банкарски сметки – Kurir.mk

Мексико замрзна 126 милиони долари на банкарски сметки на криминалци

Ивона Петрова — Wed, 14 Oct 2020 05:58:02 +0000

Мексиканските власти замрзнаа 1.352 банкарски сметки со вкупно 126 милиони долари депонирани од 14 криминални банди. Тоа го објави шефот на финансиското разузнавање Сантијаго Нието, јави ДПА. Парите се од активности како што се продажба на дрога, изнуда и киднапирање. Повеќе од 400 лица се уапсени, според шефот на полицијата во главниот град, Омар Гарсија Харфуч. Според него, со тоа најголемите криминални организации во Мексико се погодени. Гарсија Харфуч преживеа напад од нарко картелот „Халиско Нуева генерација“ во јуни.

Банкарските сметки на Навални се замрзнати

Магдалена Андонова — Thu, 24 Sep 2020 13:43:53 +0000

Банкарските сметки на рускиот опозициски политичар Алексеј Навални се замрзнати, а неговиот стан во Москва е конфискуван по судско барање, додека тој се опоравува во берлинската болница од труењето. Тоа го изјави денеска неговиот портпарол Кира Јармиш. – Ова значи дека станот не може да се продава, да се донира или да се става под хипотека, објасни Јармиш. Навални беше пренесен од Русија во Берлин минатиот месец откако се разболе на домашен лет за Сибир. Западот побара објаснување од Кремљ, кои негираат вмешаност во инцидентот.

„Жолтите елеци“ бараат од граѓаните да ги испразнат банкарските сметки

Ивона Петрова — Wed, 09 Jan 2019 15:09:07 +0000

Активисти на „жолтите елеци“ побараа од француските граѓани да ги испразнат своите банкарски сметки и да тргнат во масовен поход на банките. Повикот следува во пресрет на деветиот викенд протести во Париз и ширум Франција, а демонстрантите се надеваат дека тој потег ќе ја натера Владата да ги сослуша нивните барања, пред се нивниот повик на подиректна демократија преку можноста граѓаните да предлагаат нови закони. МИА

ВМРО-ДПМНЕ: Со укинувањето на приватноста на сметките СДСМ уште еднаш бескурпулозно го крши Уставот на Република Македонија

Ивона Петрова — Tue, 14 Aug 2018 07:19:10 +0000

ВМРО-ДПМНЕ во денешното соопштение посочува дека укинувањето на приватноста на банкарски сметки власта на Заев дополнително ќе ги оданочува извозниците на интелектуален труд и ја загрозува приватноста на граѓаните. -Укинувањето на приватноста на сметките ќе ги направи граѓаните потенцијална мета на уцени, закани и други криминогени дејанија на структури блиски до власта. Со ваквото законски решение СДСМ уште еднаш бескурпулозно го крши Уставот на Република Македонија поточно членот 25 со кој „На секој граѓанин му се гарантира почитување и заштита на приватноста на неговиот личен и семеен живот, на достоинството и угледот“, се наведува во соопштението. Од партијата посочуваат дека воедно една од клучните цели на оваа одлука на владата е да се оданочат оние кои продаваат интелектуален труд по светот односно ИТ интернет услуги, преводи и други трудови. -Со ова дополнително ќе се оданочи структурата на граѓани која прави извоз со минимално користење на домашните кавни услуги за кои плаќа. Овие законски измени се единствено резултат на стравот и паранојата на Зоран Заев и СДСМ од сопствените граѓани. Страв кој е резултат на противењето на граѓаните на штетните антидржавни политики кои ги спроведува СДСМ. Зоран Заев досега покажа дека единствено го интересира зачувувањето на својата фотелја бидејќи знае дека во моментот кога ќе падне од власт и ќе ја изгуби контролата врз правосудството ќе мора да одговара за своите и криминалите на своите сопартијци. Денот кога во државата ќе се врати правдата и правната држава Македонија ќе победи, стои во партиското соопштение.