балканско првенство – Kurir.mk

Стартен пораз на македонските одбојкарки на Балканското првенство за пионерки

Тале Кристо — Sun, 02 Jul 2023 12:11:54 +0000

Македонската женска пионерска одбојкарска репрезентација загуби од фаворитот Турција со 3:0 (25:17, 25:14 и 26:24) во првото коло на Балканското првенство, кое почна во саботата во Србија. Избраничките на селекторот Александар Митев, и покрај синоќешниот пораз, не разочараа со играта и покажаа дека имаат потенцијал за успешни настапи во продолжението на Балканијадата во Врњачка Бања. -Игравме против една од најдобрите екипи на Балканијадата. Навистина сме задоволни од нашата игра, бевме многу блиску да освоиме сет, но среќата беше на нивна страна. Пред нас се нови натпревари, се надеваме на победи и пресреќни сме што настапуваме на Балканското првенство, изјави репрезентативката Ивана Милева. Македонските одбојкарски денеска играат против Грција, а в понеделник против Црна Гора.

Балканско првенство за Германски овчари денес во Волково

Ивана Ефремовски — Sun, 19 Mar 2023 07:56:52 +0000

Македонскиот клуб за Германски Овчари (MKGO) и оваа година традиционално го организира Балканското првенство за Германски овчари “BALKANICA 2023”. Настанот ќе се одржи денес, 19-ти март (недела) на Стадион Волково, со почеток во 9 часот. -Особена чест и задоволство ни претставува оваа година што истото ќе се одржи на фудбалското игралиште Волково, на територија на нашата општина. Вистински празник за љубителите на оваа раса и кинологијата. Отворена покана од организаторот до сите кои сакаат да ја проследат манифестацијата со почеток од 9 часот, се наведува во официјалната најава која ја објави градоначалникот на Ѓорче Петров, Александар Стојкоски.

Кадетите во Штип се подготвуваат за Балканското првенство во одбојка

Тале Кристо — Wed, 08 Jun 2022 18:58:51 +0000

Македонската машка одбојкарска кадетска репрезентација, под водство на селекторот Ванче Санев, се подготвува во Штип за настап на претстојното Балканско првенство во Нови Сад. Селекторот Санев на располагање има шеснаесет одбојкари, кои во наредните дваесетина дена ќе се обидат да создадат тим кој ќе игра достојно на балканскиот собир од 28 јуни до 2 јули. Најголемиот број од репрезентативците, осуммина, се од Струмица 47&72, а по двајца од Јанта волеј, ГОК Борец, Штип УГД и Весна Пробиштип. На Балканијадата во Нови Сад, Македонија ќе игра во групата „Б“ со Молдавија и Бугарија, а во другата конкуренција се домаќинот Србија, Романија, Турција и Босна и Херцеговина.

Македонија со три боксери и еден судија на Балканското првенство во Анталија

Ивона Петрова — Wed, 11 Dec 2019 07:46:35 +0000

Македонската боскерска репрезентација од денеска до недела ќе настапи на Балканското првенство во Анталија, Турција. Репрезентација е во состав, Јасин Љама ,Гоце Јанески и Арсим Етеми. Водач и тренер на екипата е Скендер Јахиу. Љама ќе настапи во категоријата 69 кг, Јанески во 75кг и Етеми во 81 кг. Овие тројца наши боксери настапија на Европското првенство во Минск оваа година. Покрај тројцата боксери на шампионатот ќе настапи и Стефан Цубалевски, тој ќе биде наш претставник кај судиите на Балканското првенство. Ждрепката е денеска во 12 часот по локално време.