балотели – Kurir.mk

Монца ми дава последна шанса на Балотели

Ивона Петрова — Sun, 06 Dec 2020 10:03:49 +0000

Извршниот директор на Монца, Адриано Галијани, изјави дека италијанскиот второлигаш ќе му даде последна шанса во кариерата на поранешниот фудбалски репрезентативец на „азурите“ Марио Балотели. Интерес да го донесе во своите редови изминатите денови пројави и бразилскиот прволигаш Васко де Гама, но според информациите во италијанскиот печат, Балотели ја одбил понудата и претпочита да остане во родната Италија Балотели, кој е без клуб, откако пред шест месеци му истече договорот со Бреша, треба да ги мине задолжителните медицински прегледи по што се очекува да потпише краткорочен договор со Монца до крајот на актуелната сезона. – Имав долг разговор со Балотели и му предочив дека ова е навистина неговата последна шанса, апсолутно последна, последна шанса, изјави Галијани за „Газета дело Спорт“. Второлигашот Монца е во сопственост на поранешниот газда на Милан и експремиер на Италија, Силвио Берлускони.

Балотели ќе си замине од Бреша во летниот преоден рок

Тале Кристо — Thu, 21 May 2020 07:06:05 +0000

Марио Балотели ќе го напушти тимот на Бреша на крајот на сезоната 2019/20, објави новинарот Николо Скира. Според добриот познавач на италијанскиот фудбал, за 29-годишниот Балотели се заинтересирани турски Галатасарај и бразилски Васко да Гама. Се известува дека двата клуба веќе започнале преговори со агентот на играчот, Мино Рајола. Балотели и се придружи на Бреша летото 2019 година како слободен агент. Тој има пет гола на 19 натпревари за тимот во сезоната 2019/20. Порталот „Transfermarkt.com“ ја проценува вредноста на играчот на 5,5 милиони евра.

Балотели повторно се вмеша во скандал

Ивана Ефремовски — Fri, 22 Nov 2019 08:15:25 +0000

Марио Балотели се вмеша во нов скандал. Напаѓачот на Бреша беше забележан како ја напушта последната тренинг сесија предвреме во четвртокот и, според „Газета Дело Спорт“, ова се случило по судир со тренерот Фабио Гросо. „Марио оди си“, биле зборовите на Гросо до напаѓачот, по што Балотели ја напуштил сесијата. Клубот негираше какви било тензии меѓу Балотели и Гросо, но очевидци велат дека 28-годишниот Марио бил доста лут кога го напуштил клубот. Гросо го замени Балотели на полувремето на дуелот со Торино (0:4), што веројатно довело до затегнати односи меѓу двајцата. Сега ќе биде интересно да се види дали Марио ќе биде во почетните единаесет за судирот со Рома во недела и дали тој дури ќе биде во групата за гостувањето на „Олимпико“. (МИА)

Виера: Очекувам многу од Балотели

Ристе Здравков — Thu, 04 Oct 2018 14:04:42 +0000

Тренерот на Ница, Патрик Виеира рече дека очекува напаѓачот Марио Балотели да ја подобри својата презентација на теренот.

Италијанскиот напаѓач оваа сезона се појави во само три натпревари, откако се уште нема постигнато гол.

- Не се сомневам дека Марио сака да ја најде својата најдобра игра. Тој ги има сите квалитети. Тој мора да биде трпелив и да работи напорно. На последните тренинзи се претставува добро и очекувам многу од него. Истото важи и за Данте, од Жале - од сите лидери на тимот, изјави легендата на Арсенал.

Олимпик Марсеј не се откажува од Балотели

Ристе Здравков — Wed, 12 Sep 2018 09:00:53 +0000

Францускиот фудбалски клуб Олимпик Марсеј ќе ги продолжи преговорите со Балотели за евентуално негов трансфер во зимскиот преоден рок, објави Скај Италија. Напаѓачот на Ница, може да се пресели во Марсеј доколку се договорат финансиските услови кои беа пречка трансферот да се реализира пред почетокот на оваа сезона. 28-годишниот Италијанец во Ница е од 2016 година. Пред доаѓањето во Лига 1 „Супер Марио“ настапуваше за Милан, Ливерпул, Манчестер Сити, Интер и Лумецане.

Балотели конечно проговори за сагата во Ница

Ристе Здравков — Fri, 24 Aug 2018 08:02:16 +0000

Ѕвездата на Ница, Марио Балотели конечно го наруши молкот, отткако цело лето се шпекулираше околу желбата на напаѓачот да го напушти тимот. Тој на крајот одлучи да остане кај „орлите“ и ги откри причините за изборот. - Точно е дека по крајот на сезоната сакав да си заминам. Претседателот и останатите луѓе во клубот го знаеја тоа. Имав 5 конкретни понуди, но на крајот проценив да останам во Ница. Решението е целосно мое. Никој не може да ми каже што да правам. Постапувам така, како што сметам дека е најдобро. Имам луѓе кои ме советуваат, но конечно секогаш јас решавам што да направам, изјави Балотели. Тој изјави дека Олимпик Марсеј бил еден од петте клуба кои го посакувале. - Чувствувам голема почит кон нивниот тренер. Знам за непријателството меѓу навивачите на Ница и Марсеј, но јас се интересирам за кариерата, а не од мислењето на другите. Жал ми е, ако фановите се лути, но ништо не можам да направам. Додека сум во Ница, ќе давам се од себе за тимот. Еден ден веќе нема да сум тука и тоа е нормално, објасни италијанскиот репрезентативец. Тој додаде дека добил многу примамлив предлог од Кина, но го одбил бидејќи сака барем уште две години да игра на високо ниво во Европа, а целта му е да игра на Евро 2020.