бактерија – Kurir.mk

Опасна бактерија усмрти четири лица во Хрватска

Катерина Бојаџиева — Thu, 02 Feb 2023 18:37:12 +0000

Инвазивната бактериска стрептококна инфекција е многу сериозна болест, доказ за тоа се четирите смртни случаи од 15 што се разболеле, вели д-р Ивана Павиќ-Шиметин, заменик-директор на Хрватскиот институт за јавно здравје (ХЗЈЗ). Тие биле на возраст од 35 до 65 години и претходно биле целосно здрави. Двајца починале во првите 24 часа по приемот во болница. Две деца на училишна возраст се меѓу 15-те случаи на инвазивни стрептококи. Четворицата починати не живееле во исти области, дознава „24часа.хр“. „Меѓу тие шест илјади има 15 што имаат тешка компликација на основната болест, чија смртност е многу висока. Бактеријата не останува во грлото или на кожата, туку може да ги нападне менингите и да предизвика менингитис или да влезе во крвотокот предизвикувајќи сепса, која потоа ги зафаќа сите органи“, објаснува Павиќ Шиметин за „24часа.хр“. „Страшно, навистина страшно. Двајца од четворицата починале во рок од 24 часа по примањето во болница. Стрептококите многу бргу се развиваат во сериозна болест. За среќа, огромното мнозинство од заразените останува со ангина или шарлах, кои исто така не се благи заболувања. Секој што ги имал знае колку се тешки“, вели докторката.

Салиу: Опасните бактерии МРСА и ацинетобактер детектирани на КАРИЛ

Ивона Петрова — Wed, 30 Nov 2022 07:00:10 +0000

Новинарот Фуркан Салиу во објава на социјалните мрежи пишува дека во интензивниот оддел во КАРИЛ детектирани се две опасни бактерии МРСА и ацинетобактер. -Знаете колку голема стана темата со интрахоспитални инфекции пред некое време? Секако оправдано знаејќи како се третираат во нормални држави и како се третираат кај нас. Имено, според наши извори во интензивниот оддел во #КАРИЛ детектирани се две опасни бактерии: #МРСА и #АЦИНЕТОБАКТЕР. МРСА знаеме колку брзо се шири и за пациенти во тешка состојба какви што се во интензивниот оддел на КАРИЛ можат да бидат и фатални. Што прават нашите институции? Па да, може да претпоставите... Спијат. На 21.11 откриено присуство на МРСА кај 4 пациенти, а кај едниот и присуство на ацинетобактерија. После три дена, а не после 48 часа како што е пропишано во законот за заштита од заразни болести се информира одделот дека има присуство на две опасни бактерии. Осум дена покасно, институциите немаат врска што се случува. Одамна немало појава на вакви бактерии и одеднаш се појавуваат што значи дека најверојатно е внесен. Наместо да се земат брисеви од вработени, и да се следат сите други инструкции ова е на пример одговорот на ИЈЗ. “Во врска со Вашето прашање за пријавени интрахоспитални инфекции од КАРИЛ, би сакале да Ве известиме дека до ИЈЗ - Оддел за епидемиологија на заразни заболувања, од страна на Центрите за јавно здравје не е доставена пријава за интрахоспитална инфекција од посочената установа. Во однос на прибирање пријави за интрахоспитални инфекции, нивна анализа и превземање соодветни мерки, надлежна установа е Центар за јавно здравје, а за посочената установа надлежен е Центар за јавно здравје Скопје.“ А од Центарот за јавно здравје велат дека имаат пријава за еден пациент, кој најверојатно е друг случај. И додека институциите се разберат како и што треба, којзнае (а ќе дознаеме) дали сите 4 пациенти сеуште се живи. Но еве и во случај да се побара изолација на просторијата и преместување на пациентите, во КАРИЛ нема резервна соба за интензивна нега. Господ и да сака да ни помогне со ваков здравствен систем едноставно НЕ МОЖЕ. Секако, се собираат и други детали од целава прича па ако институциите не удостојат со точни и навремени одговори можеби и ќе склопиме сторија, стои во објавата на Салиу.

Итно се повлекуваат виршлите од познатиот бренд од маркетите, пронајдена бактерија

Ивона Петрова — Thu, 22 Sep 2022 09:10:33 +0000

Врз основа на добиена нотификација за пласиран небезбеден производ на пазарот во Република Северна Македонија, – виршли од брендот Wudy, кај кои вo земја членка на ЕУ, било утврдено присуство на бактерија Listeria мonocytogenes ST 155, како контакт точка на Системот за брзо предупредување за храна и храна за исхрана на животни (RASSF) на Европската унија, Агенцијата за храна и ветеринарство (АХВ), нареди итно повлекување на следниве небезбедни серии од овој производ: Кај компанијата увозник извршен е вонреден инспекциски надзор и утврдено е дека од спорните серии, кои во земјава биле увезени во неколку наврати, во магацините се наоѓаат 3 030 килограми, кои се ставени под службен надзор. Овие количини, нештетно ќе бидат уништени заедно со количините кои ќе бидат повлечени од пазарот. За небезбедниот производ преку RASSF системот на ЕУ известила Италија, која врз основа појавата на труење предизвикано со патогената бактерија Lysteria monocitogenes ST 155 ја креирала наведената нотификација која била поткрепена и со лабораториска анализа. Спорните серии од производителот Agricola Trevalli Soc Coap ARL од Италија во земјава биле увезени преку компанијата Колид С Тим од Колешино Струмица. Се повикуваат потрошувачите кои ги имаат купено посочените серии од производот истите да не ги употребуваат, односно, да ги вратат на местото каде се купени. Секоја недоследност во однос на безбедноста на храната граѓаните можат да ја пријават лично до Одделението за заштита на потрошувачите при АХВ, на бесплатната телефонска линија наменета за потрошувачите 0800 3 22 22, или електронски на [email protected].

Откриена најголемата бактерија на светот, може да се види и со голо око

Катерина Бојаџиева — Fri, 24 Jun 2022 06:33:21 +0000

Научниците ја открија најголемата бактерија во светот што може да се види и со голо око. Таа е најдена во карипско мочуриште на архипелагот Гвадалупе каде што расте мангрова дрво, објави денеска во списанието „Сајенс“ (Science). 3а илустрација, истражувачите ја споредуваат со паричка со просечна големина. – Издолжената бела бактерија (со филаментозен облик) е голема колку човечка трепка, што ја прави најголемата бактерија позната досега, истакна Жан-Мари Волан, морски биолог од Националната лабораторија „Лоренс Беркли“ во САД и еден од авторите на трудот. Оливие Грос, биолог на Универзитетот на француска Западна Индија и Гвајана, во 2009 година го пронашол првиот примерок на оваа бактерија, чие живеалиште се потопени лисја од мангрови дрвја. Бактеријата долга околу 0,9 сантиметри е наречена „Тиомаргарита магнифика“ (Thiomargarita magnifica) или – „величествен сулфурен бисер“. Грос тогаш не знаел дека организмот е бактерија. Дури подоцна генетската анализа покажала дека организмот е една бактериска клетка. Во мочуриштето тој ја пронашол бактеријата прикачена на школки остриги, камења и стаклени шишиња. Научниците сѐ уште не успеале да ја одгледаат бактеријата во лабораторија, но велат дека нејзините клетки имаат структура што не е вообичаена за бактериите. Научниците не се сигурни зошто бактеријата е толку голема, но Волан шпекулира дека тоа би можело да биде поради нејзината адаптација – за да не ја јадат помалите организми.

Пронајдени бактерии непознати за човековиот имунолошки систем

Ивона Петрова — Mon, 05 Apr 2021 09:54:21 +0000

Бактерии кои научници ги собрале на четири километри под површината на Тихиот Океан се толку непознати за човековиот организам што се дури невидливи за нашиот имунолошки систем. Овие наоди се целосно спротивни на едно од главните начела на имунологијата, дека човековиот имунолошки систем еволуирал толку да може да го регистрира секој поединечен микроб. За да се тестира ова начела, наулниците морале да најдат бактерија за која е малку веројатно дека досега имала контакт со имунолошки систем на цицач. -Не баравме само на голема длабочина, туку и на подрачјето на Тихиот Океан кој е најзаштитен и најодалечен, објаснува морскиот еколог Ренди Роџан од Универзитетот во Бостон. -На длабочина од 4000 метри нема цицачи, а се работи за екваторијално подрачје на кое нема китови. Тоа беше добро место за истражување на бактерии кои се целосно различни од оние со кои се среќаваме на копното, додава тој. Научниците со подморница собирале морски бактерии од примероци вода, сунѓери, морски ѕвезди. Потоа во лабораторија размноѓиле 117 пронајдени соеви на бактерии. Невидливи за нашиот имунолошки систем Откако ги проучиле нивните карактеристики, внесе 50 соеви во имунолошките ќелии на глувци и луѓе. На нивно изненадување откриле дека 80 проценти од микробите, кои припаѓаат на видот Moritella, биле целосно невидливи за имунолошкиот систем. Рецепторите на имуно-ќелиите воопштво не реагирале на овие микроби. Бактериите не се опасни за луѓето Овие бактерии за среќа не претставуваат опасност за човековиот организам. -Малку е веројатно дека по нас, луѓето, овие бактерии се опасни бидејќи температурата, притисокот и хемиското опкружување во нашето тело се различни од оние во океанот. Тие бактерии не би преживеале долго надвор од своето природно живеалише, објаснува Роџан.

Пред половина век пронајдена е бактерија клучна за откривање на коронавирусот

Ивана Ефремовски — Sat, 11 Apr 2020 09:25:39 +0000

Во топлите извори на Јелоустоун опстојуваат различни микроби, а некои од нив се клучни денес за откривање на новиот коронавирус. Јелоустоун е одлично засолниште за микроскопски суштества. Во своите 10.000 хидротермални појави на фумарол, сулгурни калливи извори, топли извори, преживуваат различни микроби. Меѓу нив се невообичаени суштества кои микробиолозите ги нарекуваат екстрофили, а кои заземаат видно место помеѓу значајните научни откритија. Во 1965 година, микробиологот Томас Брок во изворот Октопод забележал „розеви желатинозни маси, очигледно биолошко потекло, на неверојатно високи температури“. Овие влакнести организми преживеале на температура од 82 степени Целзиусови, што е изненадувачки, во време кога се сметало дека бактериите не може да преживеат на температура над 60 степени. Брол се вратил на локацијата една година подоцна со студентот по име Хадсон Фриз и заедно собрале еден поинаков организам, жолтеникава бактерија склона кон загревање, која Брок ја нарекол Thermus aquaticus. Со одгледувањето на бактеријата резултирала до ензими кои реплицираат ДНК при високи температури, а овој ензим ја направил полимеризацијата на ланецот да стане корисна. Денес клучна алатка во молекуларната биологија, синџирот на полимеризацијата му донесе Нобеловата награда за хемија во 1993 година на биохемичарот Кери Малис. Моментално, оваа бактерија се користи за засилување на сигналот на вирусот во повеќето достапни тестови за Ковид-19, пишува National Geographic. Откако новиот коронавирус го заобиколи светот, тестирањето стана срж на следењето и се надеваме на сопирање на напредокот на пандемијата. Процесот PCR, кој е од витално значење на тестот е релативно брз и едноставен, благодарејќи на групата бактерии кои живеат во термалните базени на Јелоустоун. PCR технологијата помага во спасувањето животи“ - вели молекуларниот биолог Остин Шул од презберијанскиот колеџ во Јужна Каролина.

Бактеријата која живее на кожата на секој од нас станува отпорна на лекови, во овие случаи може да биде фатална

Ивона Петрова — Sat, 01 Dec 2018 20:03:45 +0000

Бактеријата која живее на кожата на секој од нас, мутирала против лекови и може да предизивка голем број инфекции по хируршки интервенции, предупредуваат научниците. Бактеријата е слична на супербактеријата MRSA која веќе одамна е отпорна на антибиотици. Страфилококус епидермис живее обично без негативно влијание, на кожата од секој од нас, но може да се внесе во организмот и после операција да предизивка сериозни инфекции. Научниците идентификувале многу опасна форма на бактерија на кожата кај луѓето кои добиле инфекција по операција. Бактеријата секогаш наоѓа нови начини да опстане на површината на кожата, а видовите кои се отпорни на лекови може лесно лесно да се прошират. - Страфилококус епидермис е смртоносен патоген. Се уште клинички се игнорира бидејќи често се претпоставува дека е во прашање зараза преку лабораториски инструменти и се прифаќа како ризик кој со себе ја носи секоја интервенција. Постоперативнити инфекции може да бидат многу опасни и смртоносни, вели професорот Сем Шепард. За да се спречи смртноста од оваа опасна бактерија неопходно е да се утврди кои пациенти се најзагрозени и да се применат најстроги мерки на хигиена кај нив. Мал број на зрави пациенти ја носат оваа бактерија на својата кожа, па ризикуваат да се инфицираат по операција. Доколку нешто не се преземе, постои опасност болеста да се прошири на светско ниво и постоперативните инфекции да ги направи тешко излечиви со обични антибиотици. Ваквите инфекции тешко се дијагностицираат, па постои надеж дека гените кои се поврзани со оваа болест може да укажат на тоа кој е изложен на поголем ризик.