багер – Kurir.mk

Јавно обвинителство: Осуммина обвинети признаа вина за предметот под кодно име „Багер“

Тале Кристо — Fri, 13 Oct 2023 15:49:59 +0000

На првото одржано рочиште за предметот под кодно име „Багер“ осуммина обвинети кои извршувале недозволено истражување и ископување на движни добра под привремена заштита, односно културно наследство, ги признаа делата за кои Основното јавно обвинителство за гонење на организиран криминал и корупција во јуни годинава поднесе Обвинителен акт, соопштија попладнево од Јавното обвинителство на Република Северна Македонија. - Според опишаните дејствија во диспозитивот на Обвинителниот акт, сите обвинети сториле кривично дело Злосторничко здружување, а првообвинетиот С.Џ. (47) врз основа на признание дека ги сторил и кривичните дела Прикривање, Оштетување или уништување на добра под привремена заштита или културно наследство или културни реткости, Изнесување во странство на добра под привремена заштита или културно наследство или природни реткости и Неовластено изработување, држење, посредување и тргување со оружје или распрскувачки материи е осуден на единствена казна затвор во траење од 5 години и 2 месеци, појаснуваат во денешното соопштение од ЈО. Четворицата обвинети М.С.(42), Г.К.(45),И.С.(48),и М.Џ.(37), освен кривичното дело Злосторничко здружување, информираат од Обвинителството, признале дека сториле и кривично дело оштетување или уништување на добра под привремена заштита или културно наследство или културни реткости за што судот им изрече алтернативна мерка – условна осуда, односно казна затвор од две години која нема да се изврши доколку обвинетите во рок од пет години од правосилноста на пресудата не сторат ново кривично дело. - Д.Р.(36) кој беше обвинет и за кривичното дело Изнесување во странство на добра под привремена заштита или културно наследство или природни реткости, врз основа на признание на вина судот му изрече единствена казна затвор во траење од 2 години и 6 месеци. Т.А.(58) покрај кривичните дела Злосторничко здружување и Прикривање, го призна и кривичното дело Оштетување или уништување на добра под привремена заштита или културно наследство или културни реткости за кои му е изречена единствена затворска казна од 3 години и 8 месеци, соопштија од Јавното обвинителство. Најмладиот Р.З.(28) признал дека е сторител на кривичните дела злосторничко здружување, оштетување или уништување на добра под привремена заштита или културно наследство или културни реткости и изнесување во странство на добра под привремена заштита или културно наследство или природни реткости, за што му е изречена единствена затворска казна од 3 години и 2 месеци. За останатите тројца обвинети, соопштија од ЈО, судењето е во тек.

ДЕТАЛИ ЗА ТРАГЕДИЈАТА ВО ЦЕНТАР – багер усмрти жена на лице место, еве го нејзиниот идентитет

Дарко Андоновски — Sat, 01 Jul 2023 12:27:07 +0000

Багер усмрти жена на улицата „Јордан Мијалков“ во Скопје. Информацијата за МИА ја потврдија од Министерството за внатрешни работи. - Во 11 часот денеска било пријавено дека работно возило, градежна машина - багер, управувано од И.А., на возраст од 42 години, од селото Грчец, скопско, удрило во 66-годишната Л.Ј. од Скопје, која починала на местото на несреќата, појаснуваат од МВР за МИА. Од страна на лекар од Итната медицинска помош, констатирана била смрт. Извршен бил увид од јавен обвинител и увидна екипа од СВР Скопје.

Пребарувал под урнатините со багер, па зградата започнала да се урива како кула од карти – кога се кренала прашината сведоците останале подзинати (ВИДЕО)

Дарко Андоновски — Fri, 17 Feb 2023 18:24:00 +0000

11 дена по разорниот земјотрес што ги погоди Турција и Сирија, при што загинаа повеќе од 43.000 луѓе, меѓународните хуманитарни агенции ги засилуваат напорите да им помогнат на милиони бездомници, од кои многумина спијат во шатори, џамии, училишта или автомобили. Две лица беа извлечени живи од урнатините во Турција во четвртокот, но таквите исходи стануваат се поретки како што одминува времето. Кај населението преовладува гнев, а надежта постепено умира. Како што објавија локалните власти во петокот, во земјотресот во јужна Турција загинаа најмалку 38.044 луѓе, а властите во соседна Сирија објавија 5.800 загинати. Покрај спасувањето, во тек е и чистење на урнатините и санација на објектите. Некои од нив се толку оштетени што се многу опасни за околното население. Турскиот медиум Сабах објави видео на кое тоа го покажува. Како што пишуваат, багеристот Ведат Јилдирим работел на една таква зграда во областа Антакија. Зградата потоа почнала да се урива, а мажот избегал во последен момент. „Кога сфатив дека зградата ќе се урне, веднаш скокнав од багерот и почнав да трчам. Одеднаш се крена прашина на сите страни. Не знаев каде да бегам“, изјави тој за турската НТВ.

ÖLÜMDEN SANİYELERLE KURTULDU#Antakya’da enkaz bölgesinde çalışma yapan iş makinasının operatörü Vedat Yıldırım, binanın yıkılacağını anlayınca saniyeler içerisinde kendini dışarıya atmayı başardı. #deprem pic.twitter.com/ezU4qeuDH8
— Sabah (@sabah) February 16, 2023

ТРАГЕДИЈА ВО МАКЕДОНСКИ БРОД: Загина работник откако со багер паднал во провалија

Магдалена Андонова — Sat, 16 Jul 2022 14:50:44 +0000

На 15.07.2022 во 11.08 часот било пријавено дека во Македонски Брод, во месноста викана “Долна ричка“, С.С.(65) од Куманово, при изведување градежни работи, односно управувајќи со работна машина “багер“ паднал во провалија и починал на местото на настанот. Од страна на лекар констатирана била смрт. Извршен бил увид од увидна екипа од Полициската станица Македонски Брод. По наредба на Јавен обвинител телото на починатиот е дадено за обдукција.

Донев: Изградивме едно од најдобрите фудбалски игралишта со вештачка трева согласно сите стандарди на УЕФА, за вие снегот на теренот да го чистите со багер!

Магдалена Андонова — Sat, 16 Jan 2021 14:42:58 +0000

„Го изградивме едно од најдобрите фудбалски игралишта во регионот со вештачка трева согласно сите стандарди на УЕФА кое чинеше над 300.000 евра. Вие со багер влеговте да го чистите снегот! Срам да ви е! Ни знаење имате ни здрав разум!“ Фејсбук статус на Сашо Донев

Инцидент во Сопиште: Багер се излизгал од пат, тешко повреден маж

Ивона Петрова — Fri, 15 Jan 2021 09:57:35 +0000

Инцидент во кој едно лице е тешко повредено се случил вчера околу 19 часот во скопско Сопиште. Од МВР информираат дека додека П.А.(30) од с.Ракотинци управувал работна машина-багер, со скопски регистарски ознаки, машината се излизгала од коловозот и го повредила Т.А. од с.Сопиште. -Во незгодата тој се здобил со тешки телесни повреди, констатирани во Комплекс клиники „Мајка Тереза“, истакнуваат од полицијата. Извршен бил увид на местото на незгодата од увидна екипа од СВР Скопје.

ВИДЕО: Поранешен вработен со багер влетал во фабрика и уништил 50 нови автомобили

Ивона Петрова — Mon, 04 Jan 2021 11:26:14 +0000

Неименуван поранешен работник во „Мерцедес“ во погоните во Шпанија одлучил да им се одмазди на поранешниот работодавачи и им направил штета од 5 милиони евра. Работникот, во раните утрински часови на 31 декември ја пробил вратата на фабриката и на паркингот уништил 50-тина нови автомобили кои чекале испорака. Обезбедувањето не можело да го запре, па на крај испукало неколку куршуми во воздух. Дури тогаш работникот го запрел багерот со кој ги уништувал возилата, па обезбедувањето го задржало до доаѓање на полицијата. Багерот го украл од дворот на една градежна фирма и го возел 21 километар до фабриката на Мерцедес. Мажот работел во фабриката во 2016 и 2017 година, а полицијата кривично ќе го гони за кражба и нанесување материјална штета.

Трипуновски: Багерот уште стои – Дали езерата намерно се пресушија за некој да црпи песок?

Ивона Петрова — Thu, 19 Nov 2020 10:36:04 +0000

Езерото го пресушија, ама багерот стои, пишува на Фејсбук Цветан Трипуновски од ВМРО-ДПМНЕ. Во изминатиов период тој неколкупати даваше изјави на лице место покажувајќи на катастрофалната состојба во која се наоѓаат езерата во Македонија, природни и вештачки. Голем дел од нив буквално беа пресушени. -Секако кога за профит се работи нема пречка никаква... Кој профитира од оваа работа? Дали езерата се намерно пресушени, за некој да црпи песок? Уште колку ќе ја пустошите Македонија за да трпате во џеб, прашува Трипуновски.

ФОТО: Општинскиот багер во Могила искористен во партиски цели на СДСМ

Дарко Андоновски — Thu, 02 Jul 2020 13:44:02 +0000

Општински багер во сопственост на општината Могила се употребува во партиски цели на СДСМ. Според фотографијата до која стигна КУРИР се гледа како багерот мести банери на СДСМ во ова населено место. Ова според сите прописи и закони иако е недозволиво и казниво засега никој се нема огласено од општината и власта предводена од СДСМ.

ВИДЕО: Со багер случајно ископале џиновска анаконда па едвај се ослободиле од неа

Дарко Андоновски — Tue, 19 Nov 2019 21:44:24 +0000

Багер случајно закачил анаконда со корпата и едвај се ослободил од неа. На снимка од Индонезија забележан е момент во кој багерот кој копал покрај реката, случајно ископал и џиновска анаконда. Багерот ѝ го пореметил денот на змијата, која најверојатно не знаела што да прави понатаму со себе, па останала на корпата додека багеристот не ја вратил во реката. Збунетата змија останала уште некое време на местото на несреќата, а снимката од несреќната анаконда на која безобразниот багер ѝ го расипал денот, може да ја погледнете во продолжение.