балада – Kurir.mk

„Тајфата“ со љубовна балада им го честита 8-ми Март на дамите (ВИДЕО)

Ивана Ефремовски — Mon, 08 Mar 2021 09:33:29 +0000

Музичкиот бенд "Тајфата" на својот јутјуб канал ја промовираше новата песна и видео запис за својот најнов производ "Љубов без крај". Песната е балада и според вокалот на бендот Владимир Богески целта на денешното објавување на истата е да им го честитаат празникот 8-ми Март на сите припаднички на понежниот пол, согласно можностите кои што ги има во оваа ковид пандемија. -Денес премиерно ја објавуваме нашата нова балада "Љубов без крај" која што е снимена во студиото " Р мјузик студиo - Рубин Димкоски", а додека за видео записот се изработен од продукција, Тајфата заедно со Фан продакшн-Зоран Пилата. Симболично го одбравме 8-ми Март со цел да им го честитаме празникот на припадничките на понежниот пол за време на оваа пандемија, рече Богески. Музиката е на Владимир Богески, текстот е на Сара Пројковска, аранжманот е на Рубин Димкоски и Владимир Богески. Вокал: Владимир Богески, бек вокали Викторија Стојческа и Маја Црвенкоска, звуците на пиано ги отсвири Александар Тренчовски, а саксафонот е во изведба на маестро Живко Чиртоски и гитара Рубин Димкоски. Во продолжение да ја слушнеме одличната балада на "Тајфата“:

Моќна и емотивна балада: Боби Павловски ја објави новата песна (ВИДЕО)

Ивана Ефремовски — Tue, 26 Feb 2019 10:16:03 +0000

Новата балада на Боби Павловски насловена „Тамо негде“ од вчера, а под капата на Гранд продукција, и официјално е пуштена во етерот. Моќната и емотивна балада е дело на веќе проверената екипа, која се потпиша и зад одличната „Метар дана“ Александар Цветковиќ – Сале Тропико, музика и Драган Брајовиќ-Браја, текст. Зад миксот и мастерингот, пак, стои Милан Раѓен. Видеото во кое овој пат акцент е ставен на Боби е со потписот на талентираниот Даниел Јовески. „Оваа тема е снимена одамна, односно буквално во исто време со „Метар дана“, но чекав да помине време, публиката убаво да чуе што сме сработиле, што се вели да легне претходната песна, па да ја промовирам и „Тамо негде“. Ми се допадна на прво слушање, иако е балада мислам дека звучи многу моќно. Се надевам дека и публиката ќе го има истото чувство“, вели Боби. Дека е моќна и леплива за уво доволно зборува и податокот што неполни 24 часа од објавувањето на Јутјуб има повеќе од 32 000 прегледи. „Да се работи со Боби е, пред се, задоволство, особено затоа што има моќен вокал. Првата песна која ја промовиравме кон крајот на минатата година беше брза, динамична мелодија, но мислам дека вистинската емоција која тој ја носи во себе доаѓа до израз токму во „Тамо негде“. Верувам во оваа песна, не дека е моја, но ми има некоја убава емоција“, вели Сале Тропико.

Мите Стоилков вели: „Оди си“-автобиографска балада која ќе ве освои на прва (ВИДЕО)

Ивона Петрова — Tue, 04 Dec 2018 12:04:50 +0000

Победникот од пред две години на музичкото натпреварување „Ѕвездите на Пинк“, Мите Стоилков пред еден ден ја објави неговата прва песна со наслов „Оди си“. Станува збор за прекрасна балада, за која Стоилков сними и видеоспот и тоа под режисерската палка на Даниел Јовески. За музиката и аранжманот на песната се погрижи токму Мите, додека текстот е дело на почитуваниот хит-мејкер, Огнен Неделковски. По повод ова првенче, Мите исто така пред неколку дена организираше и промоција на која присуствуваа многу негови пријатели, колеги од естрадата, претставници на седмата сила и многу други. Спотот како што погоре пишува е дело на Јовески, а во него покрај Мите се појавуваат и статисти кои само дополнително придонесоа ова видео да изгледа прекрасно. - Задоволен сум од целиот производ. Долго работев на него, работев со внимание, љубов и го добив резултатот кој што го посакував. Се надевам дека во оваа песна ќе се пронајдат многумина, бидејќи е автобиографска и опиша еден дел од мојот живот кој сакам побрзо да го заборавам - изјави Стоилков. Инаку младиот пејач веќе размислува и на следната песна и спот. Тој вели дека тука не застанува, дека допрва публиката ќе има прилика да слушне и да види од него музички новитети.