баланс – Kurir.mk

Баланс во исхраната за подобро здравје – потврдено со клиничка студија

Ивана Ефремовски — Mon, 23 Jan 2023 09:47:20 +0000

Консумирањето производ чиј состав позитивно влијае врз здравјето и организмот колку што е потребно толку е и ретко. Но, уште поретко е постоењето производи чиј ефект врз здравјето е докажан и потврден со клиничка студија, што е посебно потребно во услови на разновидни, но не и секогаш квалитетни прехранбени производи. Јогуртот со пробиотици Баланс+ е токму еден од ретките ако не и единствен производ за чие позитивно влијание врз здравјето и процесите во организмот е направена клиничка студија. Оваа студија покажа дека Баланс+ поседува својства што обезбедуваат цела низа здравствени придобивки. Една од главните придобивки е успешното регулирање на варењето на храната и дигестивниот тракт. Според оваа студија, за да се постигне совршен баланс во дигестивниот тракт потребно е во текот на десет дена дневно да се консумира по 500 грама од јогуртот поделен во две дози. Студијата е спроведена на повеќе испитаници меѓу кои и пациенти со функционални нарушувања на дигестивниот систем, и еднакво кај сите ги покажа позитивните ефекти од консумирањето Баланс+. Покрај подобрувањето на работата на дигестивниот тракт како и проблемите во дигестивниот тракт, редовното консумирање на Баланс+ придонесува и за други аспекти на здравјето и благосостојбата на оние што редовно го консумираат. Го подобрува метаболизмот, влијае на варењето храната и расположението. Позитивно се одразува и на психичката состојба, како резултат на олеснување на тешкотиите при варењето на храната и чувството на подуеност. Овие својства на Баланс+ произлегуваат од неговиот состав, комбинацијата од двете најкорисни пробиотски култури Lactobacillus acidophilus LA и Bifidobacterium BB заедно со пребиотикот олигофруктоза, којшто ја го засилува дејството на пробиотиците, заедно обединети во комплексот Bifido Digestio. Редовното пиење на Баланс+ води и до намалување на индексот на телесна маса (BMI), а исто така се забележува разлика и во процентот на телесните масти коишто се намалуваат и на количината на вода во телото што се зголемува.

УШТЕ ЕДЕН ПРОИЗВОД СО АФЛАТОКСИНИ: Се повлекува од пазарот, еве што препорачува АХВ

Магдалена Андонова — Mon, 21 Nov 2022 07:20:31 +0000

Агенцијата за храна и ветеринарство (АХВ) соопшти дека се повлекува од пазарот небезбеден производ БАЛAНС +, ферментиран млечен производ, во пакување од 1 килограм. Причините се неусогласена концентрација на афлатоксини со македонските прописи, поради што овој производ е потенцијален ризик по здравјето на луѓето. Афлатоксините се токсични и се едни од најканцерогените познати соединенија. По влегувањето во организмот, можат да бидат метаболизирани во црниот дроб. Дополнително, од АХВ известуваат дека количествата што се повлекуваат не биле наменети за македонскиот пазар. Се повлекуваат пакувањата со Сериски број/лот: 28.11.22, односно рок на употреба до 28 ноември. Производител е AD IMLEK, Industrijsko naselje bb,11231 Padinska Skela, Republika Srbija. Производот во земјава е дистрибуиран од Млекара АД Битола, Ѓурчин Наумов Пљакот бр.1, 7000 Битола, Република Македонија. Крајните потрошувачи кои гo имаат купено горенаведениoт производ со посочениот сериски број/лот, истиот да нe гo консумираат и да гo вратат на местото од каде гo купиле, порачува АХВ.

Нов биланс на коронавирусот во Франција: Починати 1.995 лица, 32.964 заразени

Тале Кристо — Fri, 27 Mar 2020 19:15:29 +0000

Генералниот директор за здравство, Жером Саломон, објави дека во Франција досега имало 1.995 смртни случаи од „Ковид-19“, од кои 299 смртни случаи во последните 24 часа, јави дописникот на МИА. Покрај тоа, 32.964 случаи биле потврдени со тестот ПЦР. Податоците од 623 здравствени установи укажуваат на тоа дека 15.732 лица се хоспитализирани за инфекција со Ковид, додека 3.787 се на интензивна нега во сериозна состојба. Една третина од хоспитализирани пациенти се помлади од 60 години, 42 се помлади од 30 години. Покрај тоа, 85 отсто од смртните случаи се на возраст над 70 години. Бројот на излекувани е 5700. Вчера имало 3.788 посети на урегнетно за лица за кои се сомнева дека имаат коронавирус, исто така, имало 1.384 интервенции од страна на докторите на СОС-доктори. Според Генералниот директор за здравство, 5 отсто од луѓето со коронавирус се хоспитализирани. -Набљудуваниот број на смртни случаи во 12-та недела од пандемијата станува значително поголем со вишок на смртност од 6 отсто, додаде тој, повикувајќи се на бројките на Националниот институт за статистика.

Природни пијалаци за регулирање на балансот на хормоните

Предраг Кукиќ — Tue, 11 Dec 2018 13:46:08 +0000

Стресот и модерниот начин на живеење може да предизвикаат нарушување на балансот на хормоните. Иако ако дојде до нешто такво најдобро е да посетите интернист и ендокринолог, можете да си помогнете и на природен начин. Следниве три пијалаци се целосно природни и единствено што може да се случи е вашето тело да се стабилизира, а со тоа и целиот ендокринолошки систем. Топла вода со лимон Оваа мешавина помага при намалување на телесната тежина, но и ги отстранува отровите во телото, го подобрува имунитетот, ја прави кожата посјајна, а варењето на храната е многу полесно. Лимонот влијае врз хормонот на ситоста – лептинот. Ако тој е надвор од рамнотежа, телото почнува да создава масни наслаги. Благодарение на млаката вода со лимон, ќе внесете доволно течност во телото и ќе ја подобрите работата на дигестивниот систем. Секое утро пијте еден исцеден лимон разблажен со 250 милилитри млака вода. Најдобро е да пиете кога сте гладни, но доколку од некоја причина не можете, добро е да го испиете и во кој било дел од претпладнето. Чај од лист од малина Листовите од малина се народен лек за зајакнување на мускулите на ѕидовите на матката во многу традиции. Но, со ова се согласува и фитофармацијата. Ваквиот чај е одличен за одржување на женското здравје, а според народните убедувања, жените кои редовно го пијат ќе имаат полесно породување. Потребна ви е една лажичка исушени листови од малини, набрани од чисто место и 200 милилитри зовриена вода. Оставете да отстои 10 минути и пијте во текот на денот, не пред спиење. Златно млеко Златното млеко е пијалак што го подобрува имунитетот, ги балансира хормоните и му помага на организмот да се ослободи од задржаните течности. Основна состојка е куркумата, зачин со широко дејство врз општата здравствена слика. Според ајурведската медицина, куркумата ја подобрува циркулацијата и правилното „распоредување“ на излачените количини естроген. Во 200 милилитри топло млеко додајте половина лажичка куркума и една лажичка кокосово масло. По желба, можете да додадете мед или цимет. Пијте навечер, пред спиење. Сите три пијалаци можете да ги консумирате во текот на еден ден и тоа започнувајте го утрото со водата со лимон, околу пладне испијте го чајот од лист од малина, а навечер испијте го млекото.