балисти – Kurir.mk

ФФМ ПРЕСЕЧЕ – жестока парична казна за Балистите кои се обидоа да го запалат стадионот во Тетово

Дарко Андоновски — Tue, 18 Oct 2022 16:03:03 +0000

Повеќекратниот македонски фудалски шампион Шкендија е казнета со 3.000 евра поради пиротехничкото шоу на навивачите на овој тим на дербито во Тетово против Шкупи одиграно пред точно еден месец. Двете екипи одиграа без голови, не им пречеше на популарните „Балисти“ буквално да ја запалат трибината со палење на повеќе десетици факели. Дисциплинската комисија на ФФМ изрече жестока казна и за поранешниот младински репрезентативец, Али Адем, кој сега игра за Шкупи, а поради црвениот картон добиен во пресметката со Силекс. Адем, според записникот од овој натпревар, нападнал фудбалер на кратовци, поради бил директно исклучен, а за што е казнет со суспензија на пет натпревари. Тој не играше против Воска Спорт во Купот, Академија Пандев и Струга, а ќе нема право на настап и на натпреварите на чаирчани против Тиквеш и Шкупи, кои се играат пред крајот на месецов.

Владата им дава пари, а тие порачуваат: „Мразиме сѐ што е македонско, на Македонците им посакуваме се најлошо!“

Ивана Ефремовски — Wed, 09 Jan 2019 16:49:35 +0000

Нецел месец по скандалозното видео платено од Министерството за култура за промоција на Македонија преку глорификација на навивачката група „Балисти“, фановите на Шкендија прават нов скандал со искажување неверојатни антимакедонски ставови во интервју за италијански онлајн-магазин. Под наслов „Не нѐ викајте Македонци“, анонимни водачи на „Балисти“ искажуваат еден куп шовинистички изјави и говор на омраза насочени кон македонската држава и народ.

„Мразиме сѐ што е македонско и на Македонците им посакуваме сѐ најлошо“, е реченицата која најсилно одекнува читајќи го написот во магазинот „Ривиста“.

Тие државата во која живеат и во која се натпреварува нивниот клуб постојано ја нарекуваат Илирида, а постојано ги величаат националистичките идеи за формирање Голема Албанија. Во интервјуто го споменуваат и Вардар, својот, како што и самите велат, најголем конкурент како и навивачите на овој тип, популарните Комити

„За Комитите сме олицетворение на стравот, секогаш кога ќе го слушнат зборов 'Балисти' не можат да спијат со денови. Тие се Македонци и се потпомогнати и македонската власт. Се мразиме едни со други“, велат претставниците на „Балисти“.

Ова е кој знае кој по ред националистички испад на навивачката група, која од Министерството за култура беше „наградена“ со пари за проект за промоција на државата за која самите велат дека ја мразат. Извор: СПОРТ 1

Војводите реагираат: Оние кои ги скандираа местата на кои беа масакрирани нашите бранители, сега добиваат финансиска помош од државата

Ивана Ефремовски — Wed, 26 Dec 2018 14:31:13 +0000

Понижувањето на македонскиот народ во секој поглед не прекинува, реагираат од навивачката група Војводи од Тетово. Нивната реакција ја пренесуваме во целост: „Оние кои скандираа име на терористичка организација, ги скандираа местата на кои беа масакрирани нашите бранители во 2001 година, го омаловажуваат македонскиот народ, не ја признаваат нашата држава, го омаловажуваат македонското девојче, напаѓаат невини жени и деца и шират идеологија за создавање на “Голема Албанија” како заслуга на сето ова добиваат финансиска помош од државата односно од министерството за култура. КОЕ ДНО! Од се што е македонско се одродивте, секој кој ја сака Македонија го казнивте и затворивте, а секој оној кој што е против нашиот народ и држава го ослободивте и го наградивте. Па затоа и некогаш ни доаѓа и да се запрашаме каде ли ние општо живееме. Дали живееме во своја држава која се вика Македонија и се залага за заштита на своите национални интереси или пак живееме во некоја си туѓа држава каде што се промовираа туѓи култури, се финансираа туѓи песни, манифестации и организации кои се против Македонија и македонскиот народ. За некого кривични пријави за прослава и за никакво сторено кривично дело, а за некои финансиска помош од државата која ја мразат, никогаш не ја осеќаат како своја и не ја признаваат. Македонија за некого стана мајка, а за некого маќеа“-порачуваат навивачите.

Балистите на Заев си добија државни пари, а Комтите протести и прогон

Ивана Ефремовски — Wed, 26 Dec 2018 08:35:55 +0000

Навивачката група на тетовскиот клуб Шкендија – Балисти, позната по честите антимакедонски навивања и инциденти, стана промотор на Македонија. Со државни пари, преку Министерството за култура, на Балистите им беше финансиски поддржан дел од проектот „Запознајте ја Македонија“, со кој се цели јавноста да се запознае со спортскиот живот во Тетово, особено со клубот Шкендија и нивните навивачи. Со оглед на честите инциденти предизвикани токму од оваа тетовска навивачка група, како што се провокациите кон сопствениците и гостите на македонските угостителски објекти во градот под Шара, пеењето навивачки песни во кои се величи Голема Албанија, но и сквернавењето на државниот симбол – македонското знаме, се поставува прашањето кои се критериумите за добивање средства од Министерството предводено од Асаф Адеми, за колкава сума на пари станува збор и дали при доделувањето на средствата се земени предвид антимакедонските изблици на Балистите? За клубот Шкендија, навива и премиерот Зоран Заев, па јасно е зошто неговата Влада издвои голема сума на пари за овој клуб и неговите навивачи кои постојано плукаат по македонскиот народ и државните обележја. Од друга страна, навивачите на Вардар-Комитите, никогаш не добиле нешто слично. Имено, ако некој може и треба да ја промовира Македонија во однос на навивачки клубови, тоа се дефинитивно Комитите. Наместо пари како Балистите, Комитите добиваат полициски прогон и протести со навредлива содржина за нив. Јавноста е потресена од крвничкото убиство на младиот Никола Саздовски-Саздо кој беше член на Комитите. Беше убиен среде Скопје, а властите долго време молчеа за сторителите на ова дело.

Договорени активности за релаксирање на односите меѓу навивачките групи „Војводи“ и „Балисти“

Ристе Здравков — Tue, 06 Nov 2018 15:29:40 +0000

Заеднички мерки и активности за релаксирање на односите меѓу тетовските навивачки групи „Војводи“ и „Балисти“ се договорени денеска на одвоени средби во Секторот за внатрешни работи Тетово со претставници на двете навивачки групи. Како што соопшти МВР, средбите уследија по последните инциденти кои изминатиот викенд се случија во Тетово, а во кои беа инволвирани членови на овие две навивачки групи, но и за формите и начините за надминување на сите проблеми и недоразбирања. -Раководството на СВР Тетово и претставниците на навивачките групи „Војводи“ и „Балисти“ договорија заеднички мерки и активности за релаксирање на односите помеѓу тетовските навивачи, а договорено е, исто така, во иднина тие да се воздржат од ширење говор на омраза, непримерно скандирање и упатување на навредливи и вулгарни пораки кон другите. На денешните средби произлезе и иницијатива за заедничка средба на двете навивачки групи и нивно помирување, со цел во наредниот период да не се повторат вакви или слични инциденти, стои во соопштението на МВР.

Интензивно се работи на расчистување на случаите во кои биле вмешани членови на „Војводи“ и „Балисти“

Ивона Петрова — Mon, 05 Nov 2018 13:50:57 +0000

Раководството на Секторот за внатрешни работи Тетово, денеска ( 5 ноември ) оствари средба во Основното јавно обвинителство Тетово за целосно расчистување на случаите од 3-ти и 4-ти ноември, во кои непосредно биле инволвирани членови на навивачките групи „Војводи“ и „Балисти“ од Тетово, информираат од МВР. На средбата се координирани активностите за конкретно квалификување на настаните, динамиката и следните чекори, со цел нивно комплетно расветлување и финално заокружување со изготвување на соодветни поднесоци против инволвираните лица.

ВИДЕО: Навивачката група „Балисти“ со шишиња и камења фрлаа кон кафуле полно со гости

Предраг Кукиќ — Sun, 04 Nov 2018 18:26:18 +0000

Обид за предизвикување на меѓуетнички конфликт се случи попладнево во Тетово, откако навивачката група „Балисти“ со шишиња и камења фрлаа кон кафуле полно со гости. Како што пишуба Инфомакс, „Балистите“ се движеле по еден од тетовските булевари во правец на градскиот стадион во Тетово кога почнале со фрлањето на предмети, камења и шишиња кон кафулето кое е етикетирано како македонско кафуле во градот. Додека се движеле скандирале „УЧК, УЧК“. Како што информираат лица присутни на немилиот настан, полицијата не се обидела да ги спречи, наместо тоа ги притиснале присутните во кафулето внатре.

Провокации во Тетово! Posted by infomax.mk on Sunday, 4 November 2018