бајден – Kurir.mk

Бајден ќе предложи пакет од 33 милијарди долари за Украина

Тале Кристо — Thu, 28 Apr 2022 15:00:16 +0000

Вашингтон, 28 април 2022 (МИА) – Американскиот претседател Џо Бајден денеска ќе предложи огромен пакет од 33 милијарди долари за вооружување и поддршка на Украина во нејзината војна против Русија, како и користење на луксузни средства одземени од руските олигарси за да се компензира на погодената држава. Најголемиот дел од предложениот пакет од 33 милијарди долари ќе биде – „20 милијарди долари воена и друга безбедносна помош. Тоа значи дека оружје и муниција треба да дојдат до украинскиот народ“, изјави висок американски функционер. Дополнителна економска помош од 8,5 милијарди долари „ќе и помогне на владата на Украина да одговори на непосредната криза“, додека околу 3 милијарди долари се предложени за финансирање хуманитарна помош и справување со глобалниот шок за цените на снабдувањето со храна. Предложениот пакет вклучува и финансирање за справување со економските нарушувања во САД и на други места, кои се движат од влијанието врз снабдувањето со храна до достапноста на критичните компоненти што се користат во производството на висока технологија. Конгресот треба да го одобри барањето и додека и републиканците и Демократската партија на Бајден сигнализираа дека сакаат да продолжат да ја поддржуваат Украина, неповрзаниот спор околу барањето на Бајден за милијарди долари ново финансирање за пандемијата со Ковид-19 се заканува да го комплицира процесот на одобрување, јавија американски медиуми.

Си-Ен-Ен: Администрацијата на Бајден објави тајни документи

Тале Кристо — Thu, 16 Dec 2021 07:09:05 +0000

Администрацијата на американскиот претседател Џо Бајден објави тајни документи, а некои историчари и теоретичари на заговор веруваат дека тоа би можело да фрли нова светлина врз атентатот на Џон Кенеди во 1963 година, јави Си-Ен-Ен. Но, тоа што се објавени над 1.500 документи не значи дека сите се објавени. Голем број документи се уште се недостапни и делумно цензурирани, така што вечната дебата меѓу федералните власти и луѓето што го истражуваат атентатот на Кенеди ќе продолжи. Долгогодишните истражувачи на овој историски настан велат дека во објавените документи најверојатно не се вклучени оние кои би можеле да понудат некои нови клучни докази и да ги променат фактите што јавноста ги знае за овој настан, како и околностите пред и по атентатот. Во октомври, Бајден го одложи објавувањето на документите со цел да ги заштити работите важни за САД. Тој тогаш постави два рока за објавување, денешниот датум и 15 декември следната година. Тогаш ќе бидат објавени новите документи.

Бајден ветува четири милијарди долари за програмата „Ковакс“

Тале Кристо — Fri, 19 Feb 2021 06:48:17 +0000

Американскиот претседател Џо Бајден ќе вети, за време на самитот на Г-7, дека САД ќе одвојат четири милијарди долари за програмата за дистрибуција на вакцините против Ковид-19, „Ковакс“, соопшти Белата куќа. Првата транша од две милијарди долари ќе биде исплатена „многу брзо“, изјави висок американски функционер. Втората транша од уште две милијарди американски долари постепено ќе се пренесува во текот на две години, во 2021 и 2022 година. Програмата „Ковакс“ планира да обезбеди вакцини против Ковид-19 оваа година за 20 проценти од населението од речиси 200 држави, но најмногу се потпира на такви механизми за финансирање што им овозможуваат на 92 земји со ниски и средни приходи да добијат пристап до вакцини.

Бајден не верува дека до крај на летото во САД може да се постигне имунитет на стадо

Тале Кристо — Mon, 08 Feb 2021 06:38:44 +0000

Американскиот претседател, Џо Бајден, денеска изјави дека ќе биде тешко САД до крајот на летото да го достигнат имунитетот на стадо, што конкретно значи дека најмалку 75 проценти од населението да е вакцинирано против коронавирусот. Бајден за Ес-БиСи Њуз изјави дека е тешко да се реализира идејата САД да постигнат имунитет кон стадо пред крајот на летото. Според Центрите за контрола и превенција на болести, САД досега дале точно 41.210.937 дози од вакцините против Ковид-19, а низ земјата дистрибуирале 59.307.800 дози.

Бајден ја потпиша уредбата за купување американски производи

Тале Кристо — Tue, 26 Jan 2021 07:29:17 +0000

Американскиот претседател, Џозеф Бајден, го потпиша указот за набавка на американски производи, со што се очекува да се обезбеди поддршка за американското производство и претприемачи. -Кога купуваме американско ќе набавуваме од цела Америка – од сите нејзини заедници што во минатото беа изоставени од системот за јавни набавки, рече Бајден по потпишувањето на указот. Клучниот план за обезбедување на иднината, како што истакна, ќе биде купувањето американски производи, пренесе „Гласот на Америка“. -Ќе ги искористиме парите на даночните обврзници за да ја изградиме Америка, рече Бајден. Според него, ова е најголемиот чекор напред во областа на инфраструктурата, истражувањето и развојот уште од Втората светска војна. -Според регулативата, ќе треба да се произведуваат повеќе компоненти во САД, рече Бајден. Со уредбата се потенцира примената на законот од 1920 година, според кој стоките и производите меѓу американските пристаништа се превезуваат со бродови чии производители, сопственици и оние кои управуваат со нив се американски државјани или граѓани со дозвола за постојан престој, наведува „Гласот на Америка“.

Бајден: САД до лето може да имаат колективен имунитет

Тале Кристо — Tue, 26 Jan 2021 07:14:59 +0000

САД до лето ќе бидат на добар пат да постигнат колективен имунитет, бидејќи новиот владин план е секој ден да се вакцинираат 1,5 милиона граѓани, денеска изјави американскиот претседател, Џозеф Бајден. Дистрибуцијата на вакцините до милиони Американци, споре него, „ќе биде логистички предизвик што надминува се што досега е испробано во САД“, пренесе Индипендент. -Мислам дека можеме да го сториме тоа. Уверен сум дека до летото ќе бидеме на добар пат да добиеме колективен имунитет или да вакцинираме 300 милиони Американци, рече Бајден. Американскиот претседател е убеден дека САД можат да го поразат коронавирусот, но дека со вирусот ќе мора да се носат до почетокот на есента.

Фаучи: Планот за вакцинација на Бајден е тешко остварлив

Тале Кристо — Sun, 24 Jan 2021 20:50:44 +0000

Американскиот епидемиолог Ентони Фаучи денеска изјави дека е тешко да се постигне целта на претседателот Џо Бајден да спроведе 100 милиони вакцинации во првите 100 дена, иако САД неодамна може да вакцинираат околу милион луѓе на ден. Тој објасни дека ќе биде потешко да се стигне до луѓето откако ќе се дадат инјекциите надвор од болници и домови за стари лица. Фаучи, владин експерт за заразни болести, рече дека целта на претседателот се однесува на 100 милиони вакцини, а не луѓе, бидејќи вакцините се даваат во две дози. Фаучи, исто така, за Си-Би-Ес изјави дека националната комисија треба да сфати некои проблеми во координирањето на одговорот на Ковид-19 на државно и на локално ниво, бидејќи на сојузните држави не треба да им се „кажува дека се сами“. Рон Клајн, шеф на кабинетот на Бајден, ги нарече 100-те милиони вакцини за 100 дена „многу смела и амбициозна цел“. Тој за Ен-Би-Си изјави дека тоа нема да ја спречи администрацијата да поставува повисоки цели доколку е изводливо.

Џонсон: Се радувам на соработката со новиот шеф на американската држава

Тале Кристо — Sun, 24 Jan 2021 08:11:11 +0000

Британскиот премиер Борис Џонсон по вчерашниот прв телефонски разговор со претседателот на САД, Џо Бајден, изјави дека се радува на соработката со новиот шеф на американската држава на нивните заеднички цели, вклучително борбата против климатските промени. Според портпаролка на Џонсон, британскиот премиер топло ја поздравил одлуката на Бајден за повторно приклучување во Парискиот договор за климатски промени. – Осврнувајќи се на долгата историја на соработка меѓу Обединетото Кралство и САД во безбедноста и одбраната, двајцата лидери повторни му се посветија на НАТО и заедничките вредности во промовирањето на човековите права и заштита на демократијата, нагласи портпаролката.

Повеќе од 100 припадници на американската Национална гарда кои ја обезбедуваа инаугурацијата на Бајден позитивни на Ковид-19

Тале Кристо — Sat, 23 Jan 2021 08:15:37 +0000

Меѓу 100 и 200 припадници на Националната гарда кои ја обезбедуваа инаугурација на американскиот претседател Џозеф Бајден се позитивни на коронавирусот, соопштил американски официјален претставник. Службеникот, кој се согласи да зборува под услов да остане анонимен, рекол дека бројот на заразени може да биде многу поголем, бидејќи тој ден во градот имало 25.000 припадници на безбедносните сили. Тој напомена дека тоа е сепак мал број на заразени, земајќи предвид колку војници биле присутни.

Овој странски лидер е првиот кој што разговарал со новиот американски претседател Џо Бајден

Тале Кристо — Sat, 23 Jan 2021 07:56:55 +0000

Канадскиот премиер Џастин Трудо и американскиот претседател Џо Бајден планираат да се состанат следниот месец, соопшти кабинетот на премиерот по телефонскиот разговор меѓу двајцата лидери за односите меѓу двете земји, во кој се согласија да ги здружат силите во борбата против коронавирусот во Северна Америка. Белата куќа потврди дека двајцата лидери ја нагласиле „стратешката важност на американско-канадските односи“ во вчерашниот разговор, како и дека дискутирале за поширока соработка, вклучително и за борбата против пандемијата на Ковид-19 и справување со климатските промени. Потврдено е дека Трудо и Бајден повторно ќе разговараат за еден месец, а канадскиот премиер е првиот странски лидер што разговарал со Бајден од неговата инаугурација во средата.