Бахреин – Kurir.mk

Бахреин со победа над Белгија стигна до следната фаза

Ристе Здравков — Tue, 17 Jan 2023 19:04:59 +0000

Најголемиот триумф попладнево го постигна Бахреин кој со 30:28 (15:12) ја победи Белгија во рамки на дуелот во Малме од Х групата. Со овој триумф оваа репрезентација е во следната фаза и тоа со два пренесени бода, бидејќи за да не се пласира потребно е да се случи големо изненадување Тунис да ја победи Данска. Решавачката разлика Бахреин ја направи кон средината на првиот дел кога од негатива -3 (6:9) дојде до водство од 12:9, кое постојано го одржуваа до крајот на првиот дел и потоа во второто полувреме. Најефикасен беше Котерс од Белгија со 8 голови, а кај Бахреин Мерза Али постигна 6. Репрезентацијата на Германија со победата над Алжир 37:21 (16:9) го освои првото место во групата Е и со четири бодови ќе ги продолжи натпреварите во следната фаза. Очекувано првата позиција во групата Г ја потврди Египет оправдувајќи ја фаворитската улога против САД со триумф од 35:16 (19:7).

Бахриен домаќин на Формула 1 трката до 2036 година

Бошко Тасиќ — Sun, 13 Feb 2022 07:34:00 +0000

Формула 1 ќе се вози во Бахреин и во следните 14 години, откако беше потпишано продолжување на договорот за организација на трката до 2036 година. Бахреин од 2004 година е во календарот на Ф1 и во изминативе 18 години само лани не се возеше, откако трката поради глобалната ковид-пандемија беше откажана, но во 2020 година кога изби ковид-19 на оваа патека се возеа две трки.

Волф очекува договор со Хамилтон до трката во Бахреин

Тале Кристо — Mon, 25 Jan 2021 10:04:19 +0000

Извршниот директор на Формула 1 тимот Мерцедес, Тото Волф, постави нов рок за потпишување на договор со Луис Хамилтон. – Адвокатите работат напорно. Треба да потпишеме до пред Бахреин. Ова е последниот рок, изјави Волф за „ОРФ“. Првата трка од новата Ф1 сезоната ќе се одржи во Бахреин на 28 март. Предсезонските тестови се закажани за 12-14 март на истото место. Волф исто така рече дека не му се заканува на седумкратниот светски шампион со можностна негово место да го донесе Џорџ Расел од Вилијамс. – Нашата долгорочна соработка не вклучува закани. Јас само кажав кои ни се опциите. Во одреден момент ќе го извадиме пенкалото и ќе одлучиме. Сепак, нашата врска со Хамилтон има солидна основа и сакаме да постигнеме уште поголем успех во иднина, истакна Волф.

Претсезонските тестови на Формула 1 ќе се одржат во Бахреин

Ивона Петрова — Wed, 13 Jan 2021 10:15:10 +0000

Тимовите во Формула 1, раководството на тркачката серија и Меѓународната автомобилска федерација (ФИА) се согласија да одржат претсезонски тестови во Бахреин. Според „Аутоспорт“ тестовите ќе се одржат од 12 до 14 март. Првично беше планирано претсезоната да се одржи во Барселона, но одлуката се смени поради одложувањето на Големата награда на Австралија поради пандемијата на коронавирус. Тестовите ќе се одржат точно две недели пред Големата награда на Бахреин, со која започнува сезоната 2021 година. Гран при на Бахреин ќе се одржи од 26 до 28 март.

Бахреин втор во светот издаде дозвола за вакцината на Фајзер

Ивона Петрова — Sat, 05 Dec 2020 07:52:50 +0000

Кралството Бахреин е втора земја во светот што издаде дозвола за итна употреба на вакцината против Ковид-19 на Фајзер и БиоНТек. Дозволата е издадена по детална анализа на сите достапни податоци, јави денеска државната новинска агенција на Бахреин. Кралството не соопшти колку дози на вакцина се набавени ниту кога ќе почне вакцинацијата. Бахреин претходно издаде дозвола за итна употреба на кинеската вакцина што ја разви Синофарм. Вакцината што ја развија американската компанија Фајзер и германската компанија БиоНTек, прва во средата ја одобри Велика Британија.

Најмалку четири жртви при уривање на зграда во Бахреин

Дарко Андоновски — Wed, 10 Oct 2018 08:50:45 +0000

Најмалку четири лица загинаа, а 20 се повредени при уривање на зграда во главниот град на Бахреин, Манама. Министерството за внатрешни работи соопшти дека на лице место биле пронајдени три тела, а четвртото лице починало во болница. Несреќата се случила во предградието на Манама, Салманија.

Даниел Рикардо најбрз на првиот тренинг во Бахреин

Ивона Петрова — Fri, 06 Apr 2018 16:42:05 +0000

Даниел Рикардо од Ред Бул беше најбрз на првиот тренинг пред Големата награда на Бахреин во Формула 1. Рикардо помина 14 кругови, а најбрзиот круг го извозе за време од 1:31.060. Втор беше Валтери Ботас од Мерцедес кој извози 24 кругови, а најбрзиот за 1:31.364. Зад нив беа возачите на Ферари – Кими Рајконен и Себастијан Фетел, додека петти заврши Луис Хамилтон од Мерцедес. Првиот тренинг во Бахрен го одбележа и дефектот на болидот на Макс Ферстапен од Ред бул, кој помина само два круга.