бакингемска палата – Kurir.mk

Кралското семејство одбројува: 100 дена до крунисувањето на Чарлс Трети, објавени деталите

Ивона Петрова — Thu, 26 Jan 2023 17:49:09 +0000

Бакингемската палата објави дополнителни детали за церемонијалните, славенички настани што ќе се одржат за време на викендот за крунисување на кралот Чарлс Трети, меѓу 6-ти и 8-ми мај 2023 година. Крунисувањето на кралот и кралицата ќе се одржи во Вестминстерската опатија на 6 мај. Службата ќе ја води надбискупот од Кентербери. Како што претходно беше најавено, службата ќе ја одразува улогата на монархот денес и ќе гледа кон иднината, а притоа ќе биде вкоренета во долготрајните традиции и величественост. Во текот на викендот за крунисување, ќе има дополнителни можности за луѓето да се соберат на прославата на историскиот повод. Во недела, 7-ми мај, специјален концерт за крунисување ќе биде организиран и емитуван во живо во замокот Виндзор од страна на Би-Би-Си. Во понеделник, 8-ми мај, јавноста ќе биде поканета да учествува во The Big Help Out, што ќе ги охрабри луѓето да се обидат сами да волонтираат и да се приклучат на работата што се презема за поддршка на нивните локални области.

Кралската палата во паника: Принцот Хари пишува мемоари, познато кога ќе бидат објавени

Ивона Петрова — Fri, 28 Oct 2022 07:57:36 +0000

Долгоочекуваните мемоари на принцот Хари ќе бидат објавени на 10 јануари, пишува Њујорк Тајмс. Според странските медиуми, датумот на издавање на книгата беше одложен поради смртта на кралицата Елизабета Втора, која почина на 8 септември. Мемоарите се очекува да опфатат сè од детството на Хари до неговата воена служба во Авганистан, бракот со Меган Маркл, раѓањето на нивните деца, синот Арчи и ќерката Лилибет, а сите со нетрпение чекаат да видат дали и што ќе открие за врската во кралскиот двор и периодот кога тој одлучи да го напушти кралското семејство заедно со сопругата.

-Ова не го пишувам како принц каков што сум роден, туку како човек во кој станав, изјави претходно Хари, истакнувајќи дека во текот на животот сменил многу улоги и дека се надева дека со својата приказна за грешките и лекциите кои ги научил, ќе им помогне на другите да разберат дека без разлика од каде доаѓаат, имаат многу заеднички работи што ги поврзуваат. -Длабоко сум благодарен за можноста да го споделам она што го научив во текот на мојот живот и возбуден сум што луѓето ќе прочитаат од прва рака за мојот живот кој е апсолутно вистинит, рече Хари. Се претпоставува дека средствата од продажбата на книгата ќе бидат донирани во хуманитарни цели. Принцот Хари се уште не се огласил за ова.

Кралот Чарлс Трети прекинува традиција долга 185 години

Ивона Петрова — Sun, 16 Oct 2022 20:56:44 +0000

Кралот Чарлс Трети и кралицата сопруга Камила не планираат да се преселат во официјалната резиденција во која живеела кралицата Елизабета, во Бакингемската палата, пренесуваат британските медиуми. Кралската двојка не планира да се всели во официјалната кралска резиденција, каде што живеат сите британски кралеви и кралици од 1837 година, кога на тронот дојде кралицата Викторија. Палатата се реновира и треба да биде отворена во 2028 година. Неговото височество и сопругата кралица Камила одлучиле да останат во нивната резиденција Кларенс Хаус, која е на неколку минути пешачење од Бакингемската палата, каде што живеат од 2003 година. Бакингемската палата ќе продолжи да биде официјална резиденција на монархијата. Кралот Чарлс смета дека палатата не е прилагодена на модерниот начин на живот и модерните погледи на светот, ниту во финансиска, ниту во еколошка смисла. Тој сака да ја отвори Бакингемската палата за јавноста. Како што пишуваат британските медиуми, кралот Чарлс смета дека сè треба да еволуира, а во модерната ера луѓето сакаат да ги посетуваат палатите. Тие треба да бидат јавен простор за посетители. Во Бакингемската палата наводно се размислува за постојана изложба во чест на кралицата Елизабета Втора.

СРЦЕПАРАТЕЛНИ ФОТОГРАФИИ: Деца оставаат цвеќе пред Бакингемската палата – граѓаните му оддаваат почит на принцот Филип

Магдалена Андонова — Fri, 09 Apr 2021 13:36:07 +0000

Голем број обожаватели на британското кралско семејство се собраа пред Бакингемската палата да му оддадат последна почит на принцот Филип, кој почина утрово. Набргу откако британското кралско семејство објави дека сопругот на кралицата Елизабета починал, голем број Британци почнале да носат цвеќиња и палат свеќи пред портата на палатата. Британското знаме на судот беше спуштено на половина копје во жалост. Собраните луѓе се приближуваат до портата, оставаат цвеќе, а повеќето од нив ги почитуваат сегашните епидемиолошки мерки. Како одминува времето, сè повеќе луѓе доаѓаат, а според сегашните проценки, стотици луѓе има пред портите на палатата. Голем број новинари и телевизиски екипи се присутни на самото место.

Бакингемската палата се огласи по шокантното интервју на Меган и Хари

Ивона Петрова — Wed, 10 Mar 2021 08:00:54 +0000

Прашањето за расата, кое го покренаа принцот Хари и Меган Маркл во интервјуто со Опра Винфри, е загрижувачко и семејството ќе го решава приватно, соопшти вчера Бакингемската палата. Парот во интервјуто истакна дека членови на кралското семејство биле загрижени колку ќе биде темна бојата на кожата на Арчи, пред тој да се роди, па поради тоа е одлучено тој да не ја добие титулата принц. Палатата објави дека „сеќавањата може да се разликуваат“, но дека изнесените тврдења во нивното интервју се „земаат многу сериозно“. Во соопштението е наведено и дека кралското семејство е тажно откако дознао колку последните години биле предизвикувачки за парот. -Хари, Меган и Арчи секогаш ќе бидат многу сакани членови на семејството, се наведува во официјалното соопштението. Притисокот на Бакингемската палата беше исклучително голем по изјавата на Меган, дека најниската точка во семејните односи била кога неименуван член на кралското семејство го прашал Хари „колку е темна“ кожата на нивниот син Хари. Принцот Хари подоцна појасни дека таков коментар не стигнал ниту од кралицата Елизабета Втора, ниту од нејзиниот сопруг принцот Чарлс.

Бакингемската палата негира дека го промениле името на Арчи во изводот за родени

Тале Кристо — Tue, 02 Feb 2021 13:22:59 +0000

Бакингемска палата е во спор со канцеларијата на Меган Маркл, по изјавата на високо избрани извори за „Дејли Бист“ дека всушност името на Арчи, синот на Маркл во изводот за родени е сменето од нејзината канцеларија. Претставниците на Меган инсистираат дека таа стои зад нејзиното тврдење и нема апсолутно никаква вмешаност во промената на името. -Промената на името на јавните документи во 2019 година беше диктирана од Палатата, како што беше потврдено со документи од високи претставници на Палатата. Ова не беше побарано од Меган, војвотката од Сасекс ниту од војводата од Сасек, изјави портпаролот на Меган. Законот на Велика Британија налага дека само родителите на детето можат да го сменат изводот на родени. Од Бакингемската палата за „Дејли Телеграф“ велат дека за промената на сертификатот на Арчи се работи само за „свештеничка грешка и ништо повеќе од тоа“.

Бакингемската палата ќе блокира „непристојни пријатели“

Дарко Андоновски — Mon, 04 Mar 2019 17:24:35 +0000

Членовите на Бакингемската палата денеска донесоа нови „упатства“ и предупредуваат дека ќе ги блокираат оние кои на налози на нивните социјални мрежи ќе поставуваат пораки со навредлива содржина и дека ќе ги пријават во полиција. Издадени се нови упатства кои содржат политика што брани од навреди, омраза и расизам. Твитер налогот на кралското семејство има околу 3,87 милиони следбеници.

Нема опасност пред Бакингемската палата, сообраќајот нормализиран

Даниел Василев — Mon, 09 Apr 2018 10:59:19 +0000

Веќе не постои опасност во реонот на Багингемската палата во Лондон во врска со сомнителното бело комбе, кое беше паркирано во близина на официјалната резиденција на британската кралица Елизабета Втора, соопшти полицијата. По извршениот полициски увид утврдено е дека возилото не претставува опасност и сообраќајот околу палатата е нормализиран. Претходно беше соопштено дека лондонската полиција уапсила едно лице, а околу Багингемската палата е поставен кордон, откако во близина било запрено едно сомнително возило. Бил приведен маж на возраст од 30 години под сомнеж дека го нарушувал јавниот ред и мир. МИА