Рецепт за домашен багет кој ќе ве воодушеви: Крцкав однадвор, неодоливо мек одвнатре – Повкусен од купечкиот во продавница (РЕЦЕПТ)

Ристе Здравков — Thu, 03 Aug 2023 07:27:35 +0000

Ќе сакате да го правите секој ден Вистинскиот македонски појадок е незамислив без парче леб или некој друг производ од тесто како пецива, пити и слично. Многу луѓе не можат да одолеат на мирисот на свежо печен леб што се шири низ домот. Доколку сте љубител на француски багет, овој рецепт често ќе го правите. Состојки: 500 гр глатко брашно 370 мл млака вода 1 лажичка сув квасец 1 лажичка сол Подготовка: Сувите состојки измешајте ги во сад, па постепено додавајте ја водата за да се замеси тестото. Кога ќе стане компактно, оставете го во сад да нарасне на топло место околу 45 минути. Покријте го садот со памучна крпа или фолија. По 45 минути, тестото префрлете го на работната површина и со влажни раце замесете го кратко, па обликувајте го во јуфка и оставете го повторно да нарасне околу 45 минути. И овој пат покријте го со крпа. Повторете ја истата постапка на работната површина три пати. Кога трипати ќе го замесите тестото, поделете го на четири дела. Секој дел од тестото нежно обликувајте го во јуфка, покријте сè и оставете уште 15 минути тестото да „одмори“. Нежно истегнете го со прстите на површината во форма на правоаголник и свиткајте го до саканата должина. Секој багет префрлете го во плех и оставете да нарасне околу половина час пред да ги ставите во рерна. Пред да ги испечете багетите, засечете ги малку дијагонално. Во рерна загреана на 250 степени ставете тава до половина наполнета со вода, па кога водата ќе почне да врие, ставете ја тавата со багетите врз неа и печете ги 20 минути на 220 степени. Благодарение на пареата што се шири од долната тава, багетите однадвор ќе бидат крцкави, а внатре меки и воздушести.

Француските багети заштитени како наследство на УНЕСКО

Катерина Бојаџиева — Thu, 01 Dec 2022 08:24:27 +0000

Францускиот багет – „250 грама магија и совршенство“, според зборовите на претседателот Емануел Макрон, и еден од нераскинливите симболи на нацијата, доби статус на наследство на УНЕСКО. – Ова е признание за заедницата на занаетчии пекари и слаткари. Багетата е брашно, вода, сол и квасец – и мајсторство околу лебот, рече во изјавата Доминик Анрак, претседател на Федерацијата на производители на леб. Багетите со крцкава надворешност и мека средина останаа препознатлива француска закуска, заедно со, на пр. – баретите и низите од лук. Затоа, Агенцијата на ОН го даде „Статутот на нематеријалното културно наследство“ на традицијата за готвење багети и начинот на живот што ја опкружува. Од 1970 г. Франција губи околу 400 занаетчиски пекари годишно – од 55.000 (еден на 790 жители) до 35.000 денес (еден на 2.000). Падот се должи на ширењето на индустриските пекари, супермаркети и киосци за брза храна, и во градот во руралните средини. – Првично, багетата се сметаше за луксузен производ, оти работничката класа јадела селски леб, изјави Лоик Бјенасис од Европскиот институт за историја на храна и култура, кој помогна да се подготви досието во УНЕСКО. – Потоа, употребата на овој производ беше широко распространет во 1960-тите и 70-тите, па минатиот век багетите доминираа во селата, рече тој. Раната историја на багетите е прилично нејасна. Своето постојно име го добиле дури 1920 година, кога со закон се дефинирала минималната тежина (80 грама) и максимална должина (40 сантиметри). Според една од легендите, Наполеон наредил лебот да се направи во тенки стапчиња, коишто војниците полесно ќе ги носат. Друга прикаска ги поврзува багетите со изградбата на париското метро на крајот на 19 век и тоа дека полесно се сечат и споделуваат меѓу градежниците. Франција го поднесе своето барање до УНЕСКО на почетокот на 2021 година, бидејќи багетите, избирајќи ги пред цинковите покриви во Париз и Фестивалот на виното во Арбоа.

багет – Kurir.mk

Рецепт за домашен багет кој ќе ве воодушеви: Крцкав однадвор, неодоливо мек одвнатре – Повкусен од купечкиот во продавница (РЕЦЕПТ)

Француските багети заштитени како наследство на УНЕСКО