Бајрам Реџепи: Гасоводот ќе се гради низ Водно бидејќи друга алтернатива ќе предизвика фининсиски импликации.

Матеја Петровски — Thu, 13 Sep 2018 14:18:56 +0000

Директорот на јавното претпријатие Македонски енергетски ресурси, Бајрам Реџепи, во дебата посветена на изградбата на гасоводот по сртот на Водно во емисијата “Економски Магазин“ на Алсат-м телевизија, потврди дека и покрај спротиставувањето на граѓанските здруженија за спас на Водно, гасоводот ќе проголжи да се гради по веќе зацртаната траса низ Водно. -Изградбата на гасоводот низ Водно секако дека ќе продолжи и тоа од три причини. Првата бидејќи ние ги поседуваме сите видови валидни документи кои се правосилни, сите видови дозволи од важни институции во земјава и секако поради други две причини, затоа што цениме дека во оваа фаза на реализирање на проектот не е можно да се прекинат работните активности, и второ бидејќи нема алтернативна траса која е помалку штетна за градот Скопје и трето бидејќи другиот дел каде треба да се гради како алтернатива во оваа фаза ќе предизвика големи фининсиски импликации, рече Бајрам Реџепи, директор на МЕР. На прашање на новинарот дали е можно да се смени трасата за изградба на гасоводот, затоа што и невладините организации се против оваа траса, директорот на МЕР, Реџепи одговори дека, во оваа фаза од реализацијата на проектот е невозможно да се разгледа опцијата за промена на трасата на гасоводот, бидејќи ценеле дека влијанието на реализација на проект кој поминува низ Водно врз градот Скопје е релативно мало, дури и незначително.

Ќе има ли јавна дебата за гасоводот на Водно? Реџепи засега вели дека нема да прифати, Макрадули прифаќа, од кај Шилегов молк

Матеја Петровски — Mon, 27 Aug 2018 14:52:43 +0000

На сртот на планината Водно веќе е започната изградбата на гасоводот, против кој се повеќе граѓански организации, но власта не отстапува од планот токму таму да се ископа трасата Делницата 5 на гасоводот до Тетово и Гостивар. Токму поради овој проблем, активистите од граѓанското здружение „Го сакам Водно“ на јавна дебата ги повикуваат Бајрам Реџепи, директорот на Македонските енергетски ресурси, Петре Шилегов, градоначалникот на Скопје и Јани Макрадули, заменик министерот за живот средина. - Транспарентноста ви беше пред сѐ! Тогаш да не одложуваме. Вие кажете кога - ние чекаме. Јавноста нека одлучи, граѓаните нека пресудат. Ве молиме БЕЗ замени. Присутноста е задолжителна во име на ветеното 'граѓанско општество со кое сите ќе се гордееме'“, се вели во повикот. Редакцијата на Курир постави прашање до трите поканети страни дали ќе присуствуваат на оваа јавна дебата. Директорот на Македонски енергетски ресурси, Бајрам Реџепи, во телефонска изјава за Курир кажа дека во моментов не е во државата, кажа дека нема да ја прифати поканата доколку не биде организирана од некоја институција. -Сигурно вака нема да прифатиме, мора да биде сериозно организирано од некоја институција. Надвор од државата сум, кога ќе се вратиме ќе зборуваме, кажа Реџепи во телефонска изјава за Курир. Прашањето дали ќе ја прифати поканата од „Го сакам Водно“ го поставивме и до заменик министерот за животна средина, Јани Макрадули, кој кажа дека ќе присуствува на јавната дебата, но после први септември, бидејќи оваа недела бил на конференција во Сараево. Истото прашање беше поставено и до Град Скопје, од каде се уште немаме добиено одговор дали градоначалникот Петре Шилегов ќе биде дел од јавната дебата за гасоводот кој треба да поминува низ Водно. Одговор од кабинетот на Шилегов чекаме од утрово, но од таму само молк. Инаку, покрај граѓанските здруженија и голем број граѓани гласно го изразуваат револтот поради започнатата изградба на гасоводот, од која власта не отстапува.

бајрам реџепи – Kurir.mk

Бајрам Реџепи: Гасоводот ќе се гради низ Водно бидејќи друга алтернатива ќе предизвика фининсиски импликации.

Ќе има ли јавна дебата за гасоводот на Водно? Реџепи засега вели дека нема да прифати, Макрадули прифаќа, од кај Шилегов молк