Доделени британските БАФТА награди за филм и ТВ

Ивона Петрова — Mon, 20 Feb 2023 09:38:19 +0000

Доделувањето на наградите на Британската академија за филмска и телевизиска уметност (БАФТА) во Лондон синоќа собра некои од најголемите холивудски ѕвезди. А, со седум одличја од вкупно 14 номинации, филмот за Првата светска војна - „На Запад ништо ново“ (All Quiet On The Western Front) ја освои вечерта. Oстварувањето на режисерот Едвард Бергер ги освои наградите Најдобар филм, за режија, адаптирано сценарио, кинематографија, филм од неанглиско говорно подрачје, звучни ефекти и за оригинална музика. Следуваат „Елвис“ и „Самовилите од Инишерин“ (The Banshees of Inisherin) со по четири статуетки. Меѓу другите, „Самовилите од Инишерин“ ги доби одличјата и за оригинално сценарио и Најдобар британски филм на годината. Наградата „БАФТА“ за најдобра женска улога ја доби Кејт Бланшет, за улогата во филмот „Taр“, а најдобар глумец, според БАФТА, е Остин Батлер кој го одглуме насловниот лик во „Елвис“. „Аватар 2“ е проглаен за филм со најдобри специјални визуелни ефекти.

БАФТА 2022: „Моќта на кучето“ и „Белфаст“ се филмови на годината

Ивона Петрова — Mon, 14 Mar 2022 13:05:29 +0000

„Моќта на кучето“ (Тhe Power of the Dog) e најдобар филм (вкупно две одличја од осум номинации), а „Белфаст“ најдобар британски филм за изминатава година, според признанијата на годинашното 75. доделување на наградите на Британската академија за филм и телевизија – БАФТА. „Дина“ (Dune) доби најмногу – пет статуетки од можни 11 номинации, и тоа за најдобар звук, визуелни ефекти, сценографија, оригинална музика и кинематографија. Најдобар режисер е Џејн Кемпион („Моќта на кучето“). Наградите за најдобра машка и женска главна улога отидоа кај Вил Смит („Кралот Ричард“) и Џоана Сканлан („По љубовта“). Најдобра машка и женска споредна улога: Трој Коцур („Кода“) и Аријана Дебоус („Приказна од западната страна“). Најдобро оригинално сценарио: Пол Томас Андерсон за „Ликорис Пица“. Најдобро прилагодено сценарио: Сијан Хедер за „Кода“. Најдобар филм од неанглиско говорно подрачје: „Вози го мојот автомобил“. Најдобар анимиран филм: „Енканто“ („Encanto“, „Шарм“). Свеченоста на 75. доделување на наградите „БАФТА“ се одржа синоќа во „Ројал Алберт хол“ во Лондон. Водителка беше австралиската глумица и комичарка Ребел Вилсон.

бафта награди – Kurir.mk

Доделени британските БАФТА награди за филм и ТВ

БАФТА 2022: „Моќта на кучето“ и „Белфаст“ се филмови на годината