банкарска картичка – Kurir.mk

Извршил дури 87 успешни трансакции од неговата картичка – Штипјанец шокиран кога видел колку пари му биле извадени без да знае

Дарко Андоновски — Sat, 23 Apr 2022 10:36:47 +0000

На 22.04.2022, по преземени мерки и активности, СВР Штип расчисти кривично дело по чл.251 ст.2 од Кривичниот законик, за кое постојат основи на сомнение дека го извршил Д.К.(35) од Штип.

Имено, постапувајќи по пријава од Д.К.(29) од Штип, според која во периодот од 15.04 до 21.04.2022 неговата банкарската картичка била злоупотребена, при што со неа биле извршени 87 успешни трансакции во вкупен износ од 356.889 денари на продажни места и банкомати во Штип, по преземени мерки и активности од полициски службеници од СВР Штип Д.К.(35) бил осомничен како сторител на кривичното дело.

Притоа, тој од банкомат во повеќе наврати извадил вкупно 270.000 денари. Од нив 148.000 му се вратени на оштетениот, а во координација со Јавен обвинител против Д.К. ќе следува соодветен поднесок.

Баба на итар начин му ја украла картичката – од банкомат во неколку наврати извадила вкупно 60 илјади денари

Дарко Андоновски — Sat, 05 Feb 2022 11:53:37 +0000

ОВР Неготино поднесе кривична пријава против М.А.(67) од Неготино, поради постоење основи на сомнение за сторено кривично дело „оштетување и неовластено навлегување во компјутерски систем“. На 19.12.2021, додека престојувала во домот на оштетеното лице од Неготино, пријавената од неговиот паричник ја одзела платежната картичка по што од банкомат во неколку наврати извадила вкупно 60.000 денари.

ВНИМАВАЈТЕ: На десетина граѓани викендов им е испразнета банкарската сметка од хакери без да знаат, не станува збор за мала сума на пари!

Дарко Андоновски — Tue, 08 Jun 2021 11:33:06 +0000

Вистински шок овие денови доживуваат десетици лица кои се членови на позната македонска банка откако нивното салдо го испразниле хакери. Последниот ваков случај го доживеал и 33 годишен скопјанец кој вчера сакајќи да подигне пари од банкомат на истиот му пишувало дека не може да се подигне сума , бидејќи веќе е направена трансакција од 30 илјади денари. Тој во изјава за КУРИР вели дека веднаш заминал во банката каде преку неа дознал дека е цел на хакерска измама. -Во банката ми кажаа дека во неделата од банкомат во Штип од мојата картичка биле подигнати 30 илјади денари иако јас сум од Скопје и за време на викендот бев дома, ниту ја имав дадено на некого мојата картичка која ми е во паричникот. Од службите таму ми кажаа дека не си единствен и дека парите целосно ќе ми бидат вратени во наредните неколку дена, раскажува тој за агонијата која ја поминал. Ова младо момче додава дека денеска од банката му потенцирале дека не е единствениот кој овој викенд бил мета на хакерски напад и преку неговата картичка да изнудат поголема сума на пари. -Истото им се случило на поголем број на македонски граѓани, но од банката не сакаа да ми ја откријат бројката, вели тој. Додава дека за овој случај треба да се информираат сите граѓани се со цел да внимаваат на честите измами особено во денешно време кога има експанзија на хакери и вакви напади. Засега нема информации дали случајот е пријавен во МВР и дали тие работат на расчистување на истиот.

Му ја украл банкарската картичка па во повеќе трговски објекти потрошил вртоглава сума на пари

Дарко Андоновски — Wed, 13 May 2020 14:35:56 +0000

СВР Охрид поднесе кривична пријава против К.Т.(55) од Охрид, поради постоење основи на сомнение за сторено кривично дело „оштетување и неовластено навлегување во компјутерски систем“. На 27.03.2020, пријавениот ја одзел банкарската картичка од Р.Н.(66) од Охрид и преку пост терминали во повеќе трговски објекти во градот, подигнал 34.366 денари.