивме сè што можевме да промашиме. Ни недостасуваше буквално сè уште во играта. Дозволивме да не натрча екипа која имаше натпревар во четвртокот и да не победи“, изјави Салихамиџиќ.

Тој во изјава за германските медиуми призна дека тимот од Леверкузен бил подобар во сите сегменти од играта. (МИА)

Нагелсман открива што сака да научи од Реал Мадрид и неговиот главен тренер

Ивана Ефремовски — Sat, 29 Oct 2022 13:16:40 +0000

Тренерот на Баерн, Џулијан Нагелсман изјави дека сака да ја има истата смиреност како што ја покажува тренерот на Реал Мадрид, Карло Анчелоти за време на натпреварите на неговиот тим. -Реал Мадрид освојува многу титули. Секогаш можете да научите нешто од најдобрите тимови и врвни тренери. Во овој случај, потребното трпение во одредени ситуации и способноста да се контролирате, изјави Нагелсман за „Спорт Билд“. Денес од 15:30 часот Баерн гостува кај Мајнц во 12. коло од германскиот шампионат. Баварците се втори на табелата во Бундеслигата со 22 бода, еден помалку од лидерот Унион Берлин. (МИА)

Управата на Баерн не размислува да го отпушти Нагелсман

Ивана Ефремовски — Sun, 18 Sep 2022 15:54:38 +0000

Извршниот директор на Баерн, Оливер Кан, изјави дека клубот не планира да го отпушти тренерот Јулијан Нагелсман. -Сега не размислуваме за други тренери. Имаме целосна доверба во Јулијан. Секако дека сите сме незадоволни од последните резултати во првенството. Да видиме каква мерка ќе треба да се искористи за брзо да се вратиме на победничката патека во Бундеслигата, изјави Кан за „Билд“. Баерн вчера загуби од Аугсбург (0:1) во 7. коло на германското првенство и за прв пат од февруари 2020 година не успеа да постигне гол на натпревар од Бундеслигата. За прв пат од 2001 година, клубот од Минхен нема победа во Бундеслигата четири натпревари по ред. (МИА)

Јувентус ја одби првата понуда на Баерн за Де Лихт

Ивона Петрова — Tue, 12 Jul 2022 07:28:34 +0000

Баерн неуспешно ги започна преговорите за трансфер на дефанзивецот на Јувентус, Матијас де Лихт. Според „Билд“ Јувентус ја одбил првата понуда на минхенскиот клуб од 60 милиони евра плус 10 милиони дополнителни бонуси. Забележано е дека клубовите ќе продолжат со преговорите, почитувајќи ја желбата на фудбалерот да се пресели во Баерн. Де Лихт постигна три гола и даде една асистенција на 42 натпревари за клубот од Торино минатата сезона. Неговиот договор е до 30 јуни 2024 година.

Баерн сака да го донесе Мане

Ивана Ефремовски — Tue, 10 May 2022 14:43:48 +0000

Минхенски Баерн планира да го донесе во своите редови напаѓачот на Ливерпул, Садио Мане (30), јавија денеска германските медиуми. Мане има договор со Ливерпул до лето 2023 година, а преговорите за продолжување на соработката се одвиваат тешко, особено бидејќи премиерлигашот повеќе е фокусиран кон потпишување нов договор со Мохамед Салах. Според информациите во медиумите, Мане е фрустриран од целата ситуација, а Баерн се обидува да го искористи моментот и да се засили со сенегалскиот напаѓач за следната сезона. Германските медиуми објавија дека спортскиот директор на Баерн, Хасан Салихамиџиќ, минатиот викенд имал средба со менаџерот на Мане, но оти сè уште нема директен контакт меѓу двете клупски раководства. (МИА)