бајадера – Kurir.mk

Посна бајадера со лешници: Рецепт кој љубоморно ќе го чувате

Ристе Здравков — Fri, 16 Dec 2022 12:39:21 +0000

Благодарение на комбинацијата од лешници и ореви, оваа торта има посебен вкус кој долго ќе се памети За време на празничната сезона трпезата е незамислива без бајадера. Овој десерт брзо се прави, може да се чува долго време и е подеднакво вкусен и во посна и во мрсна варијанта. Иако повеќето домаќинки ја подготвуваат бајадерата со мелени ореви, таа е многу повкусна кога ќе се додадат мелени печени лешници. Благодарение на ова јаткасто овошје, мирисот на колачот е различен, исто како и текстурата, а начинот на подготовка не се разликува од класичната мрсна бајадера. Состојки: – 500 гр мелени посни бисквити – 300 мл вода – 200 гр растителен маргарин – 400 гр шеќер – 200 гр чоколадо за готвење – 2 лажици масло – 200 гр ореви – 200 гр печени лешници Подготовка: Посебно смелете 150 грама печени лешници и 200 грама ореви, па оставете ги на страна. Преостанатите 50 грама печени лешници издробете ги за да останат малку поголеми парчиња. Истурете вода во тенџере, додадете шеќер и маргарин и варете додека не зоврие. Тргнете го тенџерето од оган, додадете ги мелените ореви и мелените бисквити, па сè убаво измешајте и поделете на два еднакви дела. На пареа растопете 100 грама чоколадо, истурете во половина од смесата за бајадера и додадете мелени лешници, како и оние дробените. Овој дел од смесата сипете го во тава, а потоа прелијте го со вториот дел од смесата за бајадерата од ореви, мелените бисквити и шеќер, вода и маргарин. На пареа растопете ги преостанатите 100 грама чоколадо со две лажици масло, а потоа премачкајте ја глазурата врз бајадерата и држете го колачот во фрижидер додека не се стегне. Се сече и се сервира.

Посна бајадера (РЕЦЕПТ)

Ристе Здравков — Fri, 17 Dec 2021 16:43:26 +0000

СОСТОЈКИ: 200 гр мелени посни бисквити 100 ГР мелени ореви сок од портокал 100 гр посно чоколадо 100 гр шеќер во прав 100 гр посен маргарин ПРЕЛИВ: 100 гр посно чоколадо 2-3 лажици масло ПОДГОТОВКА: Сомелете ги бисквитите и оревите и измешајте. Додадете растопен маргарин и шеќер во прав и малку сок. Добро измесете со рацете. Поделете на половина. Во едниот дел додадете го стопеното чоколадо и измешајте. Чоколадниот дел ставете го во плех и убаво распоредете го со шпатула. Ставете го светлосниот дел и порамнете го. Посипете со растопено чоколадо во кое сте додале малку масло. Оставете убаво да се стегне во фрижидер. Се сече целосно изладено.

Овој десерт е фантазија: Направете сникерс бајадера

Ивана Ефремовски — Wed, 30 Jun 2021 16:24:27 +0000

Подгответе вкусен десерт, сникерс бајадера. Состојки: 300 грама шеќер 250 мл. вода 200 грама маргарин 100 грама чоколада за готвење 300 грама мелени бисквити 400 грама мелени кикирики (печени, несолени) 1 ванила За глазура: 100 грама чоколада за готвење 3 лажици зејтин 100 грама сецкани кикиритки (печени несолени) Подготовка: Шеќерот со водата се става во сад на оган да зоврие. Откако кратко ќе поврие се додаваат и маргаринот и чоколадата да се растопат. Откако ќе се растопат се трга настрана и се додаваат бисквитите и ванилата. Убаво се промешува и се остава малку да олади смесата за потоа да се додадат и мелените кикирики. Убаво се промешува смесата. Во помало правоаголно плехче (30х20) обложено со фолија се истура смесата, убаво се израмнува и се полева со глазура од чоколада растопена на пареа со 3 лажици зејтин. Се посипува со сецкани кикирики и се става во ладилник да се стегне, потoа се сече на парчиња.

Чоколадна магија: Домашна бајадера готова за 20 минути

Ивана Ефремовски — Thu, 14 May 2020 14:19:11 +0000

Вкусна чоколадна магија која ќе ве маѓепса со вкусот, но и со брзината на приготвување. Има ли некој кој не сака бајадера? Најверојатно не. Направете си дома!

Потребни состојки:

9 лажици вода
200 г шеќер
150 г мелени ореви, бадеми или лешници
250 г мелени бисквити
170 г путер
100 г чоколадо за готвење

За глазурата:

100 г чоколадо за готвење
Малку масло

Начин на подготовка:

Во тенџере ставете ги водата и шеќерот и загревајте на тивок оган додека шеќерот не се растопи во целост. Додадете го путерот, тргнете го тенџерето од оган и мешајте додека не се растопи. Кога путерот ќе биде целосно стопен, додадете ги оревите и бисквитите, а потоа мешајте додека не добиете еднаква, густа смеса. Добиената смеса поделете ја на два еднакви дела. Чоколадото стопете го на пареа и ставете го во едниот дел од смесата. На послужавник поставете мрсна хартија за печење и префрлете ја првата половина од смесата во која додадовте чоколадо. Со рацете обликувајте ја во форма на правоаголник, а горните делови израмнете ги со нож. Врз неа, на истиот начин додадете го и вториот дел од смесата и повторно израмнете. Остатокот од чоколадото стопете го на пареа и додајте малку масло, па потоа прелијте со него врз бајадерата. Оставете ја бајадерата во фрижидер да се стегне, а утредента исечкајте ја на правоаголници и послужете.

Брза бајадера – евтин рецепт за секоја пригода

Ристе Здравков — Sun, 28 Oct 2018 11:13:01 +0000

Направете брза и вкусна бајадера за која целото семејство ќе се радува. Состојки: 300 гр. шеќер 150 гр. мелени бисквити 150 гр. мелени ореви 150 гр. путер 100 гр. чоколадо за готвење 8 лажици вода 100 гр. чоколадо за глазура и 3 лажици масло Подготовка: Се вари шеќерот со вода, па се трга од шпорет, се додаваат бисквити и ореви, па путер и се меша. Се дели смесата на два дела, така што во едниот се става растопено чоколадо, па се премачкува плех со масло и се става темниот слој, па преку него светлиот слој и се остава да се олади. Горе се става глазура од чоколадо растопено со маслото. Се сече потоа.